ESB aðild út af borðinu hjá Framsókn

Fyrir sex mánuðum síðan var haldið flokksþing Framsóknarflokksins og var þá kosið um formann. Fráfarandi formaður hafði þá þetta að segja um Evrópusambandið:

"Er það best komið eins og það er, eða með aðild að Evrópusambandinu? Því er haldið fram að ég hafi farið offari í þeirri umræðu. Hún hafi ekki verið tímabær. En ég spyr, hvenær er tímabært að ræða framtíðina og hvenær er það ekki tímabært? Í mínum huga er ávallt tímabært að ræða framtíðina, hvort sem það er óþægilegt eða ekki. Stjórnmálaflokkur sem ekki getur það er harla lítils virði."

Nú talar nýr formaður og þá er umræða um ESB aðild ekki tímabær á næstu árum, eða eins og Jón Sigurðsson sagði fyrr í dag: 

"Við teljum ekki tímabært að taka núverandi afstöðu Íslands til endurmats fyrr en við höfum tryggt hér langvarandi jafnvægi og varanlegan stöðugleika í efnahags-, atvinnu- og gjaldeyrismálum. Slíkt tekur ekki minna en 4–5 ár. Á þeim sama tíma breytast bæði samfélag okkar og Evrópusambandið sjálft og því eru langtímaákvarðanir um breytta stefnu ekki tímabærar nú. Við höfnum því að Íslendingar láti hrekja sig til aðildar vegna einhverra vandræða eða uppgjafar. Við eigum sjálf að skapa okkur örlög sem metnaðarfull og frjáls þjóð," sagði Jón."

Takið eftir notkun orðsins "tímabært" hjá báðum.

Staðan fyrir kosningarnar 2007:

D, B, F og V munu ekki beita sér fyrir aðild.
Eftir stendur +/-20% flokkur með listabókstafinn S

 

Jón Sigurðsson: eigum að taka ákvarðanir varðandi ESB aðild á eigin forsendum

Athugasemdir

[Jón Sigurgeirsson , 2.3.2007 kl. 16:04]

Það er fleira en Ingibjörg sem fælir frá.

[Haraldur Haraldsson, 2.3.2007 kl. 16:50]

Gæti ekki verið að Framsokn komi  með eitt dæmið ennþá og þá aftur ESB??????

Halli Gamli

[Anna Benkovic Mikaelsdóttir, 2.3.2007 kl. 22:27]

EB breytir ekki þjóðerni fólks Gisli!

...en í sb við Framsókn hef ég þetta að segja, bla bla bla bla... 

[Pétur Guðmundur Ingimarsson (IP-tala skráð) 2.3.2007 kl. 22:58]

Hvað varðar herskyldu á Íslandi, þá var stjórnarskrárákvæði í gildi um herskyldu 1874-1995.

Nú er bara til ákvæði úr Jónsbók um landvarnaskyldu Íslendinga í gildi frá 1281 til dagsins í dag.

En það er samt spurning hvort Íslendingar vilji almennt gegna hermennsku í Evrópuher sem mun ekki nota Íslensku og mun seint hafa mikla hæfileika til að verja landið okkar Ísland.