Þingvallastjórnin með sterkan stuðning

Það er allt sem bendir til þess að ný ríkisstjórn sé að fæðast í dag eftir stutta meðgöngu. Stjórnin verður með mikinn og sterkan þingmeirihluta að baki sér, en jafnframt er ljóst að mikill stuðningur er meðal almennings við stjórnina. Óvísindaleg könnun bloggsíðu vorrar sýnir yfir 70% stuðning við stjórnina, en 146 hafa greitt atkvæði er þetta er ritað. Þetta er svipað hlutfall og Gallup mældi jákvæða í garð stjórnarþáttöku Sjálfstæðisflokks. Fráfarandi ríkisstjórn hafði oftast meirihlutastuðning almennings, en undir það síðasta fór hann undir sameiginlegt fylgi flokkanna tveggja. Ætla má að sú stjórn verði með stuðning 2/3 kjósenda til lengri tíma litið. Slík stjórn á að geta komið mörgum góðum málum í gegn og það sem skiptir ekki minna máli; geta tekið á erfiðu málunum.

Athugasemdir

[Jóhannes Ragnarsson, 22.5.2007 kl. 18:21]

Þingvallastjórnin??? ... þú meinar Baugsstjórnin, ekki satt?

[Einar Þór Strand, 22.5.2007 kl. 22:12]

Það sem er slæmt við þessa stjórn er að hún getur í raun komið lögum í gegnum þingið með aðeins einum þriðja þingmanna eða 21.  Þetta sýnir að það er mauðsinlegt að breyta stjórnarskránni þannig að það þurfi meirihluta þingmanna til að setja lög, í dag 32, annað er í raun ólög.

[Guðmundur Örn Jónsson, 22.5.2007 kl. 22:53]

Gaman að sjá baráttuna um nafnið á stjórninni. Fylgjendur eru þjóðlegir og tala um Þingvallastjórn, andstæðingar gera grín og tala um Baugsstjórn. Ætli Baugsstjórnin verði ekki ofaná, hitt er algjörlega húmorslaust.