Heimsverðbólga í kjölfar lausafjárkreppu?

Nú eru prentvélar seðlabanka farnar að vinna á sólarhringsvöktum. Peningamagn eykst...en þó ekki í umferð. Vandinn er sá að peningar safnast fyrir í bönkunum og skila sér ekki til fólks og fyrirtækja.

Þegar vandinn loks leysist er hætta á að peningamagn verði mikið og þar með verðbólga og raunverðlækkun á helstu gjaldmiðlum heimsins (pappírspeningum). Rimbimbi-ið í Kína er þó undanskilið enda er það talið stórlega undirverðlagt. Það sem gerist hins vegar við hækkun á því er að verðlag á kínverskri framleiðslu hækkar en hingað til hefur kínversk framleiðsla haldið heimsverðbólgunni niðri. - Þetta fjallar Greenspan um í bókinni sinni "The age of turbulence".

Stærsta einstaka skrefið í þessa átt var stigið á dögunum þegar bandaríski seðlabankinn ákvað að "stækka efnahagsreikning sinn" um eina trilljón dala með því að kaupa skuldabréf. Þessi eina aðgerð dælir þúsund milljörðum dala inn í hagkerfið. Ekki er ólíklegt að Evrópubankinn svari á svipaðan hátt til að vernda ESB gagnvart BNA.

Athugasemdir

[Haraldur Haraldsson, 21.3.2009 kl. 12:11]

Það ber margt að varast/en mest er maður hissa á Formansframbjóðanda okkar að vilja ganga i ESB þetta kemur manni á óvart/Halli gamli