Samfylkingin eyðir meiru...

Sem betur fer er nú farið hlutlaust yfir kostnaðartölurnar. Sú goðsögn hefur verið viðloðandi að Sjálfstæðisflokkurinn eyði mestu í auglýsingar, en tölurnar sýna að það er Samfylkingin.

Marga grunar að Samfylkingin sé einna líklegust til að eyða peningum, ekki síst eftir kosningar, enda muna margir hvernig skuldastaða Reykjavíkur versnaði með R-listanum þegar Samfylkingin réð. Í Árborg eru auglýsingar Samfylkingar víða og sýnist mér að þar sé eytt mestu af framboðunum.

Framsókn var síðan höfð fyrir rangri sök í nokkra daga, en nú er "sökudólgurinn" kominn fram: Samfylkingin er auglýsingakóngurinn í dag.

Framsókn auglýsir talsvert og vakti ein athygli mína í dag:

"Soðin skinka spilar á Kaffi kind, enginn verður svangur nóg á grillinu"

Ætli þeir grilli nokkuð kindaskinku?

Capacent: Auglýsingakostnaður Framsóknarflokksins ofreiknaður

Athugasemdir

[Auðun Gíslason, 5.5.2007 kl. 19:13]

Sjálfstæðisflokknum gengur alltaf best þegar minnst ber á honum. Hvernig skyldi standa á því?

[Tryggvi H., 5.5.2007 kl. 20:00]

Sagði mér "í gamni" fyrrum framámaður í félagi lýðræðissinnaðra stúdenta, að ef þú safnar liði til þess að berja einhvern, færi betur á því að hringja í þá sem þú þekkir. Betra en að auglýsa í DV.

[Kristján Pétursson, 5.5.2007 kl. 20:51]

Samfylkingin er innan þess kosnaðarramma,sem ákveðinn var.Hefur það eitthvað að gera með skuldastöðu Reykjav.Óttalegt bull er þetta.Það er hins vegar athyglisvert,hvað þið hælið Framsóknarfl.meðan þið eruð að innbyrða kjósendur þeirra.Þetta er gamalkunn aðferð,sem ætlar að reynast ykkur afar vel eins og í Suðvestur kjördæmi,þar sem nær helmingur þeirra sem kusu framsókn 2003 ætla nú samk.skoðakönnun að kjós íhaldið.

[Pálmi Gunnarsson, 5.5.2007 kl. 21:54]

Það er eðlilegt að Sjálfstæðisflokknum gangi best þegar minnst ber á honum - af hverju? Þetta verður gáta vikunnar.

Og félagi Eyþór ,,,  er goðsögnin um eyðslu Sjálfstæðismanna ekki bara röng eins og allar aðrar goðsagnir um Sjálfstæðisflokkinn ??

[Ólafur Örn Gunnarsson, 5.5.2007 kl. 23:06]

Það virðist að þynningarsvæði Litla Hrauns nái yfir Árborg og til Vestmannaeyjar og þegar þú sleppir faðmlögum við næsta ljósastaur lestu þá smá sagnfræði um frumkvöðul kjðt og smjörfjalla og byrtu svo aftur myndina af Ólafi Ragnari og Steingrími.Vísa til ævisögu Ingólfs á Hellu.

[Sigurjón, 7.5.2007 kl. 12:46]

Ólafur:  Það er alger óþarfi að vera með svona persónulegar blammeringar!

Þessi umræða snýzt um tölur sem virt fyrirtæki gaf út og sýnir að Sf. eyði mestu í auglýsingar.  Punktur og basta!