Nafnabrengl hjá Frjálslyndum og Íslandshreyfingunni?

Kosningarnar verða spennandi í vor og geta mögulega oltið á útkomu nýrra framboða. Þegar áherslur F og Í lista eru skoðaðar, er ekki laust við að það hvarfli að mér að nafnabrengl hafi átt sér stað. Frjálslyndi flokkurinn er að minnsta kosti ekki mjög frjálslyndur í garð innflytjenda, enda ljóst að þar vilja menn hefta "frjálst flæði vinnuafls". Sumir frambjóðendur Frjálslynda flokksins  kalla eftir Íslandi fyrir Íslendinga. Er Íslandshreyfingin ekki ágætis nafn fyrir slíka stefnu?

Íslandshreyfingin vill stopp á stóriðju, en að öðru leyti virðist hún vilja hóflega skattheimtu og einfalt stjórnkerfi, sem í eðli sínu er tiltölulega frjálslynd stefna.

Kannski menn ættu að skipta?

 

Athugasemdir

[Þorsteinn Siglaugsson, 7.4.2007 kl. 12:58]

Var það ekki það sem gerðist? Þeir frjálslyndu gengu úr FF (les SS kannski?). Hinir sátu eftir og héldu nafninu. En átti ekki annars Sverrir nafnið?