Hlýnun jarðar: Sólinni að kenna?

Flestir eru sammála um að jörðin sé að hlýna. Gróðurhúsaáhrifin efast fæstir um, en Habibullo Abdussamatov yfirmaður geimrannsókna í St. Pétursborg telur þau hafa lítil áhrif. Þetta kom fram á vef National Geographic. Í staðinn skellir hann skuldinni á sólina sem hefur verið að hitna eilítið síðustu ár. Nú er það svo að sólin er misheit og gengur í 11 ára sveiflum sem gerir mælingar erfiðari. Rannsóknir á hita sólarinnar með gervitunglum eru rétt þrítugar svo við höfum ekki áræðanlegar tölur aftar en svo. Á þessum tíma hefur sólin verið að hitna um 0.05% á áratug, sem er ekki mikið í sjálfu sér, en ef þetta hefur verið í gangi í 100 ár, getur þetta haft veruleg áhrif. Orka sólarinnar er svo gríðarleg að dagsveifla sólarinnar getur verið á við heilsársorkunotkun mannkyns. Sólblettir hafa áhrif á hita jarðar, enda um miklar náttúruhamfarir að ræða. Habibullo Abdussamatov gengur svo langt að spá fyrir um kólnun á næstu 50 árum.

Það sem gerir þessa tilgátu forvitnilega er sú staðreynd að hlýnun á sér stað víðar í sólkerfinu en á jörðinni. Mars hefur hitnað síðustu ár, sömuleiðis tungl Neptúnusar og svo hafa miklir stormar geisað á Júpíter. Meira að segja Plútó sem er fjarst og minnst gömlu reikistjarnanna hefur hitnað á síðustu árum.
Hvað eiga Plútó, Jörðin, Mars og Tríton sameiginlegt? Jú allt tilheyrir þetta sólkerfinu og hefur hitnað undanfarið. Bílar og kolabrennslur eru aðeins á Jörðinni. Maðurinn hefur ekkert með hitnun á öðrum stöðum og því þarf að leita að samnefnaranum sem "ku" vera sólin.

Sannfærandi? Kannski. En flestir vísindamenn eru þó á öndverðum meiði og telja þetta röð tilviljanna sem eigi sér aðrar skýringar.

                     

NB: Kannski er vert að hafa það í huga að Rússland flytur út verulegt magn af olíu.

Athugasemdir

[Auðun Gíslason, 25.3.2007 kl. 00:31]

Er þetta ekki einhverskonar afneitun? Nei, ég bara spyr?

[Ragnar Bjarnason, 25.3.2007 kl. 00:33]

Misstirðu nokkuð af umræðunni um myndina "the great global warming swindle"?

[Magnús Jónsson, 25.3.2007 kl. 00:44]

rússar og kínverjar menga allra mest eins og stendur brúnkolabrensla hefur aldrei í sögu mankins verið jafn mikill og hún er í dag og í fyrnefndum löndum er mengun í hámarki alra tíma núna og enginn segir neitt bara eitthvart bull um að þú og ég eigum að menga minna til hvers ef rússar og kínverjar menga bara meira enn öll okkar minkun hver sem hún er ssvosem?

[Tryggvi H., 25.3.2007 kl. 00:52]

Sendi linkinn á google-videoið (the great global warming swindle ) á vinkonu mína sem er ritstjóri Journal of Polar Reasearch, sem sendi mér jafnharðan eftirfarandi:  http://www.realclimate.org/index.php/archives/2007/03/swindled/Sjá sérstaklega umræðuna sem skapast á síðunni .......

[Eyþór Laxdal Arnalds, 25.3.2007 kl. 00:57]

Þetta er heitt mál og bráðnauðsynlegt að það sé rætt hér frá öllum hliðum. Bloggið er besti vettvangurinn til þess - flott að fá linkana Tryggvi.

[Guðrún María Óskarsdóttir., 25.3.2007 kl. 01:53]

Sæll Eyþór.

Við sjáum nú þegar áhrif mannsins hvað varðar stórkostlega bílaeign per mann hér á höfuðborgarsvæði þar sem svifryk af völdum nagladekkja nær drepur okkur á góðviðrisdögum að vetri til. Það er dæmi um eitthvað sem við erum að reka okkur á , málið í viðara samhengi hvað varðar útblástursmengun ökutækja og áhrif með endalausri aukningu er ekki ýkja flókið.

kv.gmaria.

