Frjáls markaður er verstur - fyrir utan hin kerfin

Margir hafa haldið því fram að nú sé kapítalisminn endanlega dauður. Fjármálarhrun um heim allan hefur valdið því að menn hafa gefið upp von. Ríkið hefur dælt peningum í hagkerfið, keypt hafa verið hlutbréf í bönkum og svo hafa þing samþykkt "stimulus" pakka í allt og ekkert. Hér á Íslandi er ríkið fyrst og fremst upptekið við að hækka skatta og forðast niðurskurð í ríkisrekstri og er það slíkt einsdæmi að þess er ekki langt að bíða að þessi leið verði kölluð "Íslenska leiðin" ef svo fer sem horfir. Vandinn við skattekjurnar er sá að þó þær séu sannanlega til í Excel er ekki víst að þær skili sér. Skattbyrðar eru það síðasta sem Íslendingar þurfa nú og munu þær því fækka störfum. Skattlagning verður aldrei lausn enda er það ekki ríkið sem skapar útflutningstekjur með skattheimtu. Ríkið er yfirbygging en ekki undirstaða. Þessu megum við aldrei gleyma.

Churchill sagði eitt sinn að lýðræðið væri versta form stjórnkerfis - fyrir utan öll hin.
Sama má segja um frjálsan markað - enda er hann stórgallaður: Hann er versta viðskiptaumhverfið...fyrir utan öll hin.

Athugasemdir

[Þorri Almennings Forni Loftski, 5.7.2009 kl. 16:47]

Loksins, loksins , loksins, ertu búinn að fatta þetta aftur.

[Haraldur Baldursson, 5.7.2009 kl. 20:27]

Stafli ástæðna fyrir iðnaðarmenn og menntafólk, sem sagt fólks sem er auðveldlega gjaldgengt erlendis, hækkar með hverjum nýjum skattahækknunum. Ef þetta er leiðin út úr kreppunni, hlýtur bensín að duga vel til að slökkva elda.

[Hjalti Tómasson, 5.7.2009 kl. 21:56]

Ég er auðvitað enginn hagfræðingur eða reiknimeistari en minn Exel sýnir fram á að minna fjármagn í umferð skilar minni sköttum.

En hvað veit ég.......

Ég er bara að reyna að láta enda ná saman í mínu prívat bókhaldi

[Kristján Logason, 6.7.2009 kl. 05:58]

Þegar hinn "nýfrjálsi markaður" hefur stolið öllum mjólkur kúnnum og bóndinn lært að stinga mjólkinni undan og fullvissað umheim um að kúin mjólki ekki lengur sökum kostnaðar við ofurlaun

er aðeins sá vegur fær að mjólka vinnumanninn.

Þegar svo bóndinn hefur tapað kúnni á fylleríi í fjárhættuspili og veðsetningarhæfileikakeppni vælir hann hæst allra í von um að fá gefins nýja kú, meðan vinnumaður bítur á jaxlinn enda ekki aðrir möguleikar í stöðunni.

þetta er hagfræði raunveruleikans

Frjáls markaður er kennisetning ekki lögmál og þegar menn fara að trúa slíkum kennisetningum í blindni heldur púkinn sig ekki lengur á fjósbitanum heldur færir sig upp á skaftið

 Þá fyrst er fjandinn laus og drýslar leika lausum hala

það er því spurning hvort hinn "nýfrjálsi markaður" flokkist ekki undir djöfla dýrkun öðru fremur

Hagfræði raunveruleikans segir okkur jafnframt að nú sé frændi ekki lengur í forsvari fyrir höfuð mjólkurbúið og getur því ekki gefið neinar kýr til eðalborinna.

Svo mun verða um nokkra hríð enda keppast furstar hinna eðalbornu við að sverja af sér trúkerfið þetta sem þeir komu upp og stjórnuðu, um leið og þeir verja það , ófærir um að horfast í augun við sannleikann og þá staðreynd að þeir hafa lifað í trúvillu alla sína tíð.