Fortis að falla?

Sögusagnir um að Fortis bankinn sé að falla ganga nú manna á milli. Staða Fortis hefur þótt sterk, en ef eitthvað er að marka síðustu vikur getur verið stutt frá svona orðrómi yfir í gjaldþrot. Þannig var það með Norhern Rock, Bear Stearns, Lehman Brothers, Freddie, Fannie og AIG.

Lækkun hlutabréfa og óttinn gera svona sögur oft að raunveruleika.

Fortis er fyrsti stóri evrópski bankinn  sem lendir í þessu en hann er með höfuðstöðvar í Belgíu.

Þetta eykur pressuna í Washington.

Athugasemdir

[Helga Auðunsdóttir, 28.9.2008 kl. 01:49]

Jæja Eyþór nú fer að koma að því að markaðsbúskapurinn fer að sýna sina svörtustu mynd. Hvað gera frjálshyggjumenn núna?

[Eyþór Laxdal Arnalds, 28.9.2008 kl. 09:04]

Menn verða að standa í lappirnar og bera ábyrgð á sínu.

[Helga Auðunsdóttir, 28.9.2008 kl. 12:46]

Já það verða flestir að gera það að bera ábyrgð á sínu, minnsta kosti hinn almenni borgari, en það er svo skrítið með allan peningamarkaðinn ef það verður hrun þá bera menn ekki þar ábyrgðina hún lendir á ríkinu og ríkið er allir í þjóðfélaginu. en ekki bara þessir örfáu sem voru valdir að því að verða fullgráðugir í peninga. Og skattar og skildur hækka. Ekki það að ég sé á móti sköttum en ég vil að þeir séu ekki notaðir í að redda örfáum mönnum sem óvart duttu inn í stjórnun sem þeir gátu ekki valdið