Við látum ekki kúga okkur

Geir H. Haarde er undir gríðarlegu álagi þessa dagana. Sjaldan eða aldrei í lýðveldissögunni hefur eins mikið reynt á stjórnvöld og nú. Geir hefur sýnt mikla yfirvegun á ögurstundu.

Það er hins vegar eðlilegt að þjóðin sé öll kvíðin fyrir niðurstöðu í erfiðum viðræðum við Breta og aðrar þjóðir. Samningsstaða okkar er erfið og afar litlar upplýsingar eru um raunverulegar byrðar sem ríkissjóður verður látinn bera út í nýja framtíðina. Íslendingar vilja vita þetta sem fyrst og er það vel skiljanlegur vilji.

Ég veit það fyrir víst að fjölmargir væru frekar til í að borða fisk og kartöflur í 5 ár heldur en að skuldsetja börn okkar og barnabörn. Lögfræðingar hafa enda staðfest takmarkaða ábyrgð ríkisins af sparireikningum útrásarbankanna.

Þess vegna er það mikilvæg og skýr afstaða sem kom fram hjá Geir. H. Haarde að "Við munum ekki láta kúga okkur í þessu máli." - Það er líka algert lykilatriði.

Niðurstaðan verður svo kynnt í þinginu þar sem hún verður samþykkt eða henni hafnað.

Við munum ekki láta kúga okkur

Athugasemdir

[Guðbjörn Guðbjörnsson, 22.10.2008 kl. 22:21]

Sammála!

[Gísli Bergsveinn Ívarsson, 22.10.2008 kl. 23:53]

ÁFRAM ÍSLAND

[Gunnar Rögnvaldsson, 23.10.2008 kl. 00:43]

Sammála.

Styðjum við forsætisráðherrann !!

Áfram Ísland áfram Geir !

[Vésteinn Valgarðsson, 23.10.2008 kl. 03:27]

Það er Geir sem er að kúga okkur!

[Hörður Finnbogason, 23.10.2008 kl. 08:23]

Nýtt Þorskhausastríð við Bretanna og litla Ísland finnur nýjar klippur á yfirgang þeirra!  En ég vissi ekki að fiskur væri neyðarmatur.  Það besta sem ég fæ er fiskur með tólg og kartöflur.

[Katrín Snæhólm Baldursdóttir, 23.10.2008 kl. 08:43]

Fiskurinn hefur verið svo dýr að hann er næstum orðinn lúxusmatur á mínu heimili....

[Ra (IP-tala skráð) 23.10.2008 kl. 09:12]

Sammála.  Nú er líka tími til að allir Íslendingar styðji við bakið á stjórn landsins - sama hvaða stjórnmálaskoðun fólk hefur.

Áfram Ísland, áfram Geir.

[Júlíus Garðar Júlíusson, 23.10.2008 kl. 09:44]

Fiskur og kartöflur ....það væri ekki ónýtt ef að allir gætu borðað fisk og kartöflur eins oft og þeir vilja...herramannsmatur.

[Jakobína Ingunn Ólafsdóttir, 23.10.2008 kl. 10:36]

Auðvitað viljum við frekar japla á roði en að skuldsetja börnin okkar. Svo á að breyta lögum, Björgólfsfeðga og fleiri í persónuleg gjaldþrot og gera upp félögin þeirra til þess að borga skuldir þeirra.

[Jón Snæbjörnsson, 23.10.2008 kl. 10:58]

held best sé að fara varlega í að staðhæfa mikið hér - þetta er risastórt og grafalvarlegt mál, mál þar sem ekki dugar að rétta upp fingurinn - verður ekki að nást samkomulag ?

fékk næstum nóg af fiski á yngri árum - þverskorið ýsulæri næstum daglega, nei ansk

[Eyþór Laxdal Arnalds, 23.10.2008 kl. 11:34]

Sæll Jón Snæbjörnsson; það er hárrétt hjá þér að þetta er risastórt og grafalvarlegt mál.

[DoctorE (IP-tala skráð) 23.10.2008 kl. 13:56]

Hvernig sem á þetta er horft þá er sjálfstæðisflokkurinn frum orsökin að öllu ruglinu ásamt framsókn og svo síðar með samfylkingu.
Ég get ekki séð að það geti orðið raunverulegur bati fyrr en við losum okkur við orsökina...

Þú átt vart mikla framtíð fyrir þér í xD Eyþór.. sjálfstæðisflokkur+ samfylking + framsókn ættu undir þessum kringumstæðum að þurrkast út við næstu kosningar... well nema ef íslendingar séu fífl.

Mér segir svo hugur að nýtt afli verði myndað fyrir næstu kosningar, afl sem vinnur fyrir land og þjóð en ekki fyrir sjálft sig

[Heidi Strand, 23.10.2008 kl. 14:15]

Sammála.

