Búinn að jafna..

Það er ekki annað hægt en að taka ofan fyrir skógræktarátakinu á www.kolvidur.is - Almenningur, stofnanir og fyrirtæki hafa heldur betur tekið við sér og með þessu áframhaldi verður Ísland ansi skóglent í lok þessarar aldar. Landið var skóglent til forna eins og heimildir eru um. Menn voru meira að segja dæmdir til skóggangs en það væri erfitt á Íslandi í dag.

Sumir hafa jafnað þessu átaki við aflátssölu, en munurinn er þó sá að peningarnir í sjóðnum fara til ákveðins verkefnis, en ekki í óráðsstafaða hít. Páfinn í Róm var til að mynda með her um tíma og þá er ég ekki að tala um neina engla.
Kolefnisjöfnunin gengur sem sagt vel og án afláts.

Ég "jafnaði mig" í morgun fyrir árið. Góð tilfinning.

Athugasemdir

[Loftur Altice Þorsteinsson, 27.5.2007 kl. 13:40]

Gott morgunverk hjá þér Eyþór.

Við hljótum að eiga rétt til að nýta lífsanda Jarðar (CO2) eins og aðrar þjóðir.

Sem betur fer er koldíoxíð gufuhvolfsins vaxandi. Svo lengi sem menn verða duglegir við að brenna kolefnum, verður af nógu að taka.

Því miður er um takmarkaða auðlind að ræða. Með auknu CO2 magni, eykst upptaka jurta-ríkisins og vafalaust mun CO2 jafnvægi myndast innan skamms, í gufuhvolfinu. Þú þarft samt ekki að hafa áhyggjur af að þín "jöfnun" hafi áhrif.

Beztu CO2 kveðjur.

[Ágúst H Bjarnason, 27.5.2007 kl. 18:27]

Sæll Eyþór

Reiknivél Kolviðar segir mér að planta þurfi sextíu trjám til að jafna akstur minn. Í gær sótti ég 400 plöntur sem ég set í jörð næstu daga. Aðrar 150 eru í heimaræktun.  Samtals 550. Líklega á eftir að bætast við töluna, enda rétt farið að vora. Ætli samviska mín geti talist hrein?

[Jónína Benediktsdóttir (IP-tala skráð) 27.5.2007 kl. 21:33]

Já einmitt!

[Einar Þór Strand, 28.5.2007 kl. 11:15]

Éyþór

Er Kolviður ekki bara ríkisstyrkt svindl?  Það er engin sönnun komin fram fyrir því að binding á CO2 muni draga úr hlýnun jarðar.  Þannig að þarna er verið að svindla á fólki og selja því vöru sem ekki er til.

[Eyþór Laxdal Arnalds, 28.5.2007 kl. 13:25]

Það eina sem er öruggt er að Kolviður er sjóður sem rennur til skógræktar. Það er í sjálfu sér ágætt markmið að auka skógrækt - burtséð frá CO2.

[Loftur Altice Þorsteinsson, 28.5.2007 kl. 18:02]

Tvær "kolviðar" spurningar vakna: 

Getur verið að fólk telji "göfugra", að rækta tré á regnskóga-svæðum en hér á okkar eyðimörku ?

Hver er ávinningurinn af, að flytja til landsins smíðavið frá Skandinavíu, fremur en að nota þann "kolvið" sem hér er ætlunin að rækta ?

Ég ítreka, að ég er mjög fylgjandi skógrækt, en er ekki eitthvað undarlegt í gangi í hugum sumra ?