President Barack Hussein Obama?

Sigur Obama í forkosningum Demókrata í Iowa var meiri en flestir bjuggust við. Hillary Clinton lenti í 3. sæti sem var í sjálfu sér stærsta fréttin, en nú er rétt að rifja upp hver maðurinn er.

Segja má að Obama hafi komist á sjónarsviðið í síðustu forsetakosningum árið 2004 þegar John Kerry (D) tókst á við George W. Bush. Þá var Obama enn ekki orðinn öldungardeildarþingmaður en var samt boðið að halda lykilræðu á landsþingi Demókrata. Skemst er frá að segja að Obama sló rækilega í gegn og man ég eftir því að ég hlóð niður ræðunni af netinu og hreifst af ræðustílnum. Að sumu leyti er þetta söguleg stuðningsræða lítið þekkts manns sem varð stærri en sjálfur forsetaframbjóðandinn. Hitt dæmið sem kemur í hugann er stuðningsræða Ronald Reagans við Barry Goldwater (R) 1964 en þá sló Reagan í gegn - sextán árum fyrir forsetakjörið. Þó þessir frambjóðendur séu fjarska ólíkir náðu þeir sjálfir í gegn þegar þeir mæltu með öðrum...sem reyndar töpuðu báðir (Kerry og Goldwater)

Hér er bútur úr ræðunni þar sem Obama hafnar klofningi Bandaríkjanna í "rauð" og "blá" fylki sem má segja að hafi einkennt kosningabaráttuna bæði árin 2000 og 2004: 

"The pundits like to slice-and-dice our country into "Red states" and "Blue states"; Red States for Republicans, Blue States for Democrats. But I've got news for them too. We worship an awesome God in the Blue States, and we don't like federal agents poking around in our libraries in the Red States. We coach Little League in the Blue States and yes, we got some gay friends in the Red States. There are patriots who opposed the war in Iraq and patriots who supported the war in Iraq. We are one people, all of us pledging allegiance to the stars and stripes, all of us defending the United States of America."

Þessi nálgun er lykilatriði í kosningabaráttu Obama, en er hann að ná óháðum kjósendum í milljónatali á sitt band. Þáttaka í kosningum í BNA er frekar lítil og getur þessi fjölgun áhugasamra og óflokksbundinna ráðið úrslitum. Obama er vel menntaður og frábær ræðumaður. Hann hefur náð meiri stemningu meðal kjósenda en aðrir frambjóðendur og má segja að myndin sé mun skýrari Demókratamegin en Rebúblíkanamegin í forkosningunum. Þar er Huckabee sigurvegari í Iowa en fast á hæla hans er Mitt Romney og svo má ekki afskrifa McCain og Giuliani á landsvísu.

Það er sögulegt að nú sé vel mögulegt að blökkumaður geti verið forseti Bandaríkjanna. Ekki er síður merkilegt ef næsti forseti BNA skyldi heita Hussein, en það er millinafn Barack Obama og verður það sjálfsagt notað gegn honum í baráttunni bæði af Demókrötum og Repúblikönum. 

Eitt er víst að kjósendur í BNA þyrstir í breytingar og enginn af helstu frambjóðendum Demókrata né Repúblíkana er jafn sterkt tákn um breytingar og Barack Hussein Obama. Það verður fróðlegt að fylgjast með forkosningunum á næstu dögum, því ef Obama sigrar í NH er næsta víst að hann verði frambjóðandi Demókrata. - Hafi Clinton sigur í NH verður þetta þó tvísýnna.

Hér er svo mynd af kjósendum í New Hampshire bíðandi í kuldanum í dag eftir að sjá Obama á kosningafundi - segir meira en mörg orð:

Athugasemdir

[Björn Heiðdal, 6.1.2008 kl. 00:27]

Svertingi eða kona? Hmm, nei varla.

[Jón Steinar Ragnarsson, 6.1.2008 kl. 05:10]

Það er vonandi að hann nái að hrekja glæpaklíkuna úr Hvíta húsinu en mér hugnast samt illa hinn þjóðernislegi og Trúartengdi tónn í ræðum hans.  Slíkt er ávísun á óútreiknanleika og ákveðna raunveruleikafirringu.  Þeir eru þó allir á þessum nótum meira og minna þessir frambjóðendur.  Obama virðist hafa minnst hagsmunatengsl og því ólíklegri til spillingar, svo von mín stendur með honum.  Annars er engin leið að spá um hvað verður, því víst er forsetinn aðeins strengjabrúða ráðandi afla í landinu.  Hann er þó líklegri til að fylgja ákvörðunum þingsins en núverandi fábjáni.

[Marta B Helgadóttir, 6.1.2008 kl. 08:03]

Ég á alltaf erfitt með að skilja hvaða sýn almenningur í US hefur á stjórnmálamenn og þá ekki síst forsetaembættið. Held að það sé nokkuð ólík viðhorf m v þau sem við þekkjum í Evrópu.