Suðurströndin á haf út

Ég hef fengið mikil viðbrögð við myndum úr gervitungli NASA sem ég birti hér á blogginu á mánudag en þær eru frá árinu 2002. Brúnn sandfláki liggur tugi kílómetra á haf út. Einhverjar efasemdar raddir hafa heyrst um að þetta geti verið í raun og veru. Myndir NASA hafa ítrekað sýnt þetta ástand. Hér að neðan er ein ansi skýr frá 2004 sem sýnir þetta ansi vel:

 

Athugasemdir

[Baldvin Jónsson, 15.3.2007 kl. 20:47]

Flott framtak Eyþór að birta okkur þessa mynd.  Fólk svarar oft til með einhverjum einföldum yfirlýsingum og hrópar lausn.  Hér neðan á blogginu hjá þér kom fram athugasemd um að þetta snerist "bara" um það að snúa sér að rótum vandans og rækta upp landið?!?  Er fólk með einhverjar góðar hugmyndir um hvernig ætti að gera það sem fela ekki í sér stöðvun frekari stóryðjuframkvæmda??  Ég segi stöðvum frekari framkvæmdir þangað til að fyrir liggur niðurstaða úr hlutlausri skýrslu unninni af helst erlendri ráðgjafastofu.  Fyrir þá sem ekki skilja raunverulega vandann þá er Landgræðslan búin að standa í stöðugu ræktunarstarfi frá 1907 og samt er mun meiri landeyðing í dag en verið hefur áður.  Getur verið mögulega að stórfelldar framkvæmdir LV á suðurhálendinu hafi áhrif??  Það er jú mest gróðureyðing í kringum þessa tugi uppistöðulóna sem eru á því svæði.

[Grétar Amazeen (IP-tala skráð) 15.3.2007 kl. 21:13]

Þetta er alveg magnað. 

[Axel Jón Fjeldsted (IP-tala skráð) 15.3.2007 kl. 21:35]

Er ekki bara málið að banna NASA

[Gísli Friðrik Ágústsson (IP-tala skráð) 15.3.2007 kl. 23:37]

Ég man vel eftir þessum sandstormi, bjó í Eyjum og þurfti eitt kvöld að hafa trefil fyrir vitum á leið út í sjoppu, slík var mengunin í loftinu. Enda sást það vel er ég kom heim hve mikill sandur hafði safnast á trefilinn við munninn.

[Ágúst Dalkvist, 16.3.2007 kl. 00:03]

Erfitt er þetta land til uppgræðslu.

Ég bý sjálfur á milli sanda á Suðurlandi. Landgræðslan hefur verið með mikið uppgræðslustarf t.d. á Mýrdalssandi og sáð þar bæði lúpínu og mel en það er nú bara rétt með vegum til að hefta sandinn þannig að skafla myndun verði ekki eins mikil á þjóðveginum.

Hef talað mikið fyrir því að á þessum söndum mætti gera gríðarlegt átak til uppgræðslu. En tvennt allavega mælir því þó í mót. Það er að það þarf ekki nema eitt gott hlaup til að ryðja allri þeirri vinnu á haf út svo það mætti byrja alveg frá grunni aftur og annað er að þeir sem eru uppaldir við sandana þykir sumum sandarnir fallegir eins og þeir eru og vilja friða þá, eins laða þeir að töluvert af ferðamönnum.

Alltaf er það svo að það eru að minnsta kosti tvær hliðar á öllum málum, oftast þó fleiri.

Hvort myndi teljar umhverfisvernd, að friða sandana og hafa þá eins og þeir eru eða græða þá upp?

[Guðrún María Óskarsdóttir., 16.3.2007 kl. 01:45]

Sæll Eyþór.

Þetta hefur nú verið svona frá örófi alda að sandur fýkur á haf út en við Eyfellingar ræktuðum nú upp úr svörtum sandi á sínum tíma þá stærsta tún á landinu Skógasand afskaplega gott tún sem auðvelt var að vinna úr fóður í landbúnað .

Það er slæmt að sú fjárfesting skuli ekki nýtast enn þann dag í dag til handa sunnlenskum bændum, sökum skipulags í landbúnaði.

kv.gmaria.