[Ómar Örn Hauksson, 25.3.2007 kl. 03:30]

Ég er eiginlega á því að það er verið að gera úlfalda úr mýflugu í þessu máli. Það eru hreinlega of miklir peningar í spilinu að ég geti tekið þetta of alvarlega. Gróðurhúsa áróður er gífurlegur iðnaður og það eru of margir að reyna halda sér í vinnu til þess að þeir sannfæri mig um að heimurinn sé að fara til fjandans.

Vill benda á þennan línk sem sýnir að margir hafa ekki hugmynd um hvað þeir eru að berjast fyrir.

Náttúruverndarsinnar skrifa undir tillögu um bann á vatni. 

[Ágúst H Bjarnason, 25.3.2007 kl. 08:28]

Sæll Eyþór.
Það vekur auðvitað áleitnar spurningar að svo virðist sem það hafi hlýnað víða í sólkerfinu á undanförnum áratugum.   Er mengun okkar mannanna svo gríðarleg að hún nái að hita aðrar plánetur?   Varla.

Gæti ástæðan verið sú að sólin hefur ekki verið eins virk í árþúsundir eins og rannsóknir Max Plank Institute benda til? Sjá:
MAX PLANK SOCIETY
The Sun is More Active Now than Over the Last 8000 Years
http://www.mpg.de/english/illustrationsDocumentation/documentation/pressReleases/2004/pressRelease20041028/genPDF.pdf
 
Er þetta kanski bara IPCC = Inter-Planetary Climate Change? 

Það eru reyndar ekki bara Rússar sem spáð hafa kólnun á næstu áratugum. Ýmsir fleiri hafa gert það. Sjá
Mun sólin kæla okkur svo um munar innan fárra ára?
http://agbjarn.blog.is/blog/agbjarn/entry/102970/

Hér eru áhugaverðar krækjur um það sem er að gerast í sólkerfinu:

MARS MELT HINTS AT SOLAR, NOT HUMAN CAUSE FOR WARMING, SCIENTIST SAYS
National Geographic News, 28 February 2007
http://news.nationalgeographic.com/news/2007/02/070228-mars-warming.html

SOLAR SYSTEM WARMING?
Strata Sphere, 6 March 2007
http://strata-sphere.com/blog/index.php/archives/3434

MIT RESEARCHER FINDS EVIDENCE OF GLOBAL WARMING ON NEPTUNE'S LARGEST MOON
MIT News Office, 24 June 1998
http://web.mit.edu/newsoffice/1998/triton.html

NEW STORM ON JUPITER HINTS AT CLIMATE CHANGE
USA Today, 4 May 2006
http://www.usatoday.com/tech/science/space/2006-05-04-jupiter-jr-spot_x.htm?POE=TECISVA

GLOBAL CLIMATE CHANGE ON JUPITER
Nature 428, 828-831 (22 April 2004) | doi:10.1038/nature http://www.nature.com/nature/journal/v428/n6985/abs/nature02470.html

GLOBAL WARMING ON PLUTO PUZZLES SCIENTISTS
Space.com, 9 October 2002
http://www.space.com/scienceastronomy/pluto_warming_021009.html

PLUTO THOUGHT TO BE WARMING UP
ABC News, 26 July 2006
http://www.abc.net.au/news/newsitems/200607/s1697309.htm

MARS COMING OUT OF AN ICE AGE'
JPL/NASA, 8 December 2003
http://mars.jpl.nasa.gov/odyssey/newsroom/pressreleases/20031208a.html

Umfjöllun um myndina The Great Global Warming Swindle, sem sýnd var fyrir skömmu á Channel-4 í Bretlandi er hér 

Bestu kveðjur

Ágúst

[Sverrir S. Sverrisson, 25.3.2007 kl. 11:02]

Sammála honum Kristni hér fyrir ofan. Ég vona bara að þessi mynd "the great global warming swindle" opni augun á almenningi og kröfur verði gerðar til stjórnmálamanna að peningar innan umhverfismála verði nýttir í eitthvað skynsamlegra en rannsóknir á hlýnun lofthjúpsins.

Aukin iðnaðarstarfsemi í heiminum hefur jú áhrif á margt annað. Má þar nefna menguð vatnsból, ár og jarðvegi sem standa í námunda við ýmsa mengunarvalda.  Ég tel sterkari líkur á því að ég drepist út af menguðu drykkjarvatni einhver staðar í heiminum heldur en að drukkna vegna bráðins íss frá Grænlandi.

Gott mál að augu almennings eru  opnari fyrir  umhverfismálum í dag,  það þarf bara að beina athyglinni á rétt málefni innan þessa málaflokks.