Fram og aftur blindgötuna?

Margt bendir til þess að við séum komin að krossgötum enda er fyrirsögn fréttar Bloomberg: "Iceland can´t wait for IMF"

Ekki er hægt að lesa skýra stefnu út úr viðtali við forsætisráðherra á Bloomerg en þó er ljóst að við erum á biðreit eða jafnvel á byrjunarreit.

Fróðlegt er að sjá hvernig forsætisráðherra kvíðir því að treysta á ríkisstjórnarflokkana í þinginu: 

“I would be concerned if parliament has to debate the Icesave matter again,” Sigurdardottir said. “Obviously, that would call for a majority with the coalition parties, as we can’t rely on the opposition.”

Þarna segir forsætisráðherra vera "concerned" (áhyggjufull) yfir því að þurfa að reiða sig á meirihluta ríkisstjórnarflokkanna. - Kannski er kominn tími á þjóðstjórn?

Athugasemdir

[S. Lúther Gestsson, 29.9.2009 kl. 12:34]

Miða við vandann sem blasir við og hefur verið viðloðandi síðastliðið ár þá finnst mér alveg stórfurðulegt að stjón og stjórnarandstaðan vilja ekki fara í neinar viðræður saman um hvernig hægt er að leysa mikilvægustu málin.

Það er eins og það sé bara algerlega bannað að fá hugmyndir til dæmis frá sjálfstæðis og Framsóknarflokknum eingöngu vegna þess að þessir tveir flokkar eru í stjórnarandstöðu.

Mitt mat er að í bæði Framsókn og Sjálfstæðisflokknum séu til hugmyndir um hvernig hægt er að byggja upp aftur, en út af því að reikulir námsmenn og uppgjafa húsmæður úr vesturbænum eyðilögðu pottana og sleifarnar sínar við Austurtvöll til að bola fyrrrum stjórn frá þá megi bara alls ekki tala við þá aftur og allar þeirra hugmyndir séu ónýtar.

Reyndar er það svo að fullt af fólki er farið að snúast hugur þessa daganna um að aðgerðirnar á Austurvelli hafi skilað því sem fólk hélt það myndi skila.

Einhvernveginn lítur dæmið þannig út fyrir mig ,en ég er auðvitað bara áhorfandi sem viðukenni að ég lít æði oft undan þessa dagana. Nema þegar KR er að spila.

[Predikarinn - Cacoethes scribendi , 29.9.2009 kl. 12:37]

Nei, þjóðstjórn er ekki málið. Það þarf að taka ákvarðanir sem skattahækkanaflokkarnir sósíalísku ráða ekki við og skilja ekki.

Þau hafa hvorki heyrt um Laffer kúrfuna né muna þau eftir því að þau sósíalistaúrræði sem þau nota helst, hafa öll mistekist hjá þeim um áratugina. Þau eru með gullfiskaminni eða þá að þau neita að líta á staðreyndir um hvað þessi svokölluðu úrræði þeirra gera af sér.

Það þarf að setja upp nýjar kosningar og mynda síðan stjórn með Sjálfstæðisflokknum auk eins annars flokks, sem getur bersýnilega ekki verið Samfylkingin (maður verður jú að læra af reynslunni ! )

[Jónas Egilsson, 29.9.2009 kl. 21:02]

Er ekki kominn f. löngu tími til að kasta þessum Icesave-samningum fyrir róða? Það er a.m.k. niðurstaða. Látum síðan Breta og Hollendinga sækja sín mál f. íslenskum dómstólum. E.t.v. springur ríkisstjórnin vegna þessa máls um helgina, þar sem forsætisráðherra hefur gefið Vg út vikuna til að styðja sig í þessu máli - nú duga sko engin undanskot.

Einn augljósasti akkelisarhæll þessarar ríkisstjórnar er að vera ekki samstíga í neinu - öðru en að hanga í stólunum. Nú á tímum málamiðlunarstjórnmála (gagngert við foringastjórnmál) þarf að semja um öll helstu mál - og jafnvel við stjórnarandstöðuna og stundum við þingm. utan kerfis (fyrrum Borgarahreyfingarinnar). E.t.v. verður heimilisleysi þremenninga hreyfingarinnar stjórninni til bjarnar - að þau fá e.k. dúsu f. stuðning þessa máls úr því sem komið er.

Hvað sem öðru líður hefur efnahagslífið ekki efni á að bíða endalaust eftir málamiðlunum. Fyrirtæki landsins eru á barmi peningaleysis vegna tafa (málamiðlana) milli sjtórnarflokkanna. Þá helst þau koma sér að niðurstöðu, þá er að hækka skatta, hægja á eða stöðva þá litlu vaxtarvonum sem til eru ennþá.

Vandamálið við þessa stjórn sem ætlaði að breyta svo miklu að hún hefur í engu breytt - síst vinnubrögðum og viðhorfum gagnvart stjórnarandstöðu, þ.m.t. þjóðstjórn. Þessi stjórn er að verða okkur það dýr að við höfum ekki efni á þessu lengur!

[Guðbjörn Guðbjörnsson, 30.9.2009 kl. 01:22]

Þjóðin þarf að átta sig betur á mistökum sínum í síðustu kosningum þegar hún kaus yfir sig þessa vinstri óstjórn! Þjóðin er því miður ekki búin að bíta úr nálinni með það og það mun því miður koma betur í ljós þegar líður á veturinn!

Það er ekki einungis stóriðjustopp framundan, heldur virðist stefna stjórnvalda vera tekin gegn atvinnulífinu í landinu í heild sinni og jafnvel launþegasamtökunum líka.

þetta mun hafa í för með sér enn meiri aukningu á atvinnuleysi og enn meiri niðurskurð á ríkisfjármálum vegna þess að tekjustofnarnir styrkjast ekki og útgjöldin munu aukast. Til að mæta þessu munu vinstri flokkarnir hækka skatta, sem minnka enn veltuna í þjóðfélaginu og þar með tekjur ríkisins. Þennan vítahring verður síðan erfitt að rjúfa.

Landflótti og eymd gætu orðið örlög okkar ef ekkert verður að gert á næstu mánuðum, því það er lífsspursmál að hér fari eitthvað að gerast í vetur!!!

[Ísleifur Gíslason, 30.9.2009 kl. 01:50]

Ég hef mestar áhyggjur af því að Jóka og skalla-Grímsi nái að berja sitt lið til hlýðni eins og sást þegar kosið var um ESB og Icesave fyrirvarana.

Lúther, ekki gleyma því að Sam-Spillingin var annar þeirra flokka sem 'búsáhaldabyltingin' hrakti frá völdum. Þessi sama Sam-Spilling hefur síðan notað sér valdagræðgi skalla-Grímsa og VG til að halda völdunum í sínum höndum.

ÁFRAM ÍSLAND
NEI við ESB  -  NEI við Icesave - NEI við AGS

Styðjum Samtök Fullveldissinna
http://www.fullvalda.is

http://fullvalda.blog.is/blog/fullvalda/