Hreinskilinn Steingrímur

Steingrímur J. Sigfússon hefur byggt upp VG úr flokksbroti úr Alþýðubandalaginu upp í að vera einn þriggja stærstu flokka landsins. Þetta hefur honum tekist án þess að hafa verið í ríkisstjórn. Hann og VG hafa verið hreinskilinn flokkur og það má segja þeim til hróss að menn vita hvar þeir hafa VG.

Það er því furðulegt að horfa upp á hvernig Samfylkingin stillir VG vísvítandi upp við vegg í einu eldfimasta máli Íslandssögunnar.

Sú aðferð að stilla upp úrslitakostum eins og frambjóðendur Samfylkingar hafa gert er ekki til þess fallin að ná sátt um leiðir.

Ég tek ofan fyrir Steingrími fyrir hreinskilni og heiðarleg skoðanaskipti.

Elítan vill í ESB

Athugasemdir

[Haraldur Haraldsson, 26.4.2009 kl. 22:31]

Sko Eyþór einmitt þetta sem þú sagðir, um Steingrím ,án þessa að vera i  Ríkisstjórn !!!að ver án ábyrðar !!!er svona að fylgi eykst/Halli gamli

[Loftur Altice Þorsteinsson, 26.4.2009 kl. 23:10]

Það var flott hjá Steingrími að leggja Ástþóri lið, gegn því sem ég nefni frétta-mafíu. Þeir sem þurfa að kynna viðhorf sín rekast á vegg hjá fréttastofunum, nema þeir tilheyri elítu eða nomenklatura að Austur-Evrópskri fyrirmynd. Það eru Sossarnir sem hafa innleitt þessa rétthugsun, sem er á góðri leið með að verða okkar stærsta vandamál.

Á það má benda, að hin raunverulega barátta í kosningunum stóð á milli VG og Samfylkingarinnar. Barist var um ESB-aðild og VG sigraði, sem betur fer. Þessi barátta um Evrópu-stefnu á vinstri kantinum mun halda áfram en andstaðan við ESB hefur unnið afgerandi sigur. VG hefur enga raunverulega möguleika að svíkja kjósendur sína í þessu máli og forustumenn flokksins hafa marg-staðfest þetta.

[Stefanía, 27.4.2009 kl. 01:25]

Loftur... Ég get því miður ekki séð hvernig þú færð þá niðurstöðu að andstæðingar ESB hafi sigrað í þessum kosningum, hversu fegin sem ég vildi.

[Guðrún María Óskarsdóttir., 27.4.2009 kl. 01:40]

Sæll Eyþór.

Gaman að sjá þig i sjónvarpinu í umræðu fyrr í kvöld.

Steingrimur er maður að meiri fyrir að kannast við sannleikann um fjölmiðlaumhverfið og hið þrónga sjónarhorn og skoðanamótun sem hér hefur verið fyrir hendi í fjölmiðlaflórunni.

kv.Guðrún María.

[Jóhann F Kristjánsson (IP-tala skráð) 27.4.2009 kl. 08:49]

Í hreinskilni sagt...

Ljóst er að kominn er meirihluti fyrir aðildarumsókn að ESB á Alþingi.
Rétt um helmingur þjóðarinnar vill líka sækja um.
Allir eru á einn eða annan hátt sammála um að verði sótt um þá fari slíkur samningur til þjóðaratkvæðis.
Samþykki þjóðin aðild þá þarf að kjósa aftur til Alþingis en tímaramminn fyrir slíkt er
1-3 ár.
Felli þjóðin samninginn þá er jafn ljóst að engin ESB umræða mun verða á dagskrá a.m.k næstu 10 árin, ESB er að loka á stækkun.

Gríðarlega mikilvægt er að samhent stjórn hefji strax störf við að vinna á efnahagsvanda þjóðarinnar, engin bið má verða á þeirri vinnu.
Það er algjört ábyrgðarleysi ef menn  nýta ekki tæki lýðræðisins (þjóðaratkvæði) til að knýja fram niðurstöðu í þetta klofningsmál.
Okkur Sjálfstæðismönnum mistókst að ná innri samstöðu um ESB, menn geta svo dæmt um hve farsælt það varð. 

Íslendingar mega ekki við því að eyða meiri tíma og orku í sundurþykkju, þetta mál verður að klára.  

