Farsímar að drepa býflugurnar?

Albert Einstein sagði eitt sinn að ef býflugurnar hyrfu hefði mannkynið fjögur ár ólifuð. Hvers vegna? Jú vegna þess að býflugur Apis mellifera eru nauðsynlegar við frjóvgun fjölmargra plantna.

"If the bee disappeared off the surface of the globe then man would only have four years of life left. No more bees, no more pollination, no more plants, no more animals, no more man." 

Að undanförnu hefur borið á því í Bandaríkjunum og eitthvað í Evrópu að býflugur yfirgefi bú sín og skilji drottninguna eina eftir. Í Pennsylvaníu hefur einn býflugnabóndi misst 992 bú af 1.000 án viðhlýtandi skýringa. Í nágrenni London hefur einn býflugnabóndi misst 23 af 40 búum án þess að menn hafi skýringar á því. Nú hefur rannsókn í Landau háskólanum í Þýskalandi gefið til kynna að samhengi geti verið milli notkun farsíma og þess að býflugur hverfi frá búum sínum. Frá þessu er sagt í Independent í dag. Meira þarf að skoða málið til að sannreyna eða afsanna þessa tilgátu, en hún hefur vakið athygli, enda skelfilegt ef satt reynist. Aðrar kenningar eru uppi um brotthvarf býflugnanna eins og á tilgátuvefnum truth.org en farsímatilgátan er óvæntust.

Líkleglegast er þó að lífið haldi áfram, en þessi frétt minnir okkur á hvað margar minnstu lífverurnar eru okkur mikilvægar.   

 

Athugasemdir

[Agný, 15.4.2007 kl. 21:35]

Það er líka hægt að nota farsíma til fleiri hluta en bara það sem framleiðandinn segir......ÞARFTU AÐ SJÓÐA EGG?  NOTAÐU ÞÁ FARSÍMANN ÞINN... http://agny.blog.is/blog/agny/entry/96654ef þessar örbylgjur geta full soðið egg  á  65 min...þá  er nokkuð ljóst að örbylgjur er ekki að fara vel með neitt ..þessvegna að "steikja" heilabúið í okkur.....En í sambandi við hvarf býflugna þá tel ég erfðabreyttar /GMO nytjaplöntur líklegri orsakavald en farsímanotkun.

[Sigurpáll Björnsson, 15.4.2007 kl. 21:36]

I wouldn't know about the bees, en árans Moskítóflugurnar mættu hverfa....:)

[Jens Guð, 15.4.2007 kl. 21:41]

Ég bloggaði um þetta 12. mars.  Vitnaði þar í skordýrafræðing sem hafði engar áhyggjur.  Sagði að nóg væri af öðrum flugum og skordýrum til að hlaupa í skarðið fyrir býflugurnar og frjóvga blessuð blómin.  Hinu átta ég mig ekki á því hvers vegna bannað er að flytja inn til Nígeríu lifandi blóm,  gerviblóm,  ljósmyndir af blómum og málverk af blómum.   

[Þórir Kjartansson, 15.4.2007 kl. 22:53]

Það er eins gott að gæta fyllstu varúðar í umgengni okkar við náttúruna. Engin keðja er sterkari en veikasti hlekkurinn.

[Guðrún María Óskarsdóttir., 16.4.2007 kl. 00:39]

Sæll Eyþór.

Áhrif farsímanna eru án efa meiri en við höfum hugmynd um enn sem komið er .

kv.gmaria.

[Agný, 16.4.2007 kl. 01:38]

Við vitum slatta um farsímana..Þ.e. óhollustu en hagsmunir framleiðendanna vega venjulega þyngra í pyngju  þeirra en hagsmunir hins almenna borgara..

[Tryggvi H., 16.4.2007 kl. 10:48]

"Líkleglegast er þó að lífið haldi áfram", þvílík bjartsýni, farsímar byrja á því að valda erfðafræðilegri lengingu á þumal- og vísifingri því næst deyja býflugurnar út og svo sitjum við uppi blómlaus með langa þumal- og vísifingra

sé enga ástæðu til þess að lífið haldi áfram eftir það

[Gunnar Sigurðsson (IP-tala skráð) 16.4.2007 kl. 15:23]

Takk fyrir Landsfundinn. Dúndur stuð. Ég hef ekki fundið fyrir hungangssímavandamál, alltaf þegar ég smyr mig með drottningarhunangi og ætla mér að eiga huggulega stund með mér þá einhvernveginn æxlast mál þannig að mamma hringir í mig. Geta vísindamenn ekki fundið leið til að láta Vatnabuffla krema hunangi, það yrði mun mun skemmtilegra heldur en þessir fljúgandi almenningsvagnar

[halkatla, 16.4.2007 kl. 16:17]

mjög athyglisvert... thanx

[Ísdrottningin, 16.4.2007 kl. 18:02]

Ég held að það sé ansi margt sem við mennirnir höfum ósköp lítinn skilning á.  Og eftir því sem við vitum meira komumst við betur og betur að því hversu lítið við í raun vitum.

[Sigfús Sigurþórsson., 16.4.2007 kl. 19:58]

Ætli skipti máli hvaða farsímafyrirtæki maður er hjá?