VG á villigötum

Vinstri-grænir hafa verið víðast hvar í minnihluta, en komust í meirihluta í Árborg rétt fyrir jól og hafa nú starfað í 12 vikur og er lærdómsríkt að fylgjast með fyrstu verkunum í meirihluta. Margir bjuggust við áherslum á umhverfismál, lágreista byggð og ókeypis leikskóla eins og lofað var í kosningabaráttunni. Það kom því mörgum á óvart að fyrsta verk þeirra í meirihluta var að loka leikskóladeild og segja upp starfsfólki. Með þessu tókst að endurvekja biðlista sem voru í útrýmingarhættu. Með þessu eru þeir jafn trúverðugir í dagvistarmálum og þeir urðu í umferðarmálum með aðeins einn landsfundarfulltrúa á hjóli.

Sennilega má búast við ýmsu ef þeir komast til valda í ríkisstjórn.

VG vill netlögreglu og eftirlit Jafnréttisstofu með öllum fyrirtækjum á Íslandi (sem borga svo brúsann)
VG vill stórhækka bensíngjöld og skattleggja bíla enn frekar

Ef þetta eru loforðin hvernig verða þá efndirnar?

VG í vinstri stjórn =  á villigötum 

Athugasemdir

[Ingibjörg Álfrós Björnsdóttir, 27.2.2007 kl. 23:25]

Sæll Eyþór. Ég er ekki sammála þér svona almennt, en auðvitað verður að reyna á það hvernig VG tekst á við raunveruleikann í stjórnarsamstarfi (hvernig sem það samstarf verður og við hvern ????). Ég er almennur félagi í VG og tel að stjórnmál eigi að vera niðri á jörðinni en ekki uppi í skýjunum. Er einnig að flytja til Árborgar þar sem ég ætla að vera nýtur þjóðfélagsþegn, skapa hagvöxt og borga skatta til samfélagsins. Þarf persónulega ekki á álveri að halda. Hlakka til að skiptast á skoðunum við þig og aðra.

[Eyþór Laxdal Arnalds, 27.2.2007 kl. 23:29]

Vertu velkomin Ingibjörg Elsa :)