Hann á afmæli í dag

Reginald Kenneth Dwight, öðru nafni Elton John er sextugur í dag. (ESB er 50 ára og á því sama afmælisdag.) Elton John er þekktur fyrir að halda veglegar veislur og í dag verður haldið upp á afmælið í Madison Square garden. Skemmst er að minnast þegar Ólafur Ólafsson forstjóri Samskipa hélt upp á fimmtugs afmæli sitt, en þá fékk hann Elton John til að syngja.

Spurning dagsins er: Mun Ólafur mæta til NYC í dag, endurgjalda sönginn og taka lagið?

Push the button

Ísraelska lagið í Eurovision heitir "Push the button". Það hefur verið mjög umtalað og umdeilt, enda talið vísa beint til kjarnorkuáætlanna Írans og Ahmadinejad; ekki beint dæmigert Eurovision efni.    Hér er ensk útgáfa af viðlaginu:

The world is full of terror
If someone makes an error
He's gonna blow us up to biddy biddy kingdom come
There are some crazy rulers
They hide and try to fool us
With demonic, technologic willingness to harm
 
They're gonna push the button, push the button
Push the bu... push the bu... push the button
Push the button, push the button
Push the bu... push the bu... push the button

Hér er svo myndbandið á youtube:

http://www.youtube.com/watch?v=f_h_rLKTLvs

Eurovision-lag Ísraela fær að taka þátt í keppninni

Eiríkur rauði?

Marga rak í rogastans að sjá nýja myndbandið með ensku útgáfu evróvisjón framlags okkar. Rauða hárið hans Eiríks virðist vera horfið. Ég vona nú að það hafi frekar verið lýsingin í myndbandinu sem hafi valdið því, frekar en að Eiríkur hafi fórnað sínum fagra víkingalit. Mér finnst rautt hár fallegt, enda er Una mín með rautt og fallegt hár :)

Lagið kemur bara ágætlega út á ensku og myndefnið er ekta Ísland í upphafi árs; kalt, kraftmikið og kúl.

Pönk í 30 ár - Stranglers rokka

1977 - Árið sem Sex Pistols, Clash og Stranglers gáfu út sína fyrstu plötu. Árið sem pönkið fæddist. Pönkið kom þegar Bretland var sem þreyttast.  Ég man eftir þegar ég kom fyrst til London. Það var 1977. London var sót-skítug. Sósíalismi og uppgjöf einkenndu landið. Pönkið kom af krafti eins og frelsari. Það einkenndist af uppreisn, hávaða, einstaklingshyggju, umbúðaleysi, endurvinnslu eldri gilda og stöðnunar. Frelsi var lykilorð. Í næstu þingkosningum var Margaret Thatcher kosin forsætisráðherra, fyrst kvenna. Innkoma hennar var líka mikil bomba.

1977 - Árið sem pönkið kom til Íslands. Ég man vel þegar ég fékk Clash og Sex pistols vinyl plötur. Spilaði þær á lampagræjur, þó ég væri með háan hita. Þeyr, Purrkur, Tappinn, Fræbblar spruttu upp. Þeir sem ekki voru diskó voru pönk.  Hilmar Örn Agnarsson organisti og Tryggvi Þór Herbertsson prófessor þekkja pönkið af eigin raun..eins og svo margir aðrir. Það opnaði augu margra fyrir frelsinu. Fyrsta stóra "útrásin" var sprottin úr pönkinu; Sykurmolarnir og Björk.  

2007 - NASA - Reykjavík
Stranglers spila, en aðeins JJ Burnell er af upphaflegum meðlimum. Stemningin minnir á gamla tíma. Svartar drapperingar, svört föt, reykur og pönk. Nostalgían massív. Eru virkilega að verða 30 ár síðan við vorum sveitt í Laugardalshöllinni að hlusta á Stranglers? Takk bassaskáld fyrir að bjóða mér.