Kapítalisminn er í kreppu - kommúnisminn til bjargar?

Kínversk yfirvöld eru nú ein helsta von ýmissa bankastofnanna. Ríkisvæðingin er á fullu. Í dag er verið að ræða um kaup kínverja á stórum eða öllum hlut Morgan Stanley. Á sama tíma ætlar China Investment Corp. sem er "ríkissjóður" með 200 milljarða dala í umsýslu að kaupa hlut í nokkrum stærstu bönkum Kína sem skráðir eru á hlutabréfamarkað og reyna að rétta af 60% lækkun það sem af er ári. 

Kína hefur verið með jákvæðan vöruskiptajöfnuð við BNA um talsvert skeið og á sama tíma verið iðið við að kaupa ríkisskuldabréf. Þannig hefur Kína lækkað vöruverð (minnkað verðbólgu) í BNA og fjármagnað hallarekstur ríkisins. Nú þegar eyðsluklóin ameríska er búin að taka út "eigið fé" sitt úr húsnæðinu og bankahrun er í algleymingi er það kínverska ríkið sem hleypur undir bagga. Kína þarf á BNA að halda eins og BNA þarf á Kína að halda.

Ógnarjafnvæginu er ekki haldið uppi með kjarnorkuvá heldur skuldum og viðskiptahalla. 

Kapítalisminn er í kreppu. Kommúnisminn kemur til bjargar! 

Hver hefði trúað því?

Athugasemdir

[Gunnar Rögnvaldsson, 18.9.2008 kl. 16:28]

Sæll Eyþór.

Þetta er víst öfugt. Án kapítalismans væri Kína nálægt núll. Þar fyrir utan þá hafa Bandaríkin alltaf fjármagnað sig alveg ágætlega sjálf, og gera það ennþá. Það þarf bara að horfa á viðskiptajöfnuð BNA til lengri tíma litið, en hallin er núna lítill miðað við oft áður.

Já eyðsluklærnar í BNA eru ennþá stærsti markaður í heimi og með mesta kaupgetuna. Þessum markaði hafa mörg lönd lengi lifað á. En eins og er þá er viðsnúningur í stefnumörkun efnahagsmála í BNA. Nú verður það útflutningur sem verður aðaláherslan, flestum örðum þjóðum til millikar gremju.

kveðja

[Eiríkur Harðarson, 18.9.2008 kl. 16:57]

Tel að það sé kominn tími á að jafna örlítið lífskjörin, kapítalisminn(þó ágætur sé)er búinn að renna svo á rassgatið. Með þessu OFURfrjálhyggjubrambölti sínu. Þó er kommúnisminn sínu verri, einhver vegur hlýtur að liggja þarna á milli

[Þorkell Sigurjónsson, 18.9.2008 kl. 17:54]

Það er góð tilbreyting í svartnættistali  margra um Kína og það sem þar er að gerast , þegar hinn ágæti  Eyþór Arnalds skrifar um ágæti Kommúnismans þarna fyrir austan.

[Einar Þór Strand, 18.9.2008 kl. 18:47]

Eyþór, Laif Panduro skrifaði skálsöguna Uppreisn frá miðju kannski erkomið að því.

[Gunnar Rögnvaldsson, 18.9.2008 kl. 19:09]

. . og ekki má heldur gleyma þriðju leiðinni hans Palme og Ingvars Bófafors. Stærð hins opinbera geira í Svíþjóð var kominn upp í 73% af landsframleiðslu árið 1993. En árið 1992 varð frægt fyrir að súper-ofurhalli við kynningu á ríkisfjárlögum næsta árs fékk Svía til að jafna sjálfa sig við jörðu með 500% stýrivöxtum í nóvember 1992, þegar sænska atvinnulifið hóf flóttann úr sænsku komma-krónunni. Þarna voru allir svo jafnir að þeir urðu allir jafnari en allir hinir sem voru janfaðir við jörðu.

Svo kom einnig þriðja augað út um hitt augað en það var þó löngu áður en Svíar fundu upp þriðja leiðann með uppreista kryppu í miðju kafi.

Jafnaðarmenn

[Kári Gautason, 18.9.2008 kl. 19:19]

Kína er ekki kommúnista ríki. Það er State Capitalism eins og Bandaríkin... Kínverjar eru bara meira gloves off

[haraldurhar, 18.9.2008 kl. 23:12]

Sæll. Eyþór.  

   Ánægjulegt að sjá skif um hlutina eins og þeir eru í raun, í stað þess að vera sí og æ fastir í pólitízkar klisjur.   Kína er og hefur verið stórveldi í gegn um aldirnar.  Það hefur verið mín skoðun sl. vikur að óróinn í gengiskráningum og verðfalli hrávörumarkaða hafi verið undir stjórn Kínverja.