"Big Mac"

Sigur John McCain í Florida er sennilegast trygging fyrir útnefningu sem forsetaefni Repúblíkana. John McCain hefur haft lítinn stuðning meðal íhaldsmanna í flokknum og það staðfestir móðir hans á tíræðisaldri í viðtölum. McCain atti kappi við George W. Bush og má segja að þar hafi South Carolina verið hans Waterloo. Núna vann hann Huckabee þar og Romney og Giuliani í Florida.

Styrkur John McCain er fyrst og fremst persóna hans. Hann er jákvæður gagnvart innflytjendum og studdi Íraksstríðið. Hvoru tveggja eru umdeild sjónarmið í dag. Segja má að endurkoma John McCain sé með miklum ólíkindum, en við þekkjum endurkomu stjórnmálamanna á Íslandi og er forseti Íslands ágætt dæmi um það. John McCain er "comeback kid" og hefur oft heyrst síðustu vikur "the Mac is Back".

Eftir sigurinn í Florida eru menn farnir að tala um Big Mac.

Athugasemdir

[Guðborg Eyjólfsdóttir, 30.1.2008 kl. 13:54]

Hann hefur kanski stundað nám í Mc Donalds skólanum

[Ingunn Valgerður Henriksen (IP-tala skráð) 31.1.2008 kl. 11:17]

  En það er líka alvitað hversu mikil áhrif Big Mac hefur á heilsuna.

 Og hvað var jákvætt og er jákvætt við íraksstríðið? Það að hætta mörgþúsund manns. og koma á hræðilegu ástandi með því yfirskyni að vera að hjálpa fólkinu þar en voru bara að sækjast eftir Olíunni? 

[Loftur Altice Þorsteinsson, 31.1.2008 kl. 21:27]

Þetta tal um olíuna í Írak er orðið heldur leiðigjarnt, enda fjarstæðukennd fullyrðing. Heimsmarkaður með olíu er einfaldlega þannig, að þeir fá sem borga. Ef Bandaríkjamenn hefðu viljað "eignast" fleirri olíulindir en þeir eiga nú þegar, hefðu þeir þá ekki leitað þeirra á auðveldara svæði en Írak ?

Ég fullyrði, að þegar Írak hefur verið friðað með útrýmingu hryðjuverkamanna (mujahideen) og múslimar þar skilja að heimsvaldastefna Islams (Jihad) borgar sig ekki, munu Bandaríkjamenn verða reiðubúnir og fegnir að fara heim. Hagnaður af olíuframleiðslu í Írak mun þá, að stærstum hluta, renna til innlendra fyrirtækja.

Ingunn ætti að taka sér nokkurn tíma til að hugsa málið og hætta að láta ofstækisfulla hatursmenn Vestrænna lífs-gilda ráða skoðun sinni. Samfylkingin er orðin útungunarstöð heilalausra ofstækismanna, í líkingu við madrössur Talibana í Afganistan og Pakistan.

[Ingunn Valgerður Henriksen (IP-tala skráð) 11.2.2008 kl. 01:21]

Jahérna Loftur þú ert bara í háaLofti með þessu. Hver segir að ég sé samfylkingarmanneskja?   Humm  já og hvað voru þá Bandaríkjamenn að gera þarna? Þeir fóru þarna inn með valdi og  vopnum.  Ástandið þarna í Írak er engu betra nú en þá og ef ekki verra í dag en þá og já ég þekki fólk þarna úti og get sagt þér að þar ríkir ekki gleði og hamingja. 

    Samfylkingin hefur það  að bera hag fólks fyrir brjósti í forgrunni.  

 Annað en margir hærra settir í sjálfstæðisflokknum sem eru fullir græðgi og ætla sér ekkert annað en að komast hærra í pólitíkinni því þar eru peningarnir.

     Furðulegt hvað stuðningsmenn sjálfstæðisfl eru fljótir að gleyma.....