15,5%

Þegar verðbólgan var sem mest á Íslandi hefði verið hægt að rökstyðja 15,5% stýrivexti en núna þegar samdráttur er gríðarlegur er það furðulegt að stýrivöxtum sé enn haldið í tveggja stafa tölu.

Almennir vextir eru að sjálfsögðu hærri og má hér nefna nýju óverðtryggðu vexti Landsbankans sem eiga að vera með 1,5% álagi á stýrivexti Seðlabankans. Þeir eru þá 17% vextir og næst vaxtaákvarðannadagur verður í sumar. 

Mikið lá á að skipta út stjórn Seðlabankans og setja á nýja skipan peningamála. Til hvers?

Því er síðan haldið fram aftur og aftur að þetta sé stefna til að styrkja gengi krónunnar en í staðinn hefur krónan lagst á sóttarsæng og veikst stöðugt frá því.

Þann 28. febrúar var þetta haft eftir bankastjóranum:

"Brýnustu verkefni Seðlabanka Íslands nú snúa að styrkingu krónunnar og endurskipulagningar bankakerfisins." Þetta segir Norðmaðurinn Svein Harald Øygard, nýr bankastjóri Seðlabanka Íslands."

Síðan þá hefur krónan veikst um 13%. 

Athugasemdir

[Baldur Már Róbertsson, 10.4.2009 kl. 23:53]

Skrýtinn karl þessi kreppukarl, það var verið að ræða um seðlabankann. Að sjálfsögðu er það mjög viðkvæmt fyrir ykkur vinstri afturhaldseggi að tala um seðlabankann í dag. Þeir fylgja að mestu leyti eftir stefnu Davíðs sem ykkur fannst alröng fyrir ekki svo löngu síðan. Múturnar sem þú ert að minnast á eru þó til á pappírum, það er annað en greiðslurnar og frjáls afnot Kvennalistans (SF) af eigum baugs og þeirra fjölmiðlum. Það var aldrei gefin út nóta fyrir þeim viðskiptum.