Veiðimannaþjóðfélagið

Íslendingar eru sagðir vera veiðimenn - frekar en safnarar. Við erum fljótir að koma auga á tækifærin og svo er róið á miðin.

Ræktendur þurfa að temja sér þolinmæði og forðast miklar sveiflur.

Krónunni er kennt um sveiflur í okkar samfélagi - og vissulega er hún smá og veik - en engu að síður er það morgunljóst að margt fleira sveiflast hjá okkur.

Kannski væri best ef við hefðum aðeins meiri ræktanda í okkur og minni veiðimennsku?

Athugasemdir

[Eiríkur Harðarson, 11.7.2008 kl. 20:18]

Eyþór minn ég ítreka hér athugasemd mína við fyrra blogg.

[Rósa Aðalsteinsdóttir, 11.7.2008 kl. 23:32]

Sæll og blessaður.

Vona að við getum aukið veiðar og eins ræktun og búskap. Við verðum að auka útflutningstekjur okkar. Gætum hjálpað fátækum þjóðum t.d. í Afríku með matargjafir s.s. hval. Svo væri ráð að safna í forðabúrin núna ef það er að skella á kreppa. 

Góða helgi og Guðs blessun.

Kær kveðja/Rósa 

[Guðbjörn Guðbjörnsson, 12.7.2008 kl. 11:28]

Ég næ þessari yfirfærðu merkingu hjá þér og er algjörlega sammála.

Mig langaði svo til að setja inn línurit sem ég fann um hagvöx á Íslandi, Írlandi, Spáni og í Lúxemborg, en í línuritinu má sjá að besti ræktandinn er Lúxemborg. Ég vona að það takist að setja þetta línurit inn, en annars getur þú kannski eytt því af blogginu?

Lúxemborg er það land, sem ég vil að við Íslendingar skoðum aðeins betur.

[Eyþór Laxdal Arnalds, 13.7.2008 kl. 08:50]

Takk fyrir þetta línurit Guðbjörn. Þarna sést vel hvað Íslenska hagsveiflan er að sveiflast mikið.