[Loftur Altice Þorsteinsson, 27.4.2009 kl. 11:37]

Þetta byggist á einföldum reikningi Stefanía. Samfylkingin fekk einungis 29,8% atkvæða, sem er rúmu prósentustigi minna en 2003 þegar flokkurinn fekk 31,0% aftkvæða. Málflutningi Samfylkingarinnar var því hafnað af kjósendum og 70,2% greiddu öðrum flokkum atkvæði sitt.

Allir vita að málflutningur Samfylkingarinnar snérist um inngöngu landsins í Evrópusambandið og EKKERT annað. Hins vegar er ljóst að Vinstri Grænir hafna algjörlega ESB-ruglinu. Þess vegna má færa rök fyrir því að á vinstri kanti stjórnmálanna hafi verið tekist hraustlega á um ESB-málið. Niðurstaðan varð stórsigur VG, en niðurlægjandi útkoma fyrir Samfylkinguna.

[Júlíus Björnsson, 27.4.2009 kl. 13:53]

70% þjóðarinnar á að ráða því hverning lið starfar hjá opinberum fréttastofum.

Ég tel ástæðuna vera þekkingarleysi og lága greind spyrla og stýrenda. Allavega eru þeir hlutdrægir og fordómafullir í framkomu.

Ég vil hlusta á skoðanir frambjóðenda til að mynda mínar eigin skoðanir: ég er ekki sauður að því leyti.

Það eru ekki allir sem hafa getu til að lesa heimspressuna á frummálunum.

Styrkur til gjaldgengra framboða á hverjum tíma á að vera tími í ódýrum Ríkisfjölmiðli þar öll framboð hafa sama tíma. Góður frambjóðandi með góða stefnu skilar meiru en jarmandi fylkinging já-manna.   Sumir taka lýðræðið alvarlega.

[Gunnar Th. Gunnarsson, 27.4.2009 kl. 15:34]

Er ekki nær að segja að hann hafi náð þessum árangri af því flokknum hefur lánast að vera EKKI í ríkisstjórn. Hann spilaði á það í kosningabaráttunni að flokkurinn bæri enga ábyrgð á ástandinu.

Annars var athyglisvert að heyra Ögmund Jónasson hóta því í lokaþætti kosningavöku RUV á sunnudag, að kalla til "búsáhaldabyltinguna" á ný, ef VG yrði ekki í næstu ríkisstjórn. Fáir virðast hafa tekið eftir því þegar hann skaut þessu inn í þættinum en með þessum orðum sínum viðurkenndi hann að VG hefði skipulagt þennan "óvinafögnuð"

[Ísleifur Gíslason, 27.4.2009 kl. 16:37]

Ætli Steingrímur sé búinn að hringja í Ástþór ???

[Stefanía, 28.4.2009 kl. 01:11]

Loftur...skil hvað þú átt við, en , mér þykir með ólíkindum að fólk skuli hegna Sjálfstæðisflokknum fyrir að vera ósýktir af  ESB  heilkenninu, en flykkjast um Vinstri græn fyrir það.

Þess vegna met ég svo, að það hafi annað legið að baki hruni flokksins.

Vona bara að Steingrímur verði fastur fyrir og láti ekki Samfylkinguna hafa sig útí þetta rugl, sem virðist, eins og þú segir, vera EINA stefnumál þeirra.

[Stefanía, 28.4.2009 kl. 01:15]

Dáðist líka að Steingrími fyrir að lýsa skoðun sinni og örugglega margra annarra á fréttaflutningi og umfjöllun um ESB .

Hefur verið vægast sagt skoðanamyndandi.

Það liggur við að maður fái samviskubit yfir að hafa ekki kosið kallinn ! 

[Loftur Altice Þorsteinsson, 28.4.2009 kl. 11:26]

Ég fullyrði Stefanía, að ef Sjálfstæðisflokkurinn hefði ekki verið trúr ESB-stefnu sinni, hefði fylgis-hrunið orðið mun meira.

Sjálfstæðisstefnan stendur eðlilega föstum fótum í flokknum og frávik frá henni væru svik, sem myndu kippa fótum undan tilveru flokksins. Þeir sem eru annarar skoðunar verða að leita til annara flokka. Þegar Þosteinn Pálsson kveður, verður haldin hátíð.