Frítt í sund fyrir börn - eykur tekjur sundstaða

Hollywood hefur komist að þeim stórasannleik að börnum fylgja fullorðnir. Myndir á borð við Jaws og Taxi Driver hafa vikið fyrir barna- og fjölskyldumyndum eins og Harry Potter og Madagaskar. Aðsókn að kvikmyndahúsum byggist æ meir á slíkum myndum.

Sú leið að hafa frítt fyrir yngstu kynslóðina eykur á sama hátt aðsókn fullorðinna. Þau bæjarfélög sem hafa tekið upp á að bjóða frítt fyrir börn hafa séð þessa þróun.

Bæjarfulltrúar D-listans í Árborg lögðu fram ýmsar tillögur á síðasta bæjarstjórnarfundi. Ein þeirra var um frían aðgang fyrir börn og unglinga undir 16 ára aldri. Tillagan var felld af V, S og B lista. Skýringin var sú að "Miðað við þá aðstöðu sem nú er í Sundhöll Selfoss getur orkað tvímælis að fara í aðgerðir til að auka aðsókn að Sundhöllinni" Jú og mikið rétt V, S og B listi samþykkti nýverið 4% hækkun í sund. Sjálfsagt til að tempra aðgang. Kannski væri ráð að lengja opnunartímann...

Ætli við verðum ekki bara að leggja tillöguna aftur fram þangað til hún fer í gegn?

Athugasemdir

[Steinþór Ásgeirsson, 15.4.2008 kl. 12:27]

Ein rökin fyrir því að veita frítt í sund er að hjálpa fólki með að komast í tiltölulega ódýra og holla afþreyingu.

Ekki veitir af á þessu síðustu og verstu

[Sigurbjörn Friðriksson, 15.4.2008 kl. 12:58]

Mikið er ég hjartanlega sammála þessari tillögu D listans.  Sjálfur er ég Reykvíkingur og hef sótt sundlaugar frá því ég var 7 ára og sótti Sundhöllina og Laugardalslaugarnar gömlu.  Sund er mjög fyrirbyggjandi varðandi heilsubrest.  Við þurfum bara að skoða það fólk sem fer nánast daglega í sund, sérstaklega er það áberandi hve eldri borgarar líta betur út sem sækja laugarnar.

Þessi rök V, S og B eru þau aulalegustu sem ég hef heyrt.  Þetta er sú heilnæmasta "íþrótt" sem hægt er að stunda sumar jafnt sem vetur.  Einnig bætir þetta félagslega þáttinn hjá mörgum að spjalla í heitu pottunum og kynnast fólki.

Með því að hafa frítt fyrir börnin, erum við að venja þau á að stunda heilnæmar íþróttir.

[Haraldur Haraldsson, 15.4.2008 kl. 18:21]

þetta er gott mál/en þetta mál hjá Guðlaugi Þór Ráðherra,að láta börnin fá frítt á heilsugæsluna i Rvik,og láta aldraða og öryrkja ekki njóta þessa,var ekki eins góð/Halli gamli

[Eyþór Laxdal Arnalds, 15.4.2008 kl. 20:41]

Mikið rétt með forvarnarþáttinn Sigurbjörn og Steinþór

- Halli: Þessi breyting er einmitt þannig að ekki flytst kostnaður á aðra. Ætti að vera "win-win"

góður punktur Guðlaug! 

[Brjánn Guðjónsson, 16.4.2008 kl. 01:07]

en samt absúrd að rukka fullorðinn um fullt gjald í bíó, á barnamynd, meðan börnin greiða hálft þegar viðkomadi er einungis fylgdarmaður og myndin ekki einu sinni að höfða til hans. hann kannski dottandi eða að skoða símann sinn allan tímann.