Samstaða um Suðurlandsveg

Það er ekki rétt að sveitarfélögin á Suðurlandi séu beinlínis að tefja málið. Hitt er rétt að það þarf að hraða umhverfismati og öðrum þáttum eins og kostur er á.

Það er aðeins stutt síðan að ákveðið var að fara í 2+2. Áður hafði ríkisvaldið og Vegagerðin haldið sig við 2+1 og samstaða var ekki næg um tvöföldun.

Tuttugu og sexþúsund skrifuðu svo undir áskorun á þingið fyrir jólin 2006 sem við Hannes Kristmundsson afhentum ásamt sveitarstjórnarmönnum á Suðurlandi og í kjölfarið var svo ákveðið að ráðast í 2+2 veg milli Selfoss og Reykjavíkur.

Ekkert mál skiptir Sunnlendinga eins miklu máli og bættar samgöngur um Suðurlandsveg. Allar tafir eru ólíðandi og vonandi verður ráðist í framkvæmdir á kaflanum milli Hveragerðis og Selfoss eins fljótt og verða má.

Lausnin felst þó ekki í að benda á hvern annan heldur að leysa þau mál sem óleyst eru.

Sveitarfélög tefja vegabætur

Athugasemdir

[Birgir Þór Bragason, 12.8.2008 kl. 17:14]

Það voru og eru mistök að hafa hafnað 2+1

[Rósa Aðalsteinsdóttir, 12.8.2008 kl. 17:41]

Sælir strákar.

Nei það hefði verið klúður að hafa 2 + 1 veg.

Baráttukveðjur/Rósa

[Birgir Þór Bragason, 12.8.2008 kl. 18:32]

Lestu þetta Rósa

[Birgir Þór Bragason, 12.8.2008 kl. 18:33]

Og svo skaltu lesa þetta

[Gylfi Björgvinsson, 12.8.2008 kl. 19:03]

Jamm nú þarf bara að drífa í að gera það sem þarf og hefja frakvæmdir og ljúka þeim sem fyrst það flýtir ekki fyrir að vellta fyrir sér því se liðið er

áfram með málið

[Rósa Aðalsteinsdóttir, 12.8.2008 kl. 20:32]

Sæll Birgir Þór.

Veistu þegar ég sá hver höfundurinn var af grein sem þú vísaðir mér á þá var ég fljót að loka á greinina. Þessi maður er ekki í áliti hjá mér.  Sorry ef þú vilt vita ástæðu þá er netfangið [e-mail]

Baráttukveðjur til Eyþórs frænda míns.

Kær kveðja/Rósa

[Birgir Þór Bragason, 12.8.2008 kl. 20:48]

Ég held ég segi pass, Rósa.

[Rósa Aðalsteinsdóttir, 13.8.2008 kl. 05:54]

Ég segi grand en þoli ekki þessa vegagerðamenn sem eru alltaf að spara aurana og kasta krónunum.

[Ég, 14.8.2008 kl. 12:02]

Ég er nú bara venjulegur Reykvíkingur sem keyri í bústað aðra hverja helgi og hef aldrei skilið þetta 2+1 concept ... sem virkar algerlega fráleitt á þeim kafla Hellisheiðarinnar sem var breikkaður.  Ég hef lent í biluðum hjólhýsabíl á einbreiða hlutanum .... það var allt stopp og menn fóru að reyna allskonar rugl.  Gríðarlega ánægður með þessa 2+2 baráttu hjá ykkur!