Saga úr ferðaþjónustunni

Á níunda áratugnum var unnið að smíði flugmóðurskips sem var nefnt Varyag (Варяг) af Sovétmönnum. Árinu eftir fall kommúnismans í Sovétríkjunum var smíði þess hætt.

Sex árum síðar var það keypt á uppboði fyrir tvo milljarða króna af einkafyrirtækinu "Chong Lot Tourist and Amusement Agency" sem sagði tilgang kaupanna vera að setja á fót fljótandi ferðamannaparadís fyrir utan Macau og ættu að vera 600 herbergi í skipinu.

Árið 2005 er skipið komið í þurrkví og tekið í gegn. Fer litlum sögum af skipinu þar til í síðasta mánuði þegar þvi er siglt á haf út; en þá sem fullbúið herskip og jafnframt fyrsta flugmóðurskip Kína. 

 

Athugasemdir

[Gunnar Rögnvaldsson, 4.9.2011 kl. 01:19]

Takk fyrir þetta fallega póstkort frá alþýðulýðveldi einkaframtaks hinna fáu, á vegum hinna mörgu, Eyþór.

[Ragnhildur Kolka, 4.9.2011 kl. 08:41]

Smám saman tekur sagan á sig mynd. Gott innlegg.

[Eyþór Laxdal Arnalds, 4.9.2011 kl. 11:09]

http://www.guardian.co.uk/commentisfree/2011/aug/11/china-aircraft-leader

[Gunnlaugur I., 4.9.2011 kl. 13:11]

Sæll Eyþór.

Munurinn á Grímsstöðum á fjöllum og þessu skipi er gríðarlega mikill. Í fyrsta lagi getur Kínverjinn ekki siglt þessari jörð í burtu. Hún verður alltaf óskoraður partur okkar lands. Skipið er heldur ekki partur neins lands, þetta er færanlegur og forgengilegur hlutur.

Í öðru lagi getur hann ekki uppá sitt einsdæmi ákveðið að byggja þar herflugvöll eða að setja þarna á stofn Kínverska herstöð.

Í þriðja lagi vill hann afsala sér virkjunarmöguleikum.

Hann getur ekkert gert þarna sem er ekki í einu og öllu innan ramma íslenskra laga hvað varðar umhverfis- og skipulagsmál.

Sjálfum finnst mér að hann hefði nú ekki þurft að kaupa alla jörðina til að fara í þessar áhugaverðu og rándýru fjárfestingu.

En engu að síður finnst mér að við eigum ekki að hika við að veita honum leyfi til þess að kaupa jörðina og hefja þar framkvæmdir. ÞAð má kannski setja einhver skilyrði, s.s. um framgang framkvæmdanna.

Aðeins smávegis viðbót við þetta "flugmóðurskip" sem þú nefnir hér að þá las ég það einhversstaðar að þetta er víst eina "flugmóðurskipið" í heiminum, þar sem engar flugvélar geta lent á eða tekið til flugs. Ja nema þá þyrlur. En það eru líka þyrlupallar á litlu varðskipunum okkar án þess að við státum okkur af því að eiga eitt einasta flugmóðurskip.

Svolítið skondið þetta !

[Eyþór Laxdal Arnalds, 5.9.2011 kl. 13:02]

Hér eru myndir af gripnum:

http://www.google.is/search?q=varyag+aircraft+carrier+latest+pictures&hl=is&biw=1516&bih=1036&prmd=ivns&tbm=isch&tbo=u&source=univ&sa=X&ei=7cdkTqGYD8yAhQeIg-SlAQ&ved=0CB8QsAQ

svo er þetta víðar:

http://www.ipcs.org/pdf_file/issue/IB101-Ryou-ChineseNavy.pdf

og

http://findarticles.com/p/articles/mi_m0JIW/is_1_57/ai_113755343/pg_3/

Þessi saga er nokkuð ótrúleg - en virðist vera sönn