Kínverjar til bjargar?

Ríkisstjórnin hefur sent bréf til kínverskra kollega sinna og beðið er svars. Vonir standa til að þeir geti lagt Íslendingum lið með stóru láni. Biðin eftir lánapakka er farin að vera pínleg og ekki hjálpa nýjar fréttir af eymd og óeirðum á Íslandi.

Í dag kynntu Kínverjar áætlun til að verja efnahagskerfi sitt og vöxt eins og lesa má um hér á Bloomberg. Þetta eru 586 milljarðar USD sem er um 1/3 af þjóðarframleiðslu Kínverja. Menn telja að þetta geti örvað hagvöxt Kína um ca 2%.

Athyglisvert er að sjá að aðaláherslan er á innviði eins og vegi og flugvelli. 
Suðurlandsvegur anyone?.  

 

 

 

 

 

 

 

 

 

Athugasemdir

[Jakobína Ingunn Ólafsdóttir, 9.11.2008 kl. 19:25]

Fréttir af óeirðum á Íslandi eru stórlega ýktar. Það vekur furðu mína að ráðamenn skuli ekki hafa hugarflug til þess að finna aðrar lausnir en að ganga betliferðir um lönd. Verst að svo eiga börnin okkar að borga þetta.

[Jón Steinar Ragnarsson, 9.11.2008 kl. 20:15]

Ég sé jákvæðan punkt í þessu. Kínverjar eru líklegir til að setja skilyrði um afsögn seðlabankastjóra, sem sælla minninga storkaði þeim illilega í falun gong málinu m.a.

Annars hafa kínverjar nú leitað leiða til að aftengja sig dollarnum, sem er að draga allt til fjandans og mættum við taka þá til fyrirmyndar þar. Fjölmyntafyrirkomulag er ein af hugmyndum þeirra, sem vert er að skoða en víst er að í öllum patentlausnum fylgir böggull skammrifi og köttur í sekk.

[Theódór Norðkvist, 9.11.2008 kl. 21:25]

Jón Steinar hvað meinarðu með að DO storkaði kínverjum í Falun Gong málinu? Ég man ekki betur en að hann hafi einmitt látið lögreglu fjarlægja friðsama mómælendur og látið hindra á kínverskan máta að þeir gætu tjáð sig.

[Jón Steinar Ragnarsson, 9.11.2008 kl. 21:35]

Hann hótaði kínverjum að slíta stjórnmálasambandi ef þeir hættu ekki að hlutast til um innanríkismál. Man ekki hvort það var í beinum tengslum við Falun gong, en kínverjar voru að segja okkur fyrir verkum.  Veit ekki hvort það var hann sem sigaðilögreglunni á þá en hér var mikill titringur vegna hagsmunaaðila.

[Eyþór Laxdal Arnalds, 9.11.2008 kl. 22:56]

Davíð hefur staðið fyrir miklum umbótum á Íslandi og fyrst þú nefnir Churchill þá er Davíð óhræddur við úrtölumenn og hefur alltaf staðið fastur á sinni meiningu - líkt og Churchill. Það er ómerkilegt að kenna Davíð um allt eins og sumir gera. Enginn er fullkominn hvorki Churchill eða Davíð.

Staðan á Íslandi er engu að síður grafalvarleg og hér þarf að bregðast við hratt og örugglega. Ríkisstjórnin virðist vera ósamstíga í stórum málum því miður. Þetta þarf að breytast hratt ef ekki á að fara illa.

[Sigurður Þórðarson, 9.11.2008 kl. 22:57]

Það er hvorki stöðnun né afturför í Kína eins og í Evrópusambandinu.  Vegna batnadi efnahags og tollaniðurfellinga er ört vaxandi markaður fyrir fiskafurðir í Kína og Kóreu.

[Friðrik Hansen Guðmundsson, 9.11.2008 kl. 23:52]

Af hverju segir þú að það sé stöðnun og afturför í ESB. Það er einfaldlega rangt hjá þér. Þar er búin að vera mikill uppgangur og hagvöxtur undanfarin ár og atvinnuleysi í sögulegu lámarki. Eftir að vestur Evrópa tók ausur Evrópu í "fóstur" hefur gríðarlegum fjármunum frá vestur Evrópu hefur verið varð til uppbyggingar þar og lífskjör eru á mikill uppleið. Hagvöxtur í austur Evrópu og Rússlandi hefur verið einn sá mesti í heiminum. Evrópa blómstrar nú sem aldrei fyrr.

Kína er fyrst og fremst landbúnaðarland. 75% þjóðarinnar býr enn í sveitum landsins og 50% þjóðarinnar lifir enn á landbúnaði. Ég hef ekki trú á að þeir séu aflögufærir með eitt eða neitt.