[Gylfi Björgvinsson, 16.3.2007 kl. 09:06]

Hvar eru nú  VG hafa þeir  ekki  neitt  skoðað þetta

[Guðmundur Örn Jónsson, 16.3.2007 kl. 09:58]

Eru ekki einhver gáfumenni sem vilja meina að það sé sauðkindin sem sé að éta undan okkur landið? Þarna sjáum við að náttúran sjálf er það sem við þurfum að kljást við og það er greinilega hægt skv. Guðrúnu Maríu.

Ef vel er að gáð sjást glottandi kindur spóla upp sandinum.

[Bjarni Kjartansson, 16.3.2007 kl. 10:28]

Krefjast verður af máttarvöldunum, að þau sendi jökulhlaup, gos og annað slíkt í umhverfismat og sæki um, eftir réttum leiðum. 

Umhverfisstofnun á auðvitað að setja lögbann á svona uppákomur.  Það er auðvitað algerlega galið, að eitthvað fjall taki að gjósa og breyti landslagi til frambuðar, án þess, að tekið sé tillit til víðerna og hvað þetta nú allt heitir.

 Kveðjur

Miðbæjaríhaldið

[Júlíus Sigurþórsson, 16.3.2007 kl. 12:20]

Baldvin segir: "Getur verið mögulega að stórfelldar framkvæmdir LV á suðurhálendinu hafi áhrif??  Það er jú mest gróðureyðing í kringum þessa tugi uppistöðulóna sem eru á því svæði."

Ekkert fok er úr neinu lóna LV á þessu svæði (fyrir utan að þetta fok er ekki af virkjanasvæðum LV), vatnsborð þeirra sveiflast ekkert nema Þórisvatns, en í það safnast lítið af leir því hann fellur að mestu til við jökulsporðinn áður vatnið rennur í Þórisvatn. Svo má heldur ekki gleyma því að Þórisvatn var til áður en LV varð til.

Þetta er því kol rangt, Landsvirkjun hefur varið mörg hundruð milljónum í landgræðslu á svæðum í kringum virkjanirnar, svæði sem var svartar auðnir áður en þeir fóru að virkja. Það er enginn uppblástur í og við lón landsvirkjunar á þessum slóðum. Sandarnir við Búrfell, Sultartanga, Hrauneyjar og Sigöldu hafa verið græddir að miklu leiti upp, en þeir sem ferðast um þetta svæði átta sig kannski ekki á því, en allt þetta svæði var svartur sandur áður en LV fór að framkvæma á þessum slóðum. Reyndar er ekki bara um að ræða göfug markmið LV, heldur gera þeir þetta til að vernda mannvirkin á svæðinu, en háspennuvirki þola illa sandstorma.

Þessir sandflákar sem sjást á myndinni verða til eftir meira en sólahrings norðanátt með þurrviðri, en þá þornar Mýrdalssandur og Skeiðarársandur og fjúka á haf út. Þessi veðurskilyrði eru blessunarlega sjaldgæf og einskorðast við þurrar norðlægar áttir.

[Gerður Halldóra Sigurðardóttir, 24.3.2007 kl. 18:20]

Hvenær ársins er þessi mynd tekin?  Það var jú jökulhlaup í Grímsvötnum árið 2004 - þeim fylgir gríðarlegur framburður efna út á sjó...

[Eyþór Laxdal Arnalds, 25.3.2007 kl. 13:47]

Sæl Gerður. Ég er ekki með nákvæma dagsetningu, en mig minnir að þetta sé í lok október.

Myndin sýnir annað og meira en árframburð, það sést best í hárri upplausn. Rykstrókarnir liggja yfir landið og óslitið yfir fjöru og sjó. Ég ætla að birta háupplausn af myndinni á næstunni til að sýna þetta betur. Ég hef séð myndir frá 2002, 2003 og 2004 sem sýna það sama, þó mislangt út á sjó. Þá hafa Vestmanneyingar staðfest þetta við mig. Mér finnst merkilegt að sjá hversu mikið þetta fok getur orðið við ákveðin skilyrði, en þetta er þó ekki einsdæmi í heiminum, en alveg örugglega í Evrópu. Get bent á dæmi frá Kína og Sahara þar sem svipað er upp á teningnum.