Spil á hendi

Bent hefur verið á að margar vísitölur hafi hrunið á þessu ári. Fyrst var það þorskvísitalan sem hrundi, þá úrvalsvísitala skráðra fyrirtækja og svo var það Pisamælingin sem sýndi Ísland aftarlega á menntunarmerinni. Allt eru þetta stór mál. - Á sama tíma hefur sú vísitala sem mælir verðbólgu á Íslandi farið hátt. - Ekki er það gott.

Hvaða útspil höfum við til að mæta vondum tíðindum?

Íslenska ríkið stendur sterkt og er skuldlaust við útlönd.
Viðskiptahallinn minnkar þó krónan sé sterk
Lífeyrissjóðirnir eru afar sterkir.
Vextir eru afar háir á Íslandi.

Íslenska ríkið hefur þarna spil upp í erminni þegar í harðbakkann slær.

Ríkissjóður hefur bolmagn til að fara í miklar framkvæmdir.
Ríkissjóður getur eflt menntakerfið og slegið tvær flugur í einu höggi.
Lífeyrissjóðirnir eru bakhjarl bæði lífeyrisþega og fjármagnsmarkaðar á Íslandi.
Bandaríski Seðlabankinn hefur lækkað vexti um 0.75% að undanförnu vegna fjármálakreppu tengdri húsnæðislánum.
Íslenski Seðlabankinn getur lækkað vexti um yfir 10% ef sambærileg kreppa kæmi á Íslandi.

Þetta eru góð spil að hafa þegar illa árar sem aðrar þjóðir hafa ekki í sama mæli.

Athugasemdir

[Jón Aðalsteinn Jónsson, 10.12.2007 kl. 13:59]

Kvitta fyrir innltið ein spurning ´sem að mig langar til að vita. Hafa ekki lífeyrissjóðirnir tapað óhemjupeningum í þessari niðursveiflu ?

[Eyþór Laxdal Arnalds, 10.12.2007 kl. 15:02]

Það verður fróðlegt að sjá ársuppgjörið, en mér kæmi mjög á óvart ef lífeyrissjóðir skili tapi á árinu 2007 enda er eignasafnið dreift og ávöxtunin líka.

[Heimir Tómasson, 11.12.2007 kl. 17:38]

Bara kvitta fyrir komuna...

[Helga Jóhannsdóttir, 12.12.2007 kl. 08:40]

Sæll Eyþór !

Mig langar að minna þig á að ég hef sent þér e-mail mjög oft og  langar mig að þú kannski sendir mér línu og tjáir þig um þessi mál sem ég hef skrifað til þín.. 

Þú verður að afsaka að ég hafi sent hér inn en mig langar að fá að vita hvort ég hafi sent á rétta addressu...

Með vinsemd og virðingu..

Helga Jóhannsdóttir

Selfossi 

[Eiríkur Harðarson, 15.12.2007 kl. 17:57]

Jól-2007 Eyþór+Frú Dagmar að mig minnir, ég óska ykkur gleðilegrar jólahátíðar hitti ykkur vonandi sem fyrst.

[Jón Sigurgeirsson , 17.12.2007 kl. 00:58]

Þetta er alveg rétt. Mér er einnig sagt að staða sveitarfélaga hafi heldur skánað þ.e. þeirra sem eru af lífvænlegri stærð og hafa haft þokkalega stjórnendur.

Ég þekki það úr bridge að það er ekki nóg að hafa góða hönd - það þarf að spila rétt úr henni. Vita rétta augnablikið hvenær má fara að gefa í. Ef við gerum það of snemma þá helst spennan og við eyðum varasjóðnum áður en niðursveiflan kemur. Ef við gerum það of seint verða margir brotnir niður áður en þeir nýtast í uppbyggingu. Ríkisafskipti geta komið til um stund. Til langframa draga þau úr framleiðni. Rétt tímasetning og í réttu magni - Við getum hins vegar ekki metið hvort rétt sé gert fyrir eftir eina öld.