Skynsamleg ráðstöfun - fækkun kjörinna fulltrúa?

Þarna er stigið skynsamlegt og vel rökstutt skref. Stundum minnka afköst með of mörgum og getur það vel átt við nefndir Alþingis sem margt annað. Sama er að segja um nefndir sveitarstjórna; þar er unnt að sameina og draga saman seglin. Á samdráttartímum fækkar málum og með þessum hætti sýna stjórnvöld að þau eru tilbúin að minnka yfirbygginguna.

Kannski væri óvitlaust að skoða fækkun þingmanna?

-----------

Í kvöld var bæjarstjórnarfundur hjá okkur í Árborg. Þar lögðum við fulltrúar D-listans til að bæjarfulltrúum væri fækkað um 2 í 7 í stað 9. Þetta þýddi - að óbreyttu - að minnihlutinn missti 1 og meirihlutinn 1 fulltrúa. Heimild er í sveitarstjórnarlögum til að hafa 7 fulltrúa í sveitarfélögum sem telja 10.000 eða færri. Árborg er með færri en átta þúsund íbúa. Reykjavík er reyndar með 15 borgarfulltrúa svo 7 ættu að duga hér.

Fastanefndir verði 7 í stað 12

Athugasemdir

[Ólafur Ingi Hrólfsson, 23.12.2008 kl. 01:10]

skynsamlegt hjá Sturlu - skynsamleg tillaga ykkar - förum skrefi lengra og leggjum niður gagnslaust embætti forseta og spörum stórfé.

Æði mörg sendiráð mega að skaðlausu hverfa - Framsókn var iðin við kolann á sínum tíma - Framsókn gerði sér kanski ekki grein fyrir tilurð tölvunnar o.fl. tæknimála eins og síma o.fl.

Við hin vitum af þessu þólum og möguleikum - nýtum þá frekar en milljarðaútgjalda sendiráðanna.

Og burt með konungsmerkið sem trónir á Alþingishúsinu.

Ólafur I Hrólfsson

[Ragnar Gunnlaugsson, 23.12.2008 kl. 05:08]

Mjög gott mál,ég held að margar nefndirnar skili afar litlu mætti fækka þeim hjá ríkinu,það virðist oft erfit að toga úr þeim nytina.

Einu sinni var sagt að það væri lélegur krati sem ekki hefði neinn bitling.

[Einar Áskelsson (IP-tala skráð) 23.12.2008 kl. 08:40]

Þú ert að varpa þeirri skemmtilegu hugsun um magn og gæði sem mörgum gengur erfitt að skilja.  Sumir setja = merki þar á milli.  Ég er alveg viss um það að með einfaldri endurskipulagningu getið þið hjá Árborg, jafnvel Alþingi, náð fram aukinni skilvirkni í vinnuferlum mála.  Þess vegna sama magni án þess að það bitni á gæðum, jafnvel aukið þau.  Þetta er ánægjulegt skref hjá Alþingi og þessi virði fyrir ykkur að prófa hjá Árborg. 

[Vignir Bjarnason, 23.12.2008 kl. 08:56]

Hver er þá tilgangur Alþingis orðinn í þínum huga ??

Einföld afgreiðslustofnun, er ekki alveg eins gott að leggja niður Alþingi ??

[Jón Ólafur Vilhjálmsson, 23.12.2008 kl. 10:00]

Það ætti að fækka ráðaneytum um tvö að mínu mati, Forsætisráðaneytið á að geta farið með dóms og kirkjumál og Utanríkisráðaneyti með viðskiptamál.

[Presturinn, 23.12.2008 kl. 10:20]

Það væri nóg að hafa 31 þingmann. Þ.e. u.þ.b. einn þingmann á 10.000 íbúa. Það er töluvert færri kjósendur að baki þingmanni en almennt gerist í vestur Evrópu. Reykjavík er með um 10.000 íbúa á hvern borgarfulltrúa - Árborg er með um 1000 á hvern bæjarfulltrúa.

 Það er engin þörf fyrir svona marga kjörna fulltrúa!

