olítunnan á $87.97 - hvað þýðir það?

Olíuverð heldur áfram að hækka og nálgast nú 90 bandaríkjadali. Þó $ sé verðminni en oft áður, er verðið á olíutunnuni komið langt fram úr hófi og fer að nálgast það að hefta hagvöxt í heiminum. Sögulega séð hefur tunnan verið í kring um 20 dali síðustu 80 ár. Olíuverð hefur hækkað um 20 dali á örstuttum tíma - og var þó hátt fyrir.

Sumir kunna að segja að það sé bara gott því þá verði minna um gróðurhúsalofttegundir, en það er ekki víst. Þjóðir heimsins munu í vaxandi mæli nota nýja orkugjafa, en ekki síður nota kol af kappi til raforkuframleiðslu. Þessi hækkun kemur sér illa fyrir bensínnotendur á Íslandi, en vel fyrir Ísland að mörgu öðru leyti þar sem við erum í fararbroddi í notkun og framleiðslu endurnýjanlegra orkugjafa. Kannski verður þetta til þess að bílar og skip á Íslandi verði knúin eldsneyti úr öðru en olíu.

Því má svo ekki gleyma að við erum orðin samvaxin heimsmarkaði, ekki síst með skuldsettum yfirtökum erlendis. Samdráttur á heimsvísu gæti haft mikil áhrif á útrás íslenskra fyrirtækja og ófyrirséð áhrif á valdajafnvægið í heiminum sem aftur er orðið viðkvæmt.

Það er kaldhæðnislegt að hækkun á olíuverði í dag og gær er einkum vegna fregna um viðsjár í mið-austurlöndum. Hækkun á olíu getur einmitt orðið til þess að grafa enn frekar undan viðkvæmu valda- og vopnajafnvægi á því svæði sem meirihluta olíu er að finna.

Eitt er víst að augu heimsins verða í vaxandi mæli á lausnum til að mæta tvöfaldri ógn; olíuþurrð og hlýnun jarðar. Hér getur Ísland spilað stórt hlutverk. Vonandi náum við að jafna okkur á REI-málum og komast yfir darraðadansinn sem dunað hefur á síðustu dögum. Ísland á mikið erindi við orkuheiminn ef vel er á málum haldið.

Vonum að fall sé fararheill á þeirri vegferð.

Athugasemdir

[Einar Ben Þorsteinsson, 17.10.2007 kl. 00:13]

Olíutunnan á 87,7$ = Verðbólga = Öll húsnæðislán í landinu hækka = Bankar hafa fjárfest í olíu.

[Jón Sigurgeirsson , 17.10.2007 kl. 21:10]

Menn kenna kenna húsnæðismarkaði í bandaríkjunum um þrengingar sem eru víða í fjármálaheiminum. Ástæðan fyrir lækkuðu húsnæðisverði hlýtur að vera minnkuð kaupgeta. Skyldi það vera að ástæðan fyrir þrengingum megi að hluta rekja til hækkaðs olíuverðs.

Því miður er ástæða olíuhækkana ekki eingöngu vegna væringja í austurlöndum nær. Ég held að hún sé vegna þeirrar trúar manna að toppi í olíuframleiðslu sé náð og olíufundir eru mun minni en sem nemur árlegri notkun okkar á olíu. Við erum því að ganga hratt á þekktar lindir. Af því leiðir að við verðum að ganga í gegnum nokkuð hratt breytingaskeið þar sem enginn þekktur orkugjafi getur leyst olíu af hólmi. Það verður því ekki hjá því komist að þrengi að á meðan leitinni stendur.

[Reynir Már Sigurvinsson (IP-tala skráð) 18.10.2007 kl. 00:03]

Það verður að fara að keyra á dýrafitu, höldum rannsóknum áfram!!

[Jón Lárusson, 19.10.2007 kl. 09:16]

Olían er ekki að fara lækka neitt á næstunni. Hins vegar var áhugavert að lesa þessa bókun um 100 dollarana, en hægt er að skoða smá pælingar um þróun olíuverðsins hér.

Það er fyndið til þess að hugsa, að bandaríkastjórn er að skilgreina opinberar öryggissveitir þessara landa sem hryðjuverkasamtök á meðan hækkandi verð sem byggir á eftirspurn, meðal annars í BNA, gerir ekkert annað en að styrkja þessar sömu opinberu stofnanir. Spurning hvort ekki ætti að skilgreina olíukaup sem stuðning við hryðjuverkasamtök? 5.000 kallinn sem menn eru að borga fyrir tankinn endar nefnilega að hluta til hjá klerkunum í Íran.

[Elín Katrín Rúnarsdóttir. , 21.10.2007 kl. 10:58]

Sunnudagur til sælu fyrir þig