Fréttir af Framsókn

Mér skylst að flokksþing Framsóknar sé í raun seinni hluti þess þings sem átti sér stað í ágúst í fyrra, en þá hætti Halldór Ásgrímsson og Jón Sigurðsson tók við sem formaður. Viðsnúningur hefur eitthvað látið á sér standa og reynir nú á Framsókn að halda í sem mest af fyrra fylgi...og fara ekki á taugum.

Í fljótu bragði virðist margt vera skynsamlegt í ályktunum flokksþingsins. Áframhaldandi lækkun virðisaukaskatts í 7% með því að fjölga vöruflokkum er skref í átt til frjálsræðis. Endurskoðun þjóðlendumála er líka sáttarmál, enda má segja að ríkið hafi farið fram full harkalega á köflum.

Á næstu dögum verður svo fróðlegt að heyra fréttir af Framsókn; hvernig þeir ætla að halda miðjunni, hvernig þeir ætla að marka sér sérstöðu án þess að glata trúverðugleika sínum.

Það verður kúnstin.

Þjóðlendumál ofarlega í huga framsóknarmanna á flokksþingi