Ákvörðun Björgvins - þröng staða Ingibjargar

Óvæntar fréttir eru að verða að normi þessa daganna. Afsögn Björgvins G. Sigurðssonar er ein þeirra frétta. Ekki það krafa um afsögn hafi ekki legið fyrir en tímasetningin vekur nokkrar spurningar.

Í fyrsta lagi er óvanalegt að menn haldi blaðamannafundi á Sunnudagsmorgnum en þennan ákveðna dag töldu margir að örlög ríkisstjórnarinnar myndu ráðast síðdegis.

Almennt hefur ekki þótt eftirsóknarvert fyrir ráðherra að segja af sér, en í stöðunni nú fær Björgvin prik fyrir ákvörðunina. Meira að segja hálft prik frá Steingrími J.

Margt bendir til þess að endurnýjun sé í farvatni forystu Samfylkingarinnar og kannski sér Björgvin leið í þessari afsögn?

Svo er það þrýstingur á Sjálfstæðisflokkinn.

Sumir segja að boltinn sé hjá Sjálfstæðisflokknum en margt bendir til að hann sé frekar hjá formanni Samfylkingarinnar. Uppreisn varaformannsins á meðan formaðurinn var á sjúkrabeði var ósmekkleg. Grasrótin í flokknum virðist vera búin að stilla Ingibjörgu upp við vegg og kallar á stjórnarslit. Ætla má að þetta varði fjármál ríkisins og þann niðurskurð sem þarf að ráðast í. Niðurskurður hjá ríkinu er alltaf óvinsæll en þó sérstaklega í harðæri í aðdraganda kosninga. Báðir stjórnarflokkarnir hafa undirgengist áætlun IMF sem kostar aðhald til að jafnvægi náist. Kosningar eru í farvatninu og eru allir flokkar sammála um það. Vandinn er hvað gerist héðan í frá og að kosningum; Vandamálið er hvaða ábyrgi stjórnarmeirihluti tekur við þegar stjórnin fer frá. Í þessari stöðu verður að skoða þjóðstjórn sem valkost.

Athugasemdir

[Sigurður Þórðarson, 25.1.2009 kl. 21:27]

"Uppreisn varaformannsins á meðan formaðurinn var á sjúkrabeði var ósmekkleg."

 Óvinsælasta ríkisstjórn Íslandssögunnar sem nýtur ekki þingmeirihluta nema að viðlögðum flokksaga á hún að tóra í skjóli veikinda tveggja einstaklinga? 

[Nostradamus, 25.1.2009 kl. 21:36]

Samfylkingin 1 - Sjálfstæðisflokkur NÚLL... Snilldarleikur hjá Ingibjörgu þó svo að "þetta hafi komið henni mjög á óvart". Nú getur Samspillingin borið höfuðið hátt gagnvart Sjálfgræðgismönnum, sá ráðherra þeirra sem helst hefur verið deilt á síðustu mánuði hefur sagt af sér og rak um leið forstjóra FME, einn af sennilega 3 óvinsælustu mönnum á landinu næst á eftir kónginum sjálfum Davíð Oddsyni og skítseyði ársins 2008, Árna Matt. Það verður erfitt fyrir duglausa Geir að matcha þetta nema láta bæði Dabba og Árna taka pokana sína.... Maður getur jú alltaf lifað í voninni....

[Sigurður Sigurðsson, 25.1.2009 kl. 21:37]

Er ekki bara Samfylkingin komin á barm örvæntingar ??

Nú virkar ekki lengur ESB umræðan, fylgið hríðfellur og þá er best að rugla og bulla um Davíð, kannski virkar það í næstu skoðanakönnun.

Það sést best í dag að enginn stjórnmálamaður nútímans á Íslandi kemst með tærnar þar sem Davíð hefur hælana.  Það er eiginlega sorglegt að hér fyrirfinnist ekki lengur almennilegur forgöngumaður sem tekur af skarið. 

Á tímum sem þessum þarf þjóðin alvöru leiðtoga sem hikar ekki við hlutina og tekur ákvarðanir.  Því miður hefur enginn slíka getur sem kemur að stjórnmálum í dag.

Ég er að velta því fyrir mér hvort við getum ekki gert samning við Davíð um að hann komi inn í 3 ár og klári þetta dæmi  ??

[Nostradamus, 25.1.2009 kl. 22:02]

Það er náttúrulega alveg rétt að enginn kemst með tærnar þar sem Dabbi hefur hælana. Arfleifð hans blasir jú við okkur núna... 7000 manna mótmæli sl. laugardag, standandi 5 daga óeirðir í miðborg Reykjavíkur, veist að duglausa Geir fyrir utan stjórnarráðið, bankarnir gjaldþrota, heimilin og fjölskyldurnar á hraðbraut til helvítis með viðkomu hjá Intrum, 18% verðbólga, 8% atvinnuleysi og fer vaxandi, hrun blasir við fyrirtækjum landsins, fasteignamarkaðurinn hruninn, spilling og dugleysi aldrei verið meira og svo framvegis. Hins vegar jákvætt að búið skuli vera að redda Þorsteini litla föstu djobbi sem hann missir trúlega ekki hvað sem á dynur. Já arfleifð hans er sannarlega glæsileg!!

Og að gefa honum 3 ár til að klára dæmið?? Held að það þurfi þess ekki. Hann gekk svo rækilega frá þessu að með smá siganda verður þetta farið til fjandans eftir 6-12 mánuði. Dabbi þarf ekkert að koma og ýta við boltanum aftur....

[Hjalti Tómasson, 25.1.2009 kl. 22:21]

Við þurfum hvorki Davíð né nokkurn annan úr gömlu elítunni. Við þurfum nýtt fólk með ferskar hugmyndir.

Fólk sem er í jarðsambandi og hefur skilning á hvar forgangurinn í björgunarstarfinu er. Ég held að ef við ekki breytum um hugarfar og taktík núna þá verði allt komið í sama farið áður en við er litið. É dreg ekki í efa að allir þeir sem að björgunarstörfunum standa í dag, hvort það eru ráðherrar, alþingismenn eða embættismenn, eru að sinna sínum störfum af einlægni. Gallinn er bara sá að þeir eru enn að vinna eftir gömlu hugmyndafræðinni, þeirri sömu og kom okkur á kaldann klaka. Það þarf að breytast !

[Júlíus Björnsson, 26.1.2009 kl. 02:45]

Báðir stjórnarflokkarnir hafa undirgengist áætlun IMF sem kostar aðhald til að jafnvægi náist

Samkvæmt heimasíðu IMF byggir áætlun þeirra á ósk Íslendinga til að byggja upp trúverðugleika á íslensku krónunni og endurreisa íslenska fjármálageirann. Koma á eðlilegum lánaviðskiptum milli erlendra aðila og íslenskra út-og innflutnings fyrirtækja. Hvað aðhaldið varðar er útfærslan í höndum íslendinga og gengur vel. IMF  mun líta á stöðu mála í febrúar.