Ólíkt lítum við Ísland

Ingibjörg Sólrún leit vel út á sviðinu í Egilshöll. Hún er sterk baráttukona sem hefur unnið stóra pólítíska sigra og það ber að virða. En það er engu líkara en formaður Samfylkingarinnar sé að lýsa öðru Íslandi en staðreyndir lýsa. Allt er sagt hér farið á versta veg og efnahagur fólks í rúst. Þegar illa árar virkar svona málatilbúnaður vel, en í dag hljómar hann holur. Að sjálfsögðu er alltaf hægt að gera betur, ekki síst við þá hópa sem minnst mega sín. Þar er verk að vinna og hverjum treystum við best til þess? Það sem hefur gerst á síðustu árum verður samt varla kallað annað en undur. Þjóðartekjur á mann eru með því allra hæsta í heiminum. Misskipting er með því minnsta sem þekkist. Sókn er á öllum sviðum eins og Geir H. Haarde lýsti vel í setningarræðu sinni á fimmtudag.

Össur Skarphéðinsson fyrrum formaður Samfylkingar var með svipaðan boðskap fyrir átta árum síðan en þá voru fleyg orð hans um "tifandi tímasprengju". Síðustu átta ár voru svo bestu hagvaxtarár Íslandssögunnar þegar saman hefur farið stóraukinn kaupmáttur, aukinn hagnaður fyrirtækja, auknar eignir heimilanna og lágmarks atvinnuleysi. Auðvitað þurfum við að fara varlega þegar mikil þensla er, en gleymum því ekki að þensla er vöxtur tekna, eigna, starfa og þjóðarbúss.
Margir myndu öfunda okkur af okkar vandamálum.

Höfum trú á fólkinu sem stjórnar fyrirtækjunum. Höfum trú á heimilunum. Höfum trú á framtíð Íslands.

Athugasemdir

[Ólafur Als, 14.4.2007 kl. 11:04]

Baráttukveðjur frá Danmörku - höfum samt í huga hæla okkur ekki um of, enda eins og þú víkur að er verk að vinna nú sem fyrr. Látum öðrum eftir sjálfhverft hól og undirbúum sterka en jafnframt auðmjúka bónleið að kjósendum. Virkar betur en margan grunar að átta sig á að hlutverk stjórnmálamanna er að þjóna borgurunum!

[Gylfi Björgvinsson, 14.4.2007 kl. 12:33]

Gleymdir  einu  Eyþór !  HÖFUM  TRÚ  Á  AÐ NÚVERANDI  STJÓRN  SITJI  ÁFRAM

[Sigfús Sigurþórsson., 14.4.2007 kl. 15:34]

Er þetta ekki aldagömul aðferð allra flokka, að níða hina flokkana en upphefja sjálfan sig?

[Grímur Kjartansson, 14.4.2007 kl. 17:20]

Ég held að ISG hafi enn eina ferðina skotið sjálfan sig í fótinn með því að halda því fram að íslensk heimili sem eru að borga 500.000 kr MEIRA að meðaltali í lánakostnað árið 2007 en 2006.

[Árni Gunnarsson, 14.4.2007 kl. 22:36]

Var fálkinn grænn???

[Árni Gunnarsson, 14.4.2007 kl. 22:36]

Var fálkinn grænn???

[Guðmundur Örn Jónsson, 15.4.2007 kl. 00:53]

Það er mikið til í því að ástand mála hér á landi sé harla gott, enda hafa Íslendingar það að meðaltali mjög gott, meðaltekjur aldrei verið hærri og kaupmáttaraukning er svo og svo mörgum prósentum meiri nú en áður.

En það er þetta með meðaltalið sem er svo hættulegt því það eru allnokkrir sem hafa það mjög slæmt, hafa lent á milli skips og bryggju í kerfinu og eiga ekki möguleika á því að laga stöðu sína. Þetta þekki ég mjög vel úr preststarfinu. Þarna geta margar ástæður legið að baki, en það breytir ekki því að þetta fólk er útundar og skilur ekki umræðuna um að Íslendingar hafi það svo miklu betra nú en áður. Síðan er það þetta með prósentutölurnar, þær segja okkur ekki nokkurn skapaðan hlut í raun og veru. Dæmi: dómarar í fótbolta fengu 100% hækkun á launum sínum fyrir hvern leik. Þeir hækkuðu úr, að mig minnir, 7500 í 15000 kr. Greiðslur til öryrkja hafa hækkað um fjöldamörg prósent á kjörtímabilinu, en ætli sú hækkun sé eitthvað sambærileg við t.d. 7% hækkun á ráðherralaunum?

[Birgir Guðjónsson, 15.4.2007 kl. 01:07]

Eyþór,

Ég er ekki sammála þér Að IBS hafi litið vel út á sviðinu í Egilshöll. Að vísu hefur þú lesið færslu mína um þetta málefni en ef einhver vill fræðast betur !!!

 http://havagogn.blog.is/blog/havagogn/entry/177466/

[Glanni (IP-tala skráð) 15.4.2007 kl. 15:34]

Þessi "vandamál" sem fólk lýsir eru enginn vandamál heldur verkefni. Það mætti kannski í versta falli kalla þessi verkefni "lúxusvandamál"