Verður Lúðvík Geirsson næsti formaður Samfylkingarinnar?

Stóriðjustopp eða stóriðjuhlé er óframkvæmanlegt að mati bæjarstjórans í Hafnarfirði. Í fréttum Stöðvar2 í kvöld segist hann "ekki skilja alveg þessa umræðu þegar menn halda því blákalt fram að það sé hægt að leggja fram einhverja einhliða ákvörðun um stöðvun eða frestun á slíkum málum." og mótmælir því ekki að þetta séu innihaldslausar yfirlýsingar.

Förum aðeins yfir þetta:

Pólítískur bæjarstjóri í Hafnarfirði er Lúðvík Geirsson (S)

Samfylkingin er með hreinan meirihluta í einu sveitarfélagi: Hafnarfirði

Lúðvík Geirsson hefur lagt áherslu á íbúalýðræði í meiriháttar ákvörðun sem þessari.

33.grein bæjarmálasamþykktar Hafnarfjarðar kveður séstaklega á um að leggja beri mjög þýðingarmikil mál í hendur kjósenda með sérstakri kosningu

Framtíð álversins er mjög þýðingarmikið mál fyrir alla Hafnfirðinga

Formaður Samfylkingar lýsti yfir andstöðu Samfylkingarinnar við álver í Hafnarfirði á Alþingi þ. 6. febrúar sl

Lúðvík Geirsson aftekur stopp- og hléstefnu og segist ekki skilja hvernig slíkt eigi að ganga upp

Lúðvík Geirsson er sigurvegari

Formaður bæjarráðs er Gunnar Svavarsson og er hann efsti maður á S lista í SV kjördæmi.

Verður Lúðvík Geirsson næsti formaður Samfylkingarinnar?

Athugasemdir

[Haraldur Haraldsson, 19.3.2007 kl. 21:18]

Lúðviker fyrvernadi allabali en ekki Krati,og ætti að vera VG.að mer fynnst/Halli Gamli

[Ólafur Als, 19.3.2007 kl. 21:56]

Áhugaverður vinkill. Hve mörgum skoðunum er annars hægt að koma á framfæri í forystu eins flokks?

[Guðmundur Ragnar Björnsson, 19.3.2007 kl. 22:12]

Samfylkingin hefur keyrt þessa stefnu frá upphafi málsins. Hafnfirskir Samfylkingarmenn styðja stækkun hinir eiga að vera á móti og með því móti eru allir ánægðir, eða hvað. Tekur nokkur eftir þessu annars.

[Sigfús Sigurþórsson., 19.3.2007 kl. 22:23]

Það eru þrennskona Hafnfirðingar til, Gaflarar/fæddir í heimahúsum í Hafnarfirði, Hafnfirðingar/fæddir á Skjólvangi og svo AA fólk (Aðfluttir andskotar, eins og ég)

[Sigfús Sigurþórsson., 19.3.2007 kl. 22:24]

Fyrirgefið Hafnfirðingar, þetta átti að sjálfsögðu að vera Sólvangi. Tók nokkur annars eftir þessu?

[Átakshópur um heilbrigða skynsemi í pólitískri umræðu, 19.3.2007 kl. 22:46]

Ekki þykir hinn skeleggi bæjarstjóri Ísfirðinga Halldór Halldórsson mikið vandamál innan Sjálfstæðisflokksins og hefur þó ekki alltaf haft lágt um skoðanir sínar á því hvernig félagar sínir í ríkisstjórn ættu að haga málum öðruvísi.

En er það ekki annars alveg augljóst mál að ef Hafnfirðingar samþykkja stækkun og fyrir liggur starfsleyfi, umhverfismat, orkusölusamningar og annað sem fyrirtækið þarf frá stjórnvöldum þá munu stjórnvöld vart koma eftir á og beita hvaða meðulum sem er til að stöðva stækkun einhliða heldur verði þau að leita t.d. samkomulags um framkvæmdatíma ef þau telja brýna þörf á að draga úr framkvæmdahraða? Eru það einhver sérstök tíðindi að Lúðvík bendi á þessa einföldu staðreynd? Hefur Ingibjörg Sólrún boðað eitthvað annað?

Ingibjörg Sólrún hefur lýst því yfir að hún telji rétt að fresta líka stækkun álversins í Straumsvík eins og öðrum skemmra komnum fyrirætlunum en ákvörðunin er líklega í höndum Hafnfirðinga eins og er.

[Ágúst Dalkvist, 20.3.2007 kl. 00:16]

Lúðvík er klárlega framtíðar leiðtogi samfylkingarinnar ef hann kærir sig um sjálfur og myndi ég spá því að hann yrði mikið farsælli heldur en ISG (þarf nú kannski ekki mikið til þess)