Misráðið bréf

Forgangsmál Jóhönnu Sigurðardóttur var að senda seðlabankastjórum beiðni um starfslok. Margt bendir til að þetta bréf hafi verið misráðið hjá ráðherranum.

Ef hugmyndin var sú að fá seðlabankastjóra til að segja af sér hefði bréfið aldrei verið viðrað fyrst í fjölmiðlum. Formaður bankaráðs gat ekki svarað þessu bréfi á annan hátt. Ef eina leiðin til að losna við tiltekna embættismenn er að breyta lögum hefði verið skynsamlegast að verja tímanum í skothelda lagasmíð. Ef þessi undarlega bréfa-leið var tekin af Jóhönnu meðvitað hlýtur það að hafa verið til að viðhalda spennu og athygli á Seðlabankanum. Ef svo er þá hefur það tekist, en ég hefði haldið að forgangsmálin væru að verja heimilin og endurreisa atvinnulífið.

Svo er það hin hliðin á málinu:

Seðlabankinn er sjálfstæð stofnun. Gætum við átt von á svipuðum bréfaskriftum til Hæstaréttar ef dómarar þykja ráðherrum ekki þóknanlegir?

Davíð segir ekki af sér

Athugasemdir

[Jón Snæbjörnsson, 8.2.2009 kl. 21:41]

helduru það

[hilmar jónsson, 8.2.2009 kl. 21:45]

Þóknanlegir, nei. Dómreindarlausir og ábyrgðarlausir í starfi, já

Hvað finnst þér annars Eyþór um að Davíð birti svarbéf sitt á vef Seðlabanka Íslands ?

[Stefanía, 8.2.2009 kl. 21:50]

Er það ekki hans starfsvettvangur ?  Varðaði ekki bréfið hennar Jóhönnu starf hans ?

[Kotik, 8.2.2009 kl. 21:54]

Ég segi bara; helvítis fokking fokk!

[Heidi Strand, 8.2.2009 kl. 21:59]

Nú er form bréfsins orðið að aðalmáli. Vonandi er þetta hans siðastu smjörklípu.
Davíð er búin að varpa eina sprengju og nú verður aftur allt vitlaust.

[Gunnlaugur B Ólafsson, 8.2.2009 kl. 22:03]

Bréfið er beiðni um viðræður um starfslok á þeim forsendum að í framhaldi af hruni íslensks efnahagslífs og bankakerfis njóti Seðlabanki og Fjármálaeftirlit ekki trausts.

Þið Sjálfstæðismenn verðið að hjálpa til við að koma vitinu fyrir DO, frekar en að vera með eitthvað væl um heift eða hreinsanir.

[Guðlaugur S. Egilsson, 8.2.2009 kl. 22:05]

Öfugt við marga Sjálfstæðismenn, þá er Jóhanna Sigurðardóttir ekki klækjastjórnmálamaður. Það er engin tilgangur annar en sá að gefa mönnunum eitt tækifæri í viðbót til að gera það sem rétt er. Einu tækifærum of mörg reyndar, sem er það helsta sem er hægt að setja út á þessa nálgun Jóhönnu, og friða þjóðina með upplýsingum að það sé verið að gera eitthvað í því að hreinsa þarna út.

[Eyþór Laxdal Arnalds, 8.2.2009 kl. 22:25]

Sæll Gunnlaugur: Ég talaði ekkert um heift eða hreinsanir. Tel þetta bréf vera misráðið - sem það augljóslega er.

[Margrét Sigurðardóttir, 8.2.2009 kl. 22:53]

Ég kom hér inn því ég hélt að "Misráðið bréf" væri bréfið sem Davíð skrifaði og birti í dag. Mig langaði að vita hvort þú...  Nei, auðvitað gat það ekki verið...

[Sveinn Tryggvason, 8.2.2009 kl. 23:43]

Hvað mun fólk gera þegar það áttar sig á því að vandamál þjóðarinnar byrja hvorki né enda á Davíð Oddssyni...  ...heldur einhverju allt öðru.

[Jósep Húnfjörð (IP-tala skráð) 9.2.2009 kl. 00:33]

æji, Eyþór, er það virkilega.