Hagvöxtur í raun?

Er raunverulegur hagvöxtur á Íslandi þegar tugir milljarða hafa farið í einkaneyslu úr séreignarsparnaði og með yfirdráttarlánum?

Hagvöxtur sem byggist alfarið á lántökum er einskis virði. Það ættum við að vita eftir eignabólur síðustu ára.
Búmennska sem sýður súpu af soðnu útsæði er minna en einskis virði.

Tölur Vinnumálastofnunar mæla minnkandi atvinnuleysi, en tölur Hagstofunnar mæla minnkandi atvinnuþáttöku.
Blekkjum ekki sjálf okkur með röngu bókhaldi.

Heimilin hafa rekið sig áfram með því að eyða sparnaði sínum. Nú hafa yfirdráttarlán tvöfaldast á stuttum tíma. Slíkt kann ekki góðri lukku að stýra og getur aldrei talist "sjálfbært".
Frysting lána, vaxtabætur, úttekt lífeyris og yfirdráttarlán eru skammtímafrestun vandans en engin lausn.

Skattagleðin skilar sér seint í sjálfbærum tekjum en dregur markvisst úr fjárfestingu, einmitt á þeim tíma sem við ættum að vera með öfluga fjárfestingu í iðnaði, orku og ferðaþjónustu.

Hagvöxtur er á stundum ofnotað hugtak. - Gætum að því hvað er í raun á bak við hann.

Fullt tilefni til bjartsýni og sóknar

Athugasemdir

[Sigurður Þorsteinsson, 12.9.2012 kl. 22:28]

Góð grein. Þegar makríllinn er tekinn út, er samdráttur í þjóðfélaginu.

[Óskar Guðmundsson, 12.9.2012 kl. 23:20]

Eins og réttilega kom fram á þinginu í kvöld telur ríkisstjórnin sig vera að veita meira fé í velferðarmál... þegar í raun er verið að greiða fleirum atvinnuleysisbætur.

Eins og við almenningur vorum gagnrýnd fyrir að lengja í lánum hefur sitjandi stjórn verið að lengja í lánum AGS og eru þau að hækka í vöxtum út 2,75+Libor í 6,15% í dollar, nokkuð sem er fáheyrt í fjármálaheimi heimsins.

[Sumarliði Einar Daðason, 13.9.2012 kl. 11:49]

Sammála þessu.