Hið góða ál og "pappírslausu" pappírsviðskiptin

Vinstri grænir hafa verið að dreifa barmmerkjum úr áli. Þau eru úr því sem vinstri grænir kalla gott amerískt ál. Á merkjunum eru líka endurunnin slagorð fengin "að láni" úr auglýsingaherferð Coca Cola. Einhverjir voru að benda á álið í merkjum vinstri grænna, en á móti benda þeir á möguleikan á endurvinnslu. Það er athyglisvert sjónarmið.

Kannski eigum við að horfa á neysluna, fremur en framleiðsluna?

Þó freistandi sé að benda á tvíræðni þeirra sem dreifa álmerkjum og berjast gegn álverum, er samt rétt að horfa til þess að umhverfismál byrja hjá hverjum og einum. Þar er af nógu af taka. 

Hér er eitt mál:

"Pappírslaus viðskipti" sem svo hafa verið nefnd framleiða gríðarlegt magn af pappír á degi hverjum: Visa nótur, gluggaumslög og kvittanir úr pappír fara í tugþúsundavís á degi hverjum á Íslandi. Oft að óþörfu.

Hvernig væri að minnka þetta?

Athugasemdir

[Ólafur Als, 31.3.2007 kl. 11:29]

Sæll Eyþór,

óþarfa bruðl fyrirfinnst víða og þar á meðal með pappír. Hins vegar er stór hluti pappírsiðnaðarins sjálfbær og meira að segja svo, víða á vesturlöndum, að fleiri trjám er plantað en hoggin eru. Góðir viðskiptahættir og framsækin löggjöf, sem á m.a. rætur sínar að rekja til Bandaríkjanna, hafa tryggt þetta.

Kveðja,

[Heiða B. Heiðars, 31.3.2007 kl. 11:34]

Það eru ræktaðir sérstakir skógar til pappírsvinnslu. Að endurvinna pappír er í raun óumhverfisvænna en að henda honum. 

Og Eyþór; Fólk getur verið á móti fjölgun/stækkun álvera hérna þó það sé ekki á móti áli sem slíku. Þar sem álframleiðsla er í fullu fjöri ennþá þá þurfum við ekkert að örvænta um að verða uppiskroppa þó það færi svo að ekki yrði stækkað í Straumsvík

[Sigrún Þöll, 31.3.2007 kl. 11:50]

Ekki gleyma því að þessir sömu menn/konur aka um á bílum (sem eru að miklu leyti úr áli) og fara í ferðalög til útlanda fljúgandi í flugvélum (sem eru líka að miklu leyti úr áli). Það væri ekki gaman ef það væri verið að mótmæla þeim álverum sem framleiða parta í flugvélar og bíla og hvað þá ef þeim væri svo hafnað um allan heim út af mengun.

[Depill, 31.3.2007 kl. 14:25]

Fólk á nottulega að skrá sig fyrir fullkomnlega pappírslausum viðskiptum, og fá reikningana bara í heimabankan ( hægt að sjá þá á fullu í netyfirlit ).

Þannig fæ ég ekki launaseðilinn í pappír, reikningar frá fjarskiptafyrirtækjum, og já kreditkorta fyrirtækjunum koma allir pappírslausir.

 Það eina sem þarf að gera að hjálpa minni fyrirtækjum að geta gert það sama með því að gera auðvelt að tengjast við miðlægja kerfi bankana og/eða SPAN viðskiptamiðstöðinni.

 Það er eithvað sem ætti að vera pushað á næsta ári, að gera opin, ódýran og auðveldan staðal fyrir netreikninga sem birtast í heimabanka ( netyfirliti, ekki greiðslurseðlar ) .

[Egill Harðar (IP-tala skráð) 31.3.2007 kl. 14:27]

Ég geri ráð fyrir að þetta sé það sem stjórnmálamenn kalla "málefnalega umræðu"? Samkvæmt röksemdafærslu þinni væri þá hægt að kalla dýraverndunarsinna hræsnara af því hann steig óvart á pöddu?

[Jenný Anna Baldursdóttir, 31.3.2007 kl. 14:35]

Sammála þessu með pappírsflóðið.  Bankarnir, tam, spæna upp heilu tjálundina á einum degi.  Skil ekki þessa ofurtrú á pappír, þegar tækninni hefur fleygt svona fram. Ég reyni eftir megni að kaupa endurunninn pappír (og nú kemur húsmóðurgenið fram og verður allsráðandi).  Bévítans endurunni pappírinn í kaffifilter er gjörsamlega götóttur í gegn.

Þakka annars fyrir pistla.

[Eyþór Laxdal Arnalds, 31.3.2007 kl. 15:02]

Sæll Egill. Ég hef ekki kallað neinn hræsnara, bendi einfaldlega á hversu nátengd við erum áli og öðrum iðnvarningi sem neytendur, sama hvar við stöndum í pólítík.

Íslendingar eru gríðarlegir neytendur hvaða mælistika sem notuð er. Umbúðir eru t.d. alltaf að vaxa. Nefni sem dæmi að litli iPod 1GB er í meiri umbúðum en hann viktar sjálfur. Þessu er hent, en Apple þykir fremur "hip". Annað dæmi er það sem ég nefni að ofan: pappírinn í rafrænum viðskiptum. Er það eitthvað sem þér finnst í lagi? Mér finnst amk. ekkert ómálefnalegt að ræða þessa gríðarlegu mengun og sóun sem við stöndum að sjálf.

[Grímur Kjartansson, 31.3.2007 kl. 15:09]

Við munum seint losna við auglýsingarnar en forsenda fyrir raunverulegum pappírslausum viðskiptum liggur í fullgildum rafrænum sikilríkjum sem er forsenda fyrir fullgildri rafrænni undirskrift .
Munurinn á rafrænni undirskrift og fullgildri rafrænni undirskrift er að fullgild rafræn undirskrift jafngildir eiginhandritaðri í lagalegum skilningi en hin ekki.

[Örlygur Axelsson, 31.3.2007 kl. 16:15]

Segðu mér Eyþór, af hverju er svona erfitt að segja vinstri græn? Er þér ekki ljóst að í flokknum er fólk af báðum kynjum?

[Marinó G. Njálsson, 31.3.2007 kl. 16:16]

Ég benti á í bloggi mínu um daginn að eina leiðin til að fá blað um rafræna stjórnsýslu var að kaupa pappírseintak af Mogganum.  Við sem kaupum Moggann í rafrænni áskrift fengum blaðið ekki.  Kaldhæðnislegt.  (Sjá:  UT blaðið ekki  rafrænt ) 

[Eyþór Laxdal Arnalds, 31.3.2007 kl. 16:34]

Sæll Örlygur. Ég hafði ekki velt fyrir mér réttri orðnotkun á VG sem er að ég best veit Vinstrihreyfingin - grænt framboð.
Vinstri grænn frambjóðandi getur verið af báðum kynjum, en þó er grænt framboð hvorugkyns orð. Vinstri grænn frambjóðandi sem er kvenkyns getur því verið vinstri græn kona.

En varðandi orð og merkingu þeirra, þá rakst ég á viðhorfskönnun á vef UVG (Ungra Vinstri Grænna) en þar er spurt um rétta meðhöndlun á "kapítalistasvíni". Gott væri að vita hjá þér hvað þetta orð merkir. Ég vona að það sé ekki verið að vísa í mann?

Sjá http://www.vinstri.is/default.asp?page_id=6293

Taka þátt

Kapítalistasvín er best...

grillað á teini.

geymt í stíu.

soðið í potti