Hanna Birna nýtur stuðnings - Dagur dalar

Það er ljóst að Hanna Birna hefur styrkt stöðu sína umtalsvert en innan við helmingur kjósenda (44%) vill sjá Dag sem borgarstjóra. Í janúar komst Hanna Birna varla á blað þannig að hún er greinilegur hástökkvari könnunarinnar og það er hin raunverulega frétt. Það er fróðlegt að bera þetta saman við stuðning við borgastjórnarmeirihlutann í könnun Fréttablaðsins. Þar eru eingöngu 26% sem styðja minnihlutann og 74% sagðir styðja meirihlutann. Sem sagt aðeins 44% af þeim 74% kjósenda sem sagðir eru styðja minnihlutann styðja Dag B. Eggertsson. Heil 30% kjósenda sem sagðir eru styðja minnihlutann vilja annan borgarstjóra og fær Hanna Birna stuðning 6% þeirra eða 12. hvern "stuðningsmann minnihlutans. Ég spái því að stuðningur við Tjarnartríó Dags, Svandísar og Ólafs F. muni minnka og stuðningur við Hönnu Birnu aukast enn frekar.

Þriðjungur styður Hönnu Birnu

Athugasemdir

[Ingólfur, 18.8.2008 kl. 12:03]

Þegar staðan er slæm að þá er um að gera að finna eitthvað jákvætt í henni, jafnvel þó maður þurfi að teygja sig aðeins til þess að finna það.

Það er vissulega gott að Hanna Birna hafi meiri stuðning sem borgarstjóri núna þegar hún tekur við því embætti en þegar Ólafur F var borgarstjóri og hún var ekki einu sinni oddviti. Eða réttara sagt, Það væri enn verra ef hún hefði ekki meiri fylgi nú en þegar hún kepptist sjálf við að lýsa trausti yfir á Ólaf og Villa í það embætti.

Það getur nefnilega ekki talist gott þegar innan við þriðjungur borgarbúa styður starfandi borgarstjóra.

[Sigurður Ingi Jónsson, 18.8.2008 kl. 12:59]

Skemmtilegur pistill. Minnir á kaldastríðsfrétt í Pravda af einvígi Bandaríkjamanns og Rússa í einhverri keppni. Bandaríkjamaðurinn vann, en frásögn Pravda var á þá leið að komrad Igor hefði hetjulega náð öðru sæti á meðan auðvaldssinninn varð næstsíðastur.

[Skarfurinn, 18.8.2008 kl. 14:32]

Rosalega eru íhaldsmernn orðnir nægjusamir ef þeir eru ánægðir með þetta, sjálfstæðisflokkurinn gengi aðeins um 27% í dag. held að hrokinn í Hönnu eigi eftir að fæla marga frá þegar á líður, manneskjan kemur ekki vel fram.

[Eyþór Laxdal Arnalds, 18.8.2008 kl. 14:38]

Það er enginn ánægður með 27%. Það sem verður fróðlegt er að sjá hvernig Hönnu Birnu og samstarfsfólki tekst til. Nú 3 dögum fyrir kjör borgarstjóra er Hanna Birna að mælast mun sterkari en Sjálfstæðis- og Framsóknarflokkurinn til samans. Það finnst mér athyglisverður vísir.

[Skarfurinn, 18.8.2008 kl. 15:02]

OK. skil hvað þú ert að fara, en bíðum spenntir og sjáum hvað tíminn leiðir í ljós á næstu vikum og mánuðum.

[Marta Gunnarsdóttir, 18.8.2008 kl. 21:00]

Ég rak augun í ; Þar eru eingöngu 26% sem styðja meirihlutann og 74% sagðir styðja minnihlutann.

Já, svolítill Rússablær á þessari framsetningu.

En láttu þér ekki bregða þó Hanna Birna fái lítinn stuðning þegar frá líður því hún sýnir hroka.

[Héðinn Björnsson, 19.8.2008 kl. 09:51]

Þú gleymir að taka með þann stóra hluta sem ekki tók þátt í seinni könnuninni. Um 90% treysi sér til að taka afstöðu til hvort að þeir væru fylgjandi nýjum meirihluta. aðeins um 55% treystu sér hinsvegar til að benda á nokkurn flokk sem þeir myndu styðja.

Nú er svo komin könnun þar sem um þriðjungur treysitr sér ekki til að benda á neinn sem þeir myndu vilja sjá sem borgarstjóra. Það sem er hin eðlilega greining á þessum könnunum er að Samfylkingin er að halda stuðningi sínum og Vinstri grænir einnig á meðan stór hluti stuðningsmanna hinna flokkanna treystir sér ekki til að styðja neinn flokk í Reykjavík.

Það hefur varla nokkru sinni verið eins mikill grundvöllur fyrir úthverfaframboði í sögu borgarinnar.