Ríkisvæðing bankanna

Roskilde bank, Fannie & Freddie, Northern Rock og fleiri smærri bankar eiga eitt sameiginlegt; þeir eru ríkisvæddir. Þá var björgunaraðgerð vegna Bear Stearns ákveðin ríkisábyrgð.

Einkavæðing síðustu áratuga í Evrópu bliknar í samanburði við hraða ríkisvæðingu síðustu vikna.
Menn verða að horfast í augu við það sem úrskeiðis hefur farið.  Ísland er hér engin undantekning.

Nú þegar fjármálakrísan er orðin eins árs vakna spurningar um framhaldið. Á hvaða leið erum við? Tekst markaðnum að ráða fram úr sínum málum án kerfisbreytinga?

Athugasemdir

[Einar Þór Strand, 14.9.2008 kl. 12:20]

Það heitir að þjóðnýta ekki ríkisvæða.

[Eyþór Laxdal Arnalds, 14.9.2008 kl. 13:13]

Þjóðnýting er fallegt orð, en ríkisvæðing lýsir aðgerðinni betur.

[Gulli litli, 14.9.2008 kl. 13:50]

Ég vil bara að venjulegt fólk blæði ekki fyrir sukk þeirra sem meira meiga sín...Því sá venjulegi nýtur ekki þegar vel gengur eða hvað?

[Eyþór Laxdal Arnalds, 14.9.2008 kl. 14:23]

Það er lykilatriði að hluthafar beri ábyrgð á félögum sínum og ríkið á skattpeningunum. Ef banki er tekinn yfir af ríkinu verður að afskrifa hlutaféð. Vonandi kemur þó ekki til þessa á Íslandi.