Hjörleifur vill Ómar burt - Jón Baldvin ekki með

 

Hjörleifur Guttormsson frambjóðandi VG í Reykjavík hvetur Ómar Ragnarsson til að draga framboð sitt til baka. Sennilega vill VG "eiga" græn mál og telja ólíklegt að Sjálfstæðisflokkurinn dragi sig í hlé. Ekki er ég viss um að VG uppskeri mikið með þessum málflutningi, enda þvert á fyrri yfirlýsingar þegar forysta VG fagnaði framboði Ómars og félaga. Katrín Jakobsdóttir sagðist "fagna komu annars framboðs sem leggur áherslu á umhverfismál."

- Nú kveður við annan tón.

Fréttir um að Jón Baldvin Hannibalsson fyrrum formaður Alþýðuflokksins verði í framboði á vegum Íslandshreyfingarinnar hafa verið áberandi að undanförnu. Voru reyndar á forsíðu Blaðsins fyrir skemmstu. Nú hefur Ómar Ragnarsson formaður Íslandshreyfingarinnar hins vegar staðfest að ekkert verði af því að Jón Baldvin verði með á lista. Vissulega hefði verið fróðlegt að sjá Jón Baldvin í þessari rimmu sem framundan er, en fyrrum félagi hans Jón Sigurðsson hefur verið áberandi í málefnastarfi Samfylkingarinnar (áður en málefnastarfið hefst á landsfundi).

Hvað segir Jón Baldvin?

Athugasemdir

[Ragnhildur Jónsdóttir, 13.4.2007 kl. 11:07]

Er þetta ekki bara dæmigerður kosningaskjálfti í fréttum og skrifum frá flestum flokkum? Hræðsluáróður.

Auðvitað er Íslandshreyfinging komin til að vera og vill vel vanda sem lengi á að standa. Fylgist með á næstunni, það er spennandi kosningabarátta í gangi þetta vorið.

[Ólafur Als, 13.4.2007 kl. 11:19]

Fyrstu góðu fréttirnar fyrir Íslandshreyfinguna að Jón Baldvin skuli ekki koma um borð, verð ég að segja.

[Ásdís Sigurðardóttir, 13.4.2007 kl. 12:19]

Segi eins og Ólafur, fyrstu góðu fréttirnar, ég bara nenni ekki Jóni B. lengur í stjórnmálum, hans tími er einfaldlega liðinn

[Margrét St Hafsteinsdóttir, 13.4.2007 kl. 15:01]

Er með pistla á blogginu mínu um hvað ég og fleiri erum að hugsa um hin ýmsu þjóðmál. Ég er ekki ákveðin hvaða flokk ég kýs. Endilega kíktu við

[Jens Guð, 14.4.2007 kl. 01:17]

  Hjörleifur hefur alltaf verið dálítið "á skjön".  Hann er af gamla skólanum og áttar sig ekki á hugsunarhætti unga fólksins.  Mér þótti afstaða Katrínar flott held eða vona að hennar túlkun spegli viðhorf hennar kynslóðar:  Að baráttumálin skipti meira máli en þröngir flokkshagsmunir.

  Ég er kominn á sextugsaldri.  Man þá tíma þegar fólk fæddist inn í stjórnmálaflokka  og fylgdi flokknum gagnrýnislaust eins og um trúarbrögð væri að ræða.  Sjálfur hef ég kosið flesta stjórnmálaflokka aðra en Framsókn.  Verið flokksbundinn í allt frá Sjálfstæðisflokknum til Kommúnistasamtaka marx-lenínista.  Er núna í Frjálslynda flokknum.  Fyrst og fremst vegna andstöðu minnar við kvótakerfið en alls ekki vegna áherslna í málefnum útlendinga.

  Mér virðist sem Íslandshreyfingin sé andvana fædd eins og framboð aldraðra.   

[Gunnar Ásgeir Gunnarsson, 14.4.2007 kl. 11:14]

Hann er skrítin fugl hann Hjörlefur.  Ég hugsa að engin maður í Íslandssögunni hafi valdið þjóðinni jafn miklu tjóni og hann. það var skelfilegur timi þegar hann var iðnaðrráðherra og orðspor íslendinga og trúverðugleiki á alþjóðavettvangi tók áratug að jafna sig, Bullið var þvílíkt.  Eitt má þó segja um hann umfram marga aðra: hann er trúr bullinu í sér