Flokkur óákveðinna

Kannski á Samfylkingin talsvert inni hjá "óákveðnum" kjósendum. Að minnsta kosti er hún oft á tíðum ansi óákveðinn stjórnmálaflokkur. Ég á þó frekar von á að óákveðnir kjósendur velji ákveðinn flokk á endanum, þó einhverjir skili alltaf auðu.

Samfylkingin er opin í báða enda og hefur reynt að mynda sér stöðu á miðjunni. Það hefur ekki tekist sem skyldi. VG eru með skýra stefnu í flestum málum, en Samfylkingin reynir að hafa "alla góða". Nýlegt dæmi er atkvæðagreiðslan í Hafnarfirði, en þar vildu Samfylkingarmenn í bæjarstjórn ekki hafa skoðun á stærsta ákvörðunarmálinu. Atkvæðagreiðslan minnir um margt á íbúakosningu um flugvöll í Vatnsmýri sem gerð var undir stjórn R-listans og Ingibjargar Sólrúnar. Ekki var farið eftir niðurstöðum þeirrar kosningar var hunsuð. Í báðum tilfellum var mjótt á mununum og fróðlegt verður að sjá hvernig framhaldið verður hjá Alcan. Það að taka ekki afstöðu tryggir ekki stöðu á miðjunni.

Stjórnmál snúast um að stjórna, leiða og taka af skarið. Leiðtogar eiga ekki að láta skoðanakannanir stjórna sér eða að minnsta kosti að hafa skoðun.

Eitt stærsta framfaraskref íslenskra stjórnmála er EES samningurinn sem tryggir stöðu Íslands á stærsta markaðssvæði okkar; Evrópu. Þá sat Ingibjörg Sólrún Gísladóttir á Alþingi. Hún sat hjá og tók ekki afstöðu.

Nú síðast var Ingibjörg Sólrún spurð hvernig hún hyggðist fjármagna aukin útgjöld sem boðuð eru af hálfu Samfylkingarinnar. Svarið var: Með hagvextinum. Nú er það svo að hagvöxtur verður ekki úr engu. Hagvöxtur er heldur ekki eingöngu framleiðniaukning, heldur heildar vöxtur hagkerfisins eins og hann er mældur hverju sinni. Fjölgun á Íslandi getur framkallað hagvöxt, en sá hagvöxtur þarf ekki að skila auknum afgangi í ríkiskassann. Fleira spilar inní. Ingibjörg gefur sér viðbótarhagvöxt sem ekki felur í sér auknar álögur vegna menntamála, heilbrigðismála eða annara útgjaldaliða ríkissjóðs.

Hvaðan á þessi hagvaxtarauki að koma?

Því er ósvarað, en hjásetan skilar okkur skammt.

Athugasemdir

[Eggert Hjelm Herbertsson, 3.5.2007 kl. 23:30]

Eyþór, það fer í Íhaldið að Samfylkingin hefur verið að vaxa jafnt og þétt í þessari kosningabaráttu, þrátt fyrir útröluraddir margra. Nú verður flokkslínan að hefja aftur árásir á Samfylkinguna eins og gert var í upphafi. Þú veist vel að Samfylkingin er með vel útfærða stefnu í öllum málaflokkum. Samfylkingin er ekki já/nei flokkur sem sér hlutina svart/hvíta, þess vegna hefur þurft tíma til að kynna stefnumálin - það er að skila sér eins og þú finnur.

Það er margt hægt að gera annað en að bræða ál sem skapar okkur velmegun og hagvöxt (ekki það að ég sé á móti slíkri starfsemi), við erum búin að setja nógu mörg egg í þá körfu, þurfum að byggja undir smáfyrirtæki og sprotafyrirtæki, ég hvet þig til að kynna þér stefnu Samfylkingarinnar og þú getur byrjað á að lesa tillögur Samfylkingarinnar á Sprotaþingi sem féllu nú vel í jarðveg þeirra sem eru að byggja upp ný fyrirtæki og standa að nýsköpun. Þú getur byrjað þinn lestur hér.