Hér er samantekt: http://larahanna.blog.is/blog/larahanna/

[Púkinn, 23.10.2008 kl. 15:35]

Það er í raun ekki um það deilt að ábyrgð ríkisins sé takmörkuð.  Málið er hins vegar það að ef stjórnvöld ætla að standa við það að tryggja innistæður Íslendinga (sem þeim ber engin skylda til að gera), þá eru þau að mismuna erlendum innistæðueigendum.

[Rósa Aðalsteinsdóttir, 23.10.2008 kl. 16:02]

Áfram Ísland

Megi almáttugur Guð miskunna okkur

Kær kveðja/Rósa

[Loftur Altice Þorsteinsson, 23.10.2008 kl. 17:15]

Kommúnistarnir gera harða hríð að Geir og Sjálfstæðisflokknum. Þeir ættu að sjá sóma sinn í að þegja á meðan versta atlaga Bretanna stendur yfir.

Því miður er það svo að ríkisstjórnin verður að horfa til framtíðar og láta atburði dagsins ekki byrgja sýn. Á einhverju stig þarf að koma til móts við Bretana og vegna sterkrar stöðu þeirra á alþjóðavettvangi, gætum við neyðst til að gera það fyrr en við óskum.

Það er því mikilvægt að beita gagnsókn, með því að kæra þá fyrir öllum mögulegum og ómögulegum dómstólum. Við eigum víða stuðningsmenn og verðum að efla þá eins og hægt er. Það vekur ugg, að við erum ekki að beita okkur á alþjóðlegum vettvangi og getum þess vegna króast af úti í horni með Bretum og Alþjóðlega gjaldeyrissjóðnum, sem þeir nærstum stjórna.

[Elinóra Inga Sigurðardóttir, 23.10.2008 kl. 17:23]

Sammála þér Eyþór. Ég er með nokkrar tillögur til að skapa atvinnu og verðmæti á blogginu mínu.

[Gunnar Rögnvaldsson, 23.10.2008 kl. 18:22]

Það besta sem ég fæ er fiskur með tólg og kartöflur.

Þá erum viða að minnsta kosti tveir ! :)

Kveðjur

[Loftur Altice Þorsteinsson, 23.10.2008 kl. 20:58]

Þær gleðilegu fréttir voru að berast, að IMF ætlar ekki að láta að stjórn Breta. Hryðjuverka-mennirnir í London munu ekki geta beitt IMF sem árásartæki gegn okkur, eins og þeir ætluðu sér með tilnefningu Alexander Gibbs í stjórn sjóðsins fyrr á árinu. Morgunblaðið sagði eftirfarandi fyrir rúmri klukkustund:

Bæði Geir, og Ingibjörg Sólrún Gísladóttir, utanríkisráðherra, sögðu nú undir kvöld, að hugsanlegt lán frá Alþjóðagjaldeyrissjóðnum væri ekki háð því skilyrði að niðurstaða lægi fyrir í viðræðunum við Breta.

[Tori, 23.10.2008 kl. 22:00]

Við verðum að standa með Geir í þessu stríði. en losa okkur síðan við hann í hvelli. Hann og aðrir stjórnmálamenn og þeirra embættismenn eru jú ábyrgir fyrir þessari stöðu.Þeir létu eigendur og stjórnendur Landsbankans komast upp með að ganga illa frá sínum málum.Allt aular. Maður tryggir ekki eftirá.

[sandkassi (IP-tala skráð) 23.10.2008 kl. 22:15]

Sjaldan hefur verið réttari maður á réttum stað. Geir er með þessi mál í lagi, ég veit það. Einnig þótti mér gott að heyra lesið upp símtalið milli Árna M. Mathiesen og Alistair Darling . Ég fékk ekki heyrt að símtalið gæfi tilefni til þeirra viðbragða sem fylgdu í kjölfarið.

Hér er augsýnilega diplómatískur skandall á ferðinni, og öfunda ég ekki ráðamenn Bretlands að þurfa að svara fyrir þetta vitfyrrta útspil og algjöran skort á háttvísi þegar kurlin koma til grafar.

Ég fæ ekki séð annað en að Árni hafi leitast við að sýna Darling fulla hreinskilni, en það er það sem að tíðkast í samtölum ráðamanna í þessari stöðu. Árni er í raun að segja Darling að hann þurfi tíma sem er ofureðlilegt í þessari stöðu. Þessir menn, Darling og Brown brugðust því algjörlega þeim trúnaði sem þeim var sýndur á ögurstundu og réðust að þjóðinni með óútskýranlegu offorsi.

Þessu munum við ekki gleyma.

[Stefanía, 23.10.2008 kl. 22:42]

Það hefst ekkert með einhverjum gífuryrðum og staðhæfingum . Mér finnst margir nota full sterk lýsingarorð og þá oftast neikvæð, um þá sem standa í ströngu þessa dagana.

Það er meira en að segja það, að tala og starfa fyrir hönd þjóðarinnar eins og staðan er.

Fyrir utan að þurfa að vera stöðugt að skýra frá gangi mála.

Ef það er ekki gert, er legið á upplýsingum.

Ég treysti engum betur til að koma okkur eins klakklaust og kostur er í gegnum þetta.