Stím, Q Iceland Finance og Imon ehf.

Nú er að birtast ákveðið mynstur í öllum gömlu viðskiptabönkunum þar sem einkahlutafélög keyptu grimmt í viðkomandi banka meira og minna með lánum frá bankanum sem keypt var í. Stímið var sett á Glitni, Q Iceland keypti í Kaupþingi og svo tók Imon 4% hlut í Landsbankanum rétt fyrir lok. Einhverjir hafa verið seljandamegin og því losað mikla fjármuni en jafnframt héldu þessi viðskipti gengi og tiltrú markaðarins á háu verði hlutabréfa í bönkunum allt fram á síðustu daga. Hér virðast ekki vera eiginleg eignarhaldsfélög (eins og Samson, Exista og Fl Group) heldur einhverskonar millistykki.

Mörgum spurningum er enn ósvarað varðandi þessi stórkaup í bönkunum þrátt fyrir að þeir hafi allir verið skráðir á markaði og því með mikla upplýsingaskyldu. Þá eru liðnir meira en 100 dagar frá því að bankahrunið varð en samt er ekki upplýst hverjir voru raunverulega að hagnast á þessum viðskiptum en nú liggur fyrir að gömlu bankarnir hafa tapað milljarðatugum á þessum þremur félögum.

Voru þetta eðlileg viðskipti?
Voru þetta kannski leikrit?

Athugasemdir

[Haraldur Baldursson, 17.1.2009 kl. 23:40]

Litlir strákar og eldspýtur í bensínbleyttri hlöðu. Það er sorglegt að horfa upp á hvað þessir óþokkar leyfðu sér annað hvort í þeirri tiltrú að þeir hefðu fundið upp eilífðarvélina, eða hitt, sem líklegra er, að þeir voru að hrifsa til sín í botnlausri græðgi sem ekkert tillit tók til eins né neins.
Vert væri þó að spyrja, hvenær þetta glapræði fer yfir strikið og telst til landráða.

[Júlíus Björnsson, 18.1.2009 kl. 00:24]

Ef ábyrgur aðili er yfir fyrirtæki [einkahlutfélagi]þar sem forsendur fyrir rekstri eru brotnar og hratt gengur á eigið féð samfara því sem hann þiggur ofurlaun og lánalínur samtryggða alþjóðabankakerfisins lokast, þá ber  honum að leita nauðarsamninga strax til að fyrirbyggja meiri skaða.    Þetta var öllu hæfum aðilum sem er skylt að láta málið sig varða mörgum mánuðum fyrr  en gripið var inn í málin af utanaðkomandi aðilum [ríkisstjórnum]. Hversvegna frysting eigna meintra glæpamanna [ekki búið að dæma formlega] hefur ekki átt sér stað ennþá eða þeim leyft að ganga lausum er glæpur í sjálfum sér.

Annað mál er þegar fjármálastofnum framleiðir fjármagn og stendur alltaf í skilum og rekstur skilar tekjum upp í væntanlegar afskriftir  þá kærir enginn og enginn kvartar um það sem hann uppgötvar ekki. 

Í íslenska dæminu hafa komið fram upphæðir sem milljörðum í eitruðum bréfum.  Svo eftir hverju er verið að bíða? Hvaða skilaboð er verið að senda alþjóða samfélaginu?

[Offari, 18.1.2009 kl. 09:34]

Þetta voru blekkingar eingöngu gerðar til að búa til verð á verðlausum eignum. Þetta voru svik við viðskiptavini.  Að selja svikna vöru er ólöglegt.  Senda þessa menn beint í númeraplötuverksmiðjuna.