Vinstri stjórn í næstu viku?

Ýmist teikn eru á lofti um að vinstri flokkarnir muni reyna til þrautar að mynda ríkisstjórn hafi þeir til þess styrk. Gildi þá einu þó þeir þurfi að gefa eftir af stefnumálum og loforðum í þriggja flokka bræðingi. Framsókn og Frjálslyndir gætu komið að slíkri stjórn ef vel væri boðið. Framsókn virðist vera í mikilli sókn og gæti enn og aftur verið í "lykilstöðu" eins og Halldór Ásgrímsson sagði eftir síðustu alþingiskosningar.

Það er margt gott og vel meint sem VG og Samfylkingin leggja áherslu á, en þriggja flokka ríkisstjórn án Sjálfstæðisflokks yrði þjóðinni dýr. Nýlegt dæmi frá Árborg þar sem VG, Samfylking og Framsókn mynda meirihluta er ágætt dæmi um vinnubrögð þau sem vænta má af vinstri stjórn. Langir fundir þar sem reyndar eru málamiðlanir og veruleg bið á svörum og ákvörðunum.

Vilja menn virkilega vinstri stjórn á Íslandi?

Athugasemdir

[Guðmundur Jónas Kristjánsson, 9.5.2007 kl. 17:14]

Framsókn mun ekki fara í vinstristjórn. Forysta flokksins hefur ítrekað að fái
flokkurinn ekki uppundir kjörfylgi fari hann ekki stjórn. Langt yfir 80% framsóknar-
manna vill áframhaldandi stjórn. Þannig að fái Framsókn lágmark 9-10 þingmenn og
stjórnarflokkanir haldi meirihluta mun núverandi stjórn halda áfram að mínu mati.
Þess vegna er svo mikilvægt að Framsókn fái ásættanlega kosningu. Hins vegar liggur í loftinu ríkisstjórn Sjálfstæðisflokks  og krata. -  Það yrði skelfileg tilhugsun, og
því síður Sjálfstæðisflokkur og Vinstri-grænir..........

[Jónas Tryggvi Jóhannsson, 9.5.2007 kl. 17:25]

Er dæmið frá Árborg ekki frekar að þegar Sjálfstæðismenn fara að ota sínum tota of mikið, þá er bara kominn tími til að henda burt spillingunni sem fylgir Sjálfstæðisflokknum?

Ég get svosem tekið undir að þriggja flokka stjórn hljómar ekkert eins og gott partý, en það væri skárra heldur en þetta rugl sem við erum með núna. Enda eru gamlir Sjallar að byrja að sjá fram á sömu ríkistjórn, og eru að hugsa um að kjósa einhvern vinstri flokk bara til að koma í veg fyrir það "helvíti" eins og þeir komast að orði. 

[haraldurhar, 9.5.2007 kl. 22:35]

Sæll Eyþór.

 Já ég vill nýtt stjórnarmynstur, og þá helst að Samfylkingin. Vinsti Grænir og Frjálslindir komi að henni.

   Það álít mitt að nýtt fólk með nýjar áherslur komi að stjórn landsins.  Nýir vendir sópa alltaf best.

    Núverandi stjórn er orðin þreytt, og þarfnast hvíldar.  Ég er búinn að fá leið, á foringjadýrkun, og allmennir þingmenn þori ekki, að tjá sig nema í takt við það sem foringinn ákveður,  hef ég þar sérstklega í huga Fjölmiðlafr. og Íraksstríðið, og athugun á aðild að ESB, ásamt að taka upp nýjan gjaldmiðil, eða tengja núverandi gjaldmiðil við Evru.

   Allt umtal að menn séu ekki jafnhæfir eða  óhæfir til stjórnunar landsins, hvort þeir aðhyllist einn eða annan flokk blæs ég á, því það fynnast hæfir menn í öllum flokkum.

    Valdhroki og tal niður til fólk þoli ég ekki, einnig allt kaldastríðstalið og misbeiting valds í lögreglurannsókun og jafnvel það sem má kalla ofsóknum á hendur mönnum eins og Baugsfeðgum og Jóni Ólafssyni.

Lifðu heill og vertu glaður.

[Tómas Þóroddsson, 9.5.2007 kl. 22:51]

Já takk, það gæti hentað mér vel.

[Ásdís Sigurðardóttir, 9.5.2007 kl. 23:01]

Enginn heilvitamaður vill vinstri stjórn og segðu mér Jónas, veistu nokkuð um Árborg og okkar mál og afhverju vinstra liðið kom sér aftur í stólana  ?? 

[Auðun Gíslason, 9.5.2007 kl. 23:22]

Mér sýnist að 40-45% þjóðarinnar vilji það (einsog er).  En við erum kannski ekki heilvita? Annars er nú einkennlegt, einsog maður sér óþarflega víða, að álíta þá sem ekki eru sammála manni illa gefna eða eitthvað þaðan af verra!

Talandi um samstarf.  Mér er nú slétt sama um samstarfið á sléttunni, en ætli samstarf fari ekki mikið eftir einstaklingunum sem taka þátt í því.

[Kristján Logason, 9.5.2007 kl. 23:29]

"Ýmist teikn eru á lofti um að vinstri flokkarnir muni reyna til þrautar að mynda ríkisstjórn hafi þeir til þess styrk."

Fyrir gefðu mér Eyþór en er það ekki einmitt vilji allra stjónmálaflokka að vilja komast í stjórn. Er það ekki þess vegna sem þeir bjóða fram.

Við skulum vona að ótti þinn reynist réttur og þetta veði niðurstaðan 

[Gylfi Björgvinsson, 10.5.2007 kl. 15:25]

Held  að  komi  bara ekki til  greina  að  setja saman  slíkan  bræðing Íslendingar eru  skynsöm  þjóð  og  þess vegna  kjósum  við  ekki  slíkt  yfir  okkur  Sömu  stjórn  að  kosningum  loknum  "Áfram   ekkert  stopp"