[Anna Ólafsdóttir (anno) (IP-tala skráð) 3.5.2007 kl. 23:34]

Veit lítið um þessa „óákveðnu“ kjósendur. Þykist samt sjá að kjósendur Sjálfstæðisflokksins eru fyrirsjáanlegri en kjósendur Samfylkingar. Það fyrsta sem ég hugsaði þegar ég heyrði um niðurstöðurnar í Kraganum var að nú myndu örugglega nánast öll blogg Sjálfstæðismanna fjalla um Samfylkinguna - Mér sýnist það vera að ganga eftir. Nokkuð gaman að spá í þetta, sérstaklega þegar maður hefur þá stöðu að vera frjáls og óháður

[Auðun Gíslason, 4.5.2007 kl. 00:40]

Reynslan/Sagan segir að óákveðnir kjósendur skila sér ekki eða illa til Sjálfstæðisflokksins.  Þeir eru strax komnir í hús kjósendur þess flokks í fyrstu könnunum.  Frekar að raunfylgið sé minna en fram kemur í skoðana könnunum.  Þetta segir sagan.  Ég segi ekki meir.

En mér sýnist stjórnin falla.  Enda bendir hnútukastið í Forsetann til þess að ritstjórar Moggans séu að gera klárt fyrir hasar eftir kosningar.  Það skyldi þó aldrei fara svo, að Ólafur Ragnar þurfi að taka upp símann og skamma ritstjórann, einsog Kristján Eldjárn gerði víst einhvern tíma!

[Hjalti G. Hjartarson, 4.5.2007 kl. 11:30]

Var þetta ekki annars það sama og Steingrímur var að segja í Kastljósinu í gær?

Velferðapakki upp á 30 miljarða og hann ætlar að fjármagna hann með hagvextinum.

Senda þetta fólk á námskeið í hagfræði eða eithvað. Þetta er allavega ekki alveg að ganga upp í mínum augum.

[Einar Þ. Eyjólfsson, 4.5.2007 kl. 12:50]

Nú virðist sem íhaldið sé farið að óttast Samfylkinguna á nýjan leik eftir að hún hefur farið að sækja í sig veðrið rétt fyrir kosningar.

Ekki gleyma því að EES samningurinn varð fyrst og fremst til fyrir tilstuðlan og framtíðarsýn Alþýðuflokksins sem kom honum í gegn með aðstoð D-lista. Hingað til hefur D-listi ekki svo glatt viljað bendla sig afrek ríkisstjórnarinnar milli 1991-95.

Það er vissulega freistandi fyrir D-lista að stjórna 4 ár í viðbót með B-listann í rassvasanum, held hins vegar að best fyrir þjóðina væri að S og D myndu koma sér saman um stjórnartaumanna. Held að þjóðin myndi gjarnan vilja fá frið í nokkur ár frá Framsóknarflokknum.

[Anton Þór Harðarson, 4.5.2007 kl. 13:55]

Sæll Eyþór

á eftirfarandi slóð má sjá hvernig Rauðgrænu flokkarnir standa sig hér í Noregi, flokkar sem segjast vera í foristu í umhvefisvernd, er þetta ekki það sem fólk á íslandi má eiga von á komist þessir flokkar til valda, tómt ráðleysi, bara talað fallega, en ekkert gert.

http://www.sb.no/apps/pbcs.dll/article?AID=/20070504/NYHETER/105040182/1012/BILDEGALLERIER

[Björn Davíðsson, 4.5.2007 kl. 15:35]

Niðurstöður íbúakosningar um flugvöll í Vatnsmýri voru þær að 18,3% Reykvíkinga á kjörskrá vildi að flugvöllurinn færi burt. Þess vegna var ekki farið í að undirbúa flutning vallarins.

Voðalegur titringur er þetta annars hjá íhaldinu þegar glansmyndin er að klikka...