Maldon saltið

"Ég elska þig eins mikið og nýtt nautakjöt þarf salt" sagði dóttir ein í ævintýri við pabba sinn. Pabbinn var ósáttur við líkinguna, en áttaði sig síðar - þegar hann fékk ósalt nautakjöt í matinn - að dóttirin elskaði hann sannarlega. Mér datt þetta í hug eftir að hafa fengið frábæra nautasteik í grillveislu í gær. Á borðum voru sósur, en það sem var enn betra: Maldon salt. Af öllu salti er sjávarsaltið alltaf best. Til er mismunandi sjávarsalt, jafnvel rautt og svart, en Maldon saltið finnst mér alltaf best.

Salt jarðar. Salt sjávar.

Athugasemdir

[Guðrún Magnea Helgadóttir, 10.6.2007 kl. 15:33]

Ég er hætt fyrir löngu síðan að nota salt í matinn, nota þess í stað krydd og þá aðeins ef nauðsyn ber til... Rautt kjöt, nei aldei meir.

[Heimir Lárusson Fjeldsted, 10.6.2007 kl. 15:33]

Er salt ekki í öllum tilvikum NaCl og því allt eins, nema kornastærðin?

[Eva Þorsteinsdóttir, 10.6.2007 kl. 17:39]

Þarna næ ég að vera sammála þér.

[Haraldur Haraldsson, 10.6.2007 kl. 18:30]

Hvað er þetta sem þu kallar Maldon salt ???/Halli gamli

[Rannveig Bjarnfinnsdóttir, 10.6.2007 kl. 20:17]

Jahá!  Merkilegt alveg  

Ég held þú ættir að semja lag um þetta Eyþór.

Úh úh úh... MALDON SALT (í staðinn fyrir könguló kannski?!)

[Viðar Eggertsson, 10.6.2007 kl. 22:56]

Hver kostar þenna pistil?

Hver flytur inn Maldon saltið?

Sagði ekki Hannes Hólmi að "hádegisverðurinn væri aldrei ókeypis..."?

hahaha...

[Karl Tómasson, 11.6.2007 kl. 00:27]

Hvernig væri að framleiða Álafosssalt með þremur essum?

[Ólafur Örn Nielsen, 11.6.2007 kl. 12:00]

Maldon saltið er langbest. Það er einhvern veginn miklu mildara á bragðið og hefur ekki þetta ramma eftirbragð sem maður finnur svo gjarnan af öðru salti.

Svo skemmir "fílingurinn" ekki fyrir þegar það er mulið í lófanum áður en því er stráð á matinn.

Maldon saltið er í hvítum og grænum kössum og ættu allir þeir sem ekki hafa uppgötvað þessa guðsgjöf að kaupa einn!

[Sigurjón, 17.6.2007 kl. 02:48]

Salt er alls ekki í öllum tilvikum NaCl.  Það getur líka verið blanda af þessu og KCl, auk CaCl.  Fleiri tilbrigði veit ég ekki um, en CaCl mun vera mun algengara en KCl.