Verðhjöðnun - stýrivextir út úr öllu korti

Ársverðbólgan mælist nú -7% ef miðað er við síðasta mánuð. 

Stýrivextir eru hins vegar 17% og voru þeir ákveðnir fyrir nokkrum dögum, eða á sama tíma og verðhjöðnun átti sér stað. 

Stýrivextir eru samkvæmt þessu 22% hærri en verðlag. 

Að ekki sé talað um dráttarvexti og yfirdráttarvexti.  

Talsvert dregur úr verðbólgu

Athugasemdir

[Birgir Þór Bragason, 24.3.2009 kl. 10:12]

Ergó: þeir sem greiða vexti fyrir þennan mánuð af t.d yfirdrætti - borga 24% + 7% samtals 31% raunvexti - Það er bankarán!

[Gunnar Rögnvaldsson, 24.3.2009 kl. 10:51]

Til hamingju með nýja seðlabankastjórann Eyþór.

Þetta hlýtur allt að vera MIKLU betra núna. Já einmitt, miklu miklu betra. Það skiptir að sjálfsögðu öllu máli að nýja stjórn Seðlabankans sé svona svakalega öflug. Aðeins öfulgar seðlabankastjórnir geta gert svona mikið gagn. Ég tala nú ekki um SPRON meðfeðina.

Húrra! Til hamignu Íslendingar! Þið eruð komnir með öflugan Seðlabnaka. Aflið er mikið mikið. Og aflinn er einnig mikill mikill. Strax kominn einn fiskur í netið. Kominn fiskur, fiskur.

Jammen dog. Det er bare dejligt!

Kveðjur

[Heimir Tómasson, 24.3.2009 kl. 13:57]

Ég þykist greina vott um kaldhæðni þarna....

[Sigurður Þorsteinsson, 24.3.2009 kl. 14:03]

Verðhjöðnun með mælingu í einn mánuð, er of stuttur tími til þess að draga ályktanir af. Hins vegar er ljóst að verðbólgan er að nálgast núllið, og verðhjöðnun nokkuð sem hægt væri að búast við. Þá er 17% vextir algjörlega út úr korti. Hávaxtastefna undanfarinna ára var alvarleg, en nú er hún glæpur.

[Gunnar Rögnvaldsson, 24.3.2009 kl. 14:08]

. . tja, kanski smá vott, en bara örlítinn. Svona svipaðan að stærð eins og síðasta stórákvörðun norðmannsins sem situr núna og starir ofaní gaupnir sér þarna við gömlu höfnina í 101

Kveðjur

[Gunnar Rögnvaldsson, 24.3.2009 kl. 14:10]

Kva . . ég sé engin eldhúsáhöld á ferðinni núna!

[Eyþór Laxdal Arnalds, 24.3.2009 kl. 14:26]

Sæll Sigurður,

rétt er það að einn mánuður er stuttur tími í mælingu en mæling er það samt og hún hefur áhrif á milljarðatugi skuldbindinga um næstu mánaðarmót. 12 mánaða verðbólgan er söguleg og því er síðasta mæling alltaf líklegust að vera réttust. En við erum sammála um hávaxtaokrið.

[Rafn Haraldur Sigurðsson (IP-tala skráð) 24.3.2009 kl. 21:38]

Ekki er nú hann Dabbi að þvælast fyrir stýrivaxtalækkuninni núna, eða hvað? Af hverju eru ekki barðar pönnur og pottar núna fyrir framan seðlabankann!

[Sigurður Þorsteinsson, 24.3.2009 kl. 22:08]

Sæll Eyþór

Við erum alveg sammála um að það að miða verðbólgustigið við síðustu 12 mánuði er alveg út úr öllu korti. Á síðustu 12 mánuðum hefur hér orðið bankahrun, og samhliða gengishrun, sem þýðir að sjálfsögðu verðbólguskot. Vara og þjónusta hækkar með hækkuðu gengi. Eðlilegt er að skoða verðþróun t.d. síðustu þrjá mánuði og þá sýnir hún innan við 5 % verðbólgu, en stýrivextir eru 17%. Það er sérlega alvarlegt í ljósi mikils atvinnuleysis.

Vinstri Grænir með Steingrím Sigfússon fremstan í flokki gagnrýndu Seðlabankann harðlega fyrir hátt vaxtastig á síðasta ári, og það með réttu. Stýrivaxtastig nú er miklu alvarlegra mál. Það er glæpsamlegt athæfi! Þá þegir Steingrímur.