[Eyþór Laxdal Arnalds, 23.12.2008 kl. 10:44]

Sæll Vignir. Magn þarf ekki að merkja gæði.

[Haraldur Baldursson, 23.12.2008 kl. 11:02]

Pappírsflóðið er þegar það mikið að mikil vinna er fyrir þingmenn ap komast yfir þetta. Þó fylgi ég þeirri hugmynd að vert sé að fækka þingmönnum í 31, en þá þarf um leið að skaffa öllum þingmönnum aðstoðarmenn. Það hefur lítið upp á sig að kæfa fólki í vinnu svo þingmál fari í gegn að óskoðuð.

[Guðbjörn Guðbjörnsson, 23.12.2008 kl. 11:10]

Ég er algjörlega ósammála Sturlu og þér Eyþór. Nefndir Alþingis vinna mjög þarft starf, því þar er farið skipulega yfir ný lög og önnur mál er þarfnast athugunar. Fyrir nefndirnar eru kallaðir sérfræðingar, forsvarsmenn stéttarfélaga og félagasamtaka og þannig fá alþingismenn tækifæri til að sjá allt aðra mynd af þingmálum, en ráðuneytin hafa lagt fram í athugasemdum við frumvörp, o.s.frv.

Að fækka nefndum yrði til þess að Alþingi skoðaði ný lög enn verr og slæm lagasmíð yrði enn verri. 

Hér er að mínu mati um algjört lýðskrum að ræða og því miður virðast flestir sjálfstæðismenn vera einstaklega ginnkeyptir fyrir niðurskurði á öllum sem er hjá ríkinu. Ég minni á að bankahrunið um allan heim má að miklu leyti rekja til of lítils eftirlits með bönkum og fjármálafyrirtækjum og allt og losaralegrar löggjafar um þessi fyrirtæki. Hefði lagaramminn hér varðandi krosseignatengsl og önnur tengd atriði og eftirlitið öflugra - líkt og í BNA og ESB - hefði hrunið líklega aldrei átt sér stað. Það er einmitt þessi dýrkun á eftirlitslausu hagkerfi og lagalausu, sem er hættulegast.

[Einar Áskelsson (IP-tala skráð) 23.12.2008 kl. 12:08]

Skil ekki þessa afkastahugsun hér.  Alveg eins og ég benti á og Eyþór sagði.  Magn er ekki sama og gæði.  Afköst og gæði þingmanna eru ekki mæld í fjölda funda, fjölda klukkutíma sem þingmenn verja í fundi eða á Alþingi.  Það er hægt að ná sömu og jafnvel betri markmiðum með skilvirkara og jafnvel einfaldara fyrirkomulagi.  Gæðaumbótahugsun hefur því miður aldrei náð fótfestu á Alþingi.  Samt eru skilaboðin að verið sé að vinna að umbótum fyrir þjóðina.

[Eyþór Laxdal Arnalds, 23.12.2008 kl. 14:29]

Sæll Guðbjörn. Aldrei hefur meira fé verið varið til eftirlits í veraldarsögunni og nú á síðustu árum.

[Ásgeir Rúnar Helgason, 23.12.2008 kl. 19:25]

Jólakveðja frá Sverige!

Hér étur fólk kæsta löngu (lutfisk) í stað skötu og skolar henni niður með margvíslegri flóru af allavega krydduðu ákavíti og vodka.

Sjálfur ét ég bara laufabrauð að heiman (ekki keypt í Bónus) og skola því niður með glögg.

Lifi fjalldrapinn!

[Guðbjörn Guðbjörnsson, 24.12.2008 kl. 13:23]

Algjörlega sammála þér að aldrei hafi verið meiru varið til eftirlits en var það nægilegt þegar tekið var tillit til stærðar bankanna eins og þeir voru? Ég leyfi mér að efast um það. Mér finnst það sýndarmennska að fækka kjörnum bæjarfulltrúum um 2 og fækka þingnefndum. Hér er verið að spara á röngum stöðum.