Fleiri telja sig hafa það betra

UM 60% TELJA AFKOMU SÍNA BETRI NÚ EN FYRIR FJÓRUM ÁRUM

Það eru merkilegar niðurstöður könnunar Capacent sem kynnt var í gær. Þar var spurt hvort fólk teldi afkomu sína betri núna en fyrir fjórum árum. Alls sögðu um 60% að afkoman hefði batnað undanfarin fjögur ár og aðeins 10% segja að afkoma sín hafi versnað á þessu tímabili.

Þetta skiptir máli í kosningunum.

Frægt er þegar Ronald Reagan spurði kjósendur hvort þeir hefðu það betra eða verra fyrir fjórum árum. Flestir kjósendur töldu sig ekki hafa bætt kjör og Reagan vann stórsigur.

Svipaðan leik lék svo Thatcher með innkaupakörfunni og sýndi hvernig verðbólgan át upp matarkörfuna.

Stjórnarandstaðan getur seint fetað í þessi fótspor sigurvegaranna.
Í dag getur stjórnarandstaðan haldið fram ýmsu, en almennt tekur fólkið í landinu sig hafa það betra.

Er það ekki það sem mestu máli skiptir?

Athugasemdir

[Elías Theódórsson, 21.4.2007 kl. 22:15]

Afkoman hefur vissulega batnað hjá flestum. En hvað með frelsið. Tryggja þarf Íslendingum frelsi til orða og athafna. Enn eru börn skyldug til að vistast á uppeldisstofnunum (skólum) í allt að 36 tíma á viku! 10 mánuði ársins. Foreldrar hafa ekki raunverulegt frelsi til að ala upp sín börn frá 9 mánaða aldri, nema þau séu fjársterk.

[Guðmundur Örn Jónsson, 21.4.2007 kl. 23:00]

Það er athyglisvert að í þessari könnun kemur líka fram að þeir sem lægstu tekjurnar hafa telja sig ekki hafa það betra (jafnvel verr) en fyrir fjórum árum. Það er staðreynd að þeir tekjulægstu hafa orðið útundan og ekki komist ofarlega á forgangslista ríkisstjórnarinnar, enda hafa ráðherrar viðurkennt það og sagt að þessir séu næstir í forgangsröðinni. Þeir fyrstu í röðinni voru hinir forríku, síðan komu þeir ríku, loks millistéttin og síðan hinir fátæku. Það þarf auðvitað að passa uppá að hinir lægst launuðu fái ekki sitt strax, annars fer allt í bál og brand.

[Auðun Gíslason, 21.4.2007 kl. 23:37]

Eyþór minn! Ef ég væri Sjálfstæðismaður væri ég ekki ánægður með niðurstöður þessarar könnunar. Það hlýtur að skera í hjartað hve margir þeir eru sem telja að lífskjör sín hafi ekki batnað og reyndar versnað á kjörtímabilinu, nema að manni sé þá bara hreint alveg sama. Það er ekki leiðin að lausn vandamála að afneita þeim eða draga úr. Þetta hefur forysta og aðalhugmyndafræðingur flokksins gert. Þó kaupmáttur hafi aukist að einhverju meðaltali, er fátækt og hrein örbirgð og umkomuleysi mjög útbreidd á Íslandi. Ef meirihlutinn hefur það gott og minnhlutinn skítt, er þá ekki verið að skemmta skrattanum með því að segja, að allir hafi það að meðaltali gott? Þú veist, jafnvel og ég, að það er rugl!

[Anna Benkovic Mikaelsdóttir, 22.4.2007 kl. 00:50]

Ég er ekki með á nótunum!???

[Guðrún María Óskarsdóttir., 22.4.2007 kl. 02:24]

Sæll Eyþór.

Þótt þessi könnun sýni þetta, breytir það ekki þeirri staðreynd að allt of margir hafa það allt of slæmt í voru samfélagi, komast varla af af bótum svo sem fullorðið fólk eftir sitt lífsstarf sem er þyngra en tárum taki að horfa á.

kv.gmaria.

[Jóhann H., 22.4.2007 kl. 02:27]

Þú hlýtur að hafa það skítt...sbr. væntingar f. síðustu sveitarstjórnarkosningar...

[Presturinn, 22.4.2007 kl. 11:55]

Ekki gleyma því Eyþór að 70% þeirra sem kusu Sjálfstæðisflokkinn töldu sig hafa það betra. Ef þetta eru ekki rök með því að kjósa Sjálfstæðisflokkinn þá veit ég ekki hvað. . .