Skynsamlegar áherslur

Sjálfstæðisflokkurinn er stór hægri flokkur vegna þess að hann hefur hlustað á fólkið í landinu. Öfugt við marga hægri flokka sem hafa einangrast hefur hann tekið mið af ólíkum sjónarmiðum til að ná sátt. Þess vegna er hann sterkur.

Hugmyndir um að hægja á í virkjanamálum og að ríkið beiti sér ekki í stóriðjumálum eru dæmi um þetta. Áhersla á samgöngur er brýnni. Það er ekki tilviljun að efnahagslífið hefur styrkst að undanförnu. Skattaumhverfið hefur stórbatnað og það hefur skilað sér í auknum tekjum ríkissjóðs. Það er samt hægt að gera betur. Lækkun matarskattsins í 7% fyrr á árinu er eitt stærsta skrefið, en lækkun tekjuskatts er ekki síður mikilvæg, hvort sem hún er gerð með hækkun skattleysismarka eða með lækkun skattprósentu. Meiri líkur eru til þess að hátekjufólk geri upp sína skatta á Íslandi ef skattprósentan er lág. Þetta hefur sannast og í dag erum við í samkeppni í skattamálum. Afnám stimpilgjalds verður framfaraspor.

Hugmyndir um að afnema lágmarksútsvar sveitarfélaga er áhugaverð hugmynd.
Kannski verður aukin samkeppni og sérhæfing þeirra á millum í framtíðinni?

Eyþór Arnalds eythor arnalds Eyþor arnalds

Sjálfstæðisflokkur stefnir að frekari skattalækkunum

Athugasemdir

[Jón Ingi Cæsarsson, 9.4.2007 kl. 19:29]

Mundu Eyþór...Sjallar hafa haft 16 ár til að koma þessu í framkvæmd...td atvinnumálaráðuneyti...afnámi stimpilgjalda og af hverju finnst þér áhugavert að afnema lágmarksútsvar sveitarfélaga. Sýndartillaga því öll sveitarfélög á Íslandi eru fjárþurfi til að halda út sínum lögboðnu verkefnum. Hvernig hefði endurskoða tekjuskiptingu ríkis og sveitarfélaga...það sé ég hvergi.

[Þórir Óskar Guðmundsson, 9.4.2007 kl. 21:05]

Geir er lang bestur í að stjórna hér á landi,var að horfa á kastljósið rétt í þessu og hann rúllaði þessu upp.Ég er ekki mikill stjórnmálamaður en tek alveg eftir þessu. Og er ekki Sjálfstæðismaður tek það fram.En ég er ekki að niðurníða hina flokkana... Hinir eru ekki með eins mikið á hreinu eins og Geir H og Jón Sig frammari , ég held að ef kaffibrúsastjórnin komist til stjórnar það fari allt til fj..............

[Gylfi Björgvinsson, 9.4.2007 kl. 21:56]

Mér  fannst þeir   standa  sig  mjög  vel  þeir   Geir  og  Jón í  kvöld, þeir   þurftu  reyndar  lítið  að hafa  fyrir því vegna  deilna  stjórnarandstöðu formannanna, ég  bíð ekki í  það ef þeir  væru  saman í  stjórn þegar þeir  deila  svona   fyrir kosningar,  það  yrði  nú  meiri  stjórnin, verðum  að  koma  í  veg  fyrir það.

[Guðrún Þóra Hjaltadóttir, 9.4.2007 kl. 22:01]

Hvernig getur verið að það er svona mikið af fátæku fólki á Íslandi. Stór hluti þjóðarinnar keyrir á neyslulánum. Hvar er þessi kaupmáttaraukning ? spyr bara. Hún er ekki í mínu launaumslagi. Hvernig er með öldungana okkar, ég á móðir sem er með 105 þúsund á mánuði, eru það störf Geirs, hann er vonandi hreykin af þeirri vinnu. Ríkisstjórnin hefur gert eitt vel á tímabilinu st, þeir hafa hækkað sín laun og séð til þess að þeir fái margföld laun þegar þeir eru ekki nothæfir á vinnumarkaðnum lengur.

[Auðun Gíslason, 10.4.2007 kl. 02:02]

Kostuleg mærðarrulla! Ríkisvaldið, undir stjórn Geirs, er á kafi í framtíðarplönum um meiri stóriðju. Á aðild að áætlunum um álver við Húsavík og í Helguvík. Er eigandi Landsvirkjunar sem sér um orkuframleiðsluna. Hvað eru menn að reyna að skjóta sér undan ábyrgð? Hversvegna hreyfði Sjálfstæðisflokkurinn ekki við stimpilgjöldunum á þessu kjörtímabili? Þeir lofuðu kjósendum sínum því. Tónninn í Árna Matt. er nú ekki þannig að það standi til að afnema stimpilgjaldið á næsta kjörtímabili heldur. Núvirði skattleysismarka fyrir 16 árum var 130.000 í dag eru þau um 90.000. Hversvegna? Vegna þrálátrar hægristjórnar! Kannski á þjóðin ekki betra skilið. Ofhólið verður líklega ekki skilið öðruvísi en sem háð.

[Sigfús Sigurþórsson., 10.4.2007 kl. 12:19]

Það er ekki neitt auðvelt fyrir stjórnarflokka að standa við sum loforð sem gefin eru, enda mörg hver afar stór, sem sýnir að flokkurinn hefur almennileg markmið, að sjálfsögðu ganga ekki öll markmið upp, gera það ekki hjá neinum flokki, nema marmiðalausum flokki, eitthvað er um það núna fyrir næstu kosningar.