Góð tíðindi

Aðgerðir Seðlabankans og ríkisstjórnarinnar eru nú að líta dagsins ljós. Margt bendir til þess að framundan sé samstillt átak Seðlabankans, Alþingis og aðila vinnumarkaðarins til að kljást við tvö erfið vandamál í einu:

(a) Verðbólguna
(b) Fjármálakrísuna á Íslandi

Lausnin felst ekki í að sækja um faðm ESB. Slíkt myndi aðeins flækja málið enn frekar. Lausnina er aðeins að finna hjá okkur sjálfum. Íslendingar verða að axla ábyrgð á þeim mikla vexti sem þeim hefur tekist ná fram. Mikilvæg skref voru tilkynnt í dag og fleiri munu fylgja á eftir.

Á endanum er nauðsynlegt að saman fari lausnir sem sýna fram á getu íslensks fjármálalífs til að verjast árásum (útkastarinn eins og hann var nefndur af Davíð Oddssyni) og svo hitt að Ísland sýni fram á getu til að standa undir skuldbindingum sínum.

Þar er aukning gjaldeyristekna lykilatriði og í raun það eina sem styrkir krónuna til lengri tíma litið.

Athugasemdir

[Gestur Guðjónsson, 16.5.2008 kl. 23:25]

Þetta er engin lausn. Þetta er eingöngu eftirásamningur um yfirlýsingur sem Geir H Haarde gaf um daginn og seðlabankastjórar norðurlandanna sögðu að væru ekki réttar. Sem sagt framlenging samnings sem runnið hafði sitt skeið.

[Eyþór Laxdal Arnalds, 16.5.2008 kl. 23:38]

Hvað vilt þú að gert sé Gestur?

[Hallur Magnússon, 17.5.2008 kl. 14:55]

Stjórnvöld óábyrg vegna óvissu um framtíðarskipulag Íbúðalánasjóðs!

[Haraldur Haraldsson, 17.5.2008 kl. 15:05]

Tek undir þetta Eyþór,þetta et gott svo langt sem það nær/en tek  einnig undir það sem Hallur segir um Íbúðarlánasjóð!!!!!Kveðja Halli gamli

[haraldurhar, 17.5.2008 kl. 16:33]

   Það er merkilegt nokk að lesa hvernig þú fjallar um neyðarhjáp Norrænu Seðlabankana, til handa littla bankanum með mörgu bankastjórunum, er hafa sýnt sig að hafa ekki snefill vit á stjórnun peningamála.

   Það er ekki spurning í mínum augum að við erum á beinnri leið inn í Efnahagsbandalagið, og ekki síst vegna óstjórnar Seðalabankans. 

   Það ætti öllum að vera ljóst að við stefnum hraðbyri inn í kreppu, ef fer svo fram sem horfir, og tindátarnir við Svörtuloft fá að halda áfram vaxtaokri sýnu, með tilheyrandi fjölda atvinnuleysi gjaldþrotum og gjaldeyrisskort.