Hægri grænir á fundi

Óðinn á Selfossi hefur haldið opna fundi á hverjum laugardegi á hótelinu. Leikskólamál, íþróttamál, jafnaðarmál og vaxtamál hafa verið rædd á fundunum. Í morgun var röðin komin að umhverfismálum.

Illugi Gunnnarsson hagfræðingur rökstuddi vel það sjónarmið að umhverfismálum væri best komið hjá markaðnum. Markaðurinn hefur minnkað mengun, t.d. vegna hærra bensínverðs og betri tækni. Stafræna myndavélar hafa leyst mengandi ljósmyndun af hólmi. Sósíalisminn lék náttúruna bókstaflega grátt. Umhverfismálin væru annað og meira en stóriðjumál.

Styrmir Gunnarsson ritstjóri Morgunblaðins lagði þunga áherslu á að krafa framtíðarinnar væri náttúruvernd. Að hans mati ætti ekki að hreyfa neitt við hálendi Íslands umfram það sem orðið er. Erfitt væri að fara í frekari vatnsaflsvirkjanir og hálendisvegur mætti ekki vera uppbyggð hraðbraut.

Vel var mætt á fundinn enda málið heitt. Sjónarmið Illuga og Styrmis fóru ekki síst saman hvað varðar sjálfsákvarðanarétt fólks í héraði. Sjálfstæðið er alltaf styrkur.

Hægri og grænt: Fer vel saman.

Athugasemdir

[Tómas Þóroddsson, 10.3.2007 kl. 23:30]

Hélt að þessir fundir ykkar væru bannaðir börnum.