Reikjavíkurlistinn

Nýr fjögurra til fimm flokka meirihluti í borgarstjórn Reykjavíkur samanstendur af ólíku fólki og verður vægast sagt fróðlegt að fylgjast með hvernig þeim gengur að ná saman í fyrsta verkefni nýs meirihluta: REI. 

Yfirlýst markmið meirihlutans er að:

"Samstaða sé um það innan nýs meirihluta í borginni að vinna að sameiginlegri niðurstöðu í málinu en ekkert liggi enn fyrir um það hvernig sú niðurstaða verði."

Eða svo sagði Svandís Svavarsdóttir í dag. Jú og "róa þarf umræðuna" sagði hún líka.

Var ekki markmiðið að stöðva sölu á almannaeigum?
Átti ekki að bakka út úr samrunaferlinu og leita allra leiða við það?
Eða er markmiðið núna eingöngu að "ná samstöðu um að vinna að sameiginlegri niðurstöðu"?

Voru það ekki málefnin sem skiptu máli í fyrradag?

Eða voru það völdin?

Athugasemdir

[Gísli Bergsveinn Ívarsson, 12.10.2007 kl. 23:23]

Held að þau eigi hvort annað skilið.  Eiga eiftir að súpa seiðið af því

[Júlíus Valsson, 13.10.2007 kl. 00:06]

Það hefði margt mátt betur fara í þessu máli. 

[Ásdís Sigurðardóttir, 13.10.2007 kl. 00:08]

Völdin skipta þau öllu máli, ekki spurning. En annars velkominn á svæðið á ný og til hamingju með bumbubúann. 

[Loftur Altice Þorsteinsson, 13.10.2007 kl. 10:11]

Getur verið að heldsta verkefni hins nýja meirihluta sé "að róa umræðuna" ?

Ég hlustaði á viðtalið við Svandísi og mikið rétt ! Stúlkan telur það heldsta verkefni valda-ræningjanna "að róa umræðuna" !

Ég veit ekki betur en undanfarna daga, hafi heyrst einna hæst í henni sjálfri. Dagur Bje eignaði Svandísi fall fyrrverandi meirahluta. Af orðum hans mátti skilja, að Svandís hafi talað meirihlutann í hel. Merkja þessi ummæli stelpunnar, að hún sé orðin þreitt í skoltinum ?

[haraldurhar, 13.10.2007 kl. 15:08]

Sæll Eyþór.

Er það ekki nokkuð ljóst í þínum augum, sundurlyndi og reynsluleysi fulltrúa sjálfstfl. í frafarandi borgarstjórn felldi sig sjálfur. Flokkadrættir og valdabrölt innan sjálfstæðisfl. eru að gera hann óhæfan til stjórnarsetu. Það liggur í augum uppi að erfitt er að halda úti regnhlifarsamtökum til lengri tíma.  Eg álít að nýr meirihluti muni vinna nokkuð þétt saman, á þeirri forsendu að öll sem eiga hlut að máli eiga sinn pólitíska líf undir að vel takist til út kjörtímabilið.

 Það væri áhugavert að fá þín sjónarmið varðandi átök um völd og frama í borgastjórnarfl. sjálfstæðismanna, og ekki síst í sögulegu ljósi, þegar litið er til vals á þeim sem´á að leiða listann hverju sinni.

kv. h.