Sóknarfæri á Suðurlandi

Í kreppunni er mikilvægt að sjá sóknarfærin. Á Suðurlandi eru margar helstu náttúruperlur landsins enda koma hingað erlendir ferðamenn umvörpum. Einkaaðilar í ferðaþjónustu hafa unnið óeigingjarnt starf í að byggja upp margs konar þjónustu sem má nýtast allt árið í kring. Haustið, snjórinn, réttir, jólin og áramótin eru allt tækifæri til enn frekari sóknar í ferðamennsku. Suðurlandsvegurinn er lífæð í ferðaþjónustunni og tvöföldun hans er hluti af því að styrkja ferðamennsku innanlands allan ársins hring.

Þá er ekki síður tækifæri í innlendum ferðamönnum en með lægri krónu verður ákjósanlegt fyrir marga að ferðast frekar innanlands. "Ísland sækjum það heim" hefur sjaldan átt betur við.

Nú er framundan árlegt þing sambands sunnlenskra sveitarfélaga (SASS) og er ég viss um að þar verði þessi sóknarfæri á Suðurlandi rædd ítarlega. Nú er lag að byggja á góðum grunni.

Athugasemdir

[Jón Ólafur Vilhjálmsson, 19.11.2008 kl. 09:07]

Það er alveg rétt Suðurland á mjög  mikla möguleika í ferðaþjónustu og í iðnaði Þorlákshöfn á að fá til sín stórt fyrirtæki sem þarf mikið landsvæði og rafmagn þar er allt til staðar en maður upplifir þetta eins og Reyðarfjörð á tímabili þar var rætt um hvert fyrirtækið af öðru og svo liðu fjöldi ára áður en loksins kom álver. Það er sorglegt hvernig ríkistjórnin  sem nú situr og borgarstjórn Reykjavíkur eyðilagði þá versmiðju sem var komin hvað lengst með að setjast að í höfninni. Það er vonandi að netþjóna bú geti komist á koppinn í Þorlákshöfn. Það er mikilvægt fyrir Þorlákshöfn að fá stórt iðnfyrirtæki sem kjölfestu. Þeir eiga duglega útgerðamenn en það er samt atvinnugrein sem ekki er föst í hendi því ef þeir selja kvótann þá er stórt skarð höggvið í lífæð þeirra.

Suðurland er ein stærsta matarkista landsins hvort sem er til sjávar eða sveita. þar má einnig sjá fyrir sér meiri fullvinnslu matvæla,en hún er töluverð fyrir  

[Jón Snæbjörnsson, 19.11.2008 kl. 10:17]

Suðurlandið allt á allt gott skilið - og á mikla möguleika á svo mörgu - skil því ekki afhverju ákvörðun var tekin með Bakkafjöruhöfn í staðinn fyrir að endubæta aðstöðuna í Þorlákshöfn - þetta er kanski bara pólitíkin sem rúllar yfir allt og alla og þegar kemur að skuldadögum þá var ákvörðunin rétt á þeim tímapunkti - vil sjá þessa aðgerð blásna af.

Voru ekki Landeyjarbændur og Suðulandsbændur með flottustu fjósin hér árum áður - harðviður, kopar og lanthernur og mm sem prýddu fjós þeirra og útihús - allt úr ströndum - sagan segir að sumir hafi hengt lanthernur á beljurnar og rölt um förur til að lokka skipin í ógöngur

[Ólafur Hannesson (IP-tala skráð) 19.11.2008 kl. 11:13]

Það má svo ekki gleyma Suðurstrandarveginum, en hann mun koma til með að verða góð búbót fyrir allt Suðurland, í krafti ferðaþjónustu og flutnings.

mbk

Óli

[Ómar Ragnarsson, 20.11.2008 kl. 00:01]

"Þorlákshöfn á að fá til sín stórt iðnfyrirtæki." Ég les þetta sem risaálver. Það mun væntanlega fá orku frá Torfajökulssvæðinu og Kerlingarfjöllum og byggjast á sömu græðginni og nýting Reykjanesskagans, þar sem orkan verður kláruð eftir 50 ár.

Torfajökulssvæðið eitt er verðmætara náttúruundur en sjálfur Yellowstone-þjóðgarðurinn sem er gríðarlegt orkubúnt en við hjálpum Bandaríkjamönnum til að láta ósnortið með því að stúta mun verðmætari náttúruundrum Íslands.

Barnabörnin mun sitja eftir og formæla öfum sínum og ömmum sem er alveg sama, hvort eð er löngu dauð.

[Jón Snæbjörnsson, 21.11.2008 kl. 09:51]

Ég er nú bara löngu hættur að skilja Ómar - skildi hann ekki þegar hann rak bananann upp í Gísla á Upssölum sem sennilega varð hans bani og skil hann ekki enn