Heitt vatn og eldur í höfuðborginni síðasta vetrardag

Það á ekki af henni Reykjavík að ganga í dag. Fyrst er það stórbruni einhverra elstu húsa í miðborginni og nú gefur sig stór heitavatnslögn. Vilhjálmur Þ. Vilhjálmsson tók sig vel út í dag þar sem hann fylgdist með brunanum í miðborginni, en það er ekki ein báran stök og nú hefur heita vatnið verið tekið af hluta 101 Reykjavík.

Eitt er ljóst að húsbruninn skilur eftir sig óbætanlegt tjón í hjarta höfuðborgarinnar.

Athugasemdir

[Gylfi Björgvinsson, 18.4.2007 kl. 23:14]

Já Eyþór  ég  var á ferðinni þarna  áðan og  þvílíkt  vatnsmagn  það  rann  UPP Laugaveginn ótrúlegt  enn satt. Enn hvað  vill  fólk  sjá  í  stað  þessara húsa  sem  brunnu í  dag? eru þau  annars  ekki bæði ónýt.

[Guðrún María Óskarsdóttir., 19.4.2007 kl. 01:15]

Já þetta er sérkennilegur dagur í 101 Reykjavík svo mikið er víst.

kv.gmaria.

[Herdís Sigurjónsdóttir, 19.4.2007 kl. 10:47]

Já tek undir það, hálf nöturlegur síðasti vetrardagur í miðborginni.

En nú er sumardagurinn fyrsti runninn upp bjartur og fagur a.m.k. hér í Mosfellsbænum og óska ég þér gleðilegs